రాష్ట్రీయం
103 మీటర్లకే మేడిగడ్డ పరిమితం
S ,7 à 8 RSCA (si SASPAS) et 6 cialis pharmacie cialis rapports de stage.
ఎత్తు తగ్గింపుపై తెలంగాణ ప్రతిపాదన
సరేనన్న మహారాష్ట్ర సర్కార్
రెండు రాష్ట్రాల అధికారుల భేటీ
హైదరాబాద్, డిసెంబర్ 29: ప్రాణహిత- చేవెళ్ల అంతర్ రాష్ట్ర సమన్వయ కమిటీ సమావేశం మర్రి చెన్నారెడ్డి మానవ వనరుల అభివృద్ధి కేంద్రంలో మంగళవారం విజయవంతంగా జరిగింది. తెలంగాణ నుండి ముఖ్యకార్యదర్శి ఎస్‌కె జోషి, ఇంజనీరింగ్ చీఫ్ మురళీధర్‌రావు, ఇతర అధికారులు పాల్గొన్నారు. మహారాష్ట్ర తరఫున చీఫ్ ఇంజనీర్లు ఆర్‌ఎం చౌహాన్ ఇతర అధికారులు పాల్గొన్నారు. మేడిగడ్డ వద్ద 103 మీటర్లవద్ద బ్యారేజీని తెలంగాణ ప్రతిపాదించినట్టు అంతర్ రాష్ట్ర బోర్డు సభ్యులు నరేందర్‌రెడ్డి సభ్యులకు తెలిపారు. గతంలో మహారాష్ట్ర అభ్యంతరాలను దృష్టిలో పెట్టుకుని తెలంగాణ ప్రభుత్వం ఈ నూతన ప్రతిపాదన చేసినట్టు చెప్పారు. అదేవిధంగా తుమ్మిడిహట్టి వద్ద మహారాష్ట్ర కోరినట్టు అతి తక్కువ ముంపు కలిగిన ఎఫ్‌ఆర్‌ఎల్ బ్యారేజీ నిర్మాణానికి తెలంగాణ ప్రతిపాదనను అంగీకరించాలని కోరారు. రెండు బ్యారేజీలకు సంబంధించిన సాంకేతిక అంశాలను ఈ సమావేశంలో చర్చించి స్టాండింగ్ కమిటీ అమోదం కోసం ప్రతిపాదించాలని ముఖ్య కార్యదర్శి జోషి సూచించారు. మహారాష్ట్ర చీఫ్ ఇంజనీర్ చౌహాన్ స్పందిస్తూ తుమ్మిడిహట్టికి సంబంధించిన సాంకేతిక అంశాలు, ముంపు వివరాలు ఇప్పటికే అన్ని స్థాయిలో చర్చ జరిగినందున తుమ్మిడి హట్టి వద్ద బ్యారేజీ నిర్మాణానికి ఎలాంటి అడ్డంకులు లేవని తెలిపారు. అయితే మేడిగడ్డ వద్ద 103 మీటర్ల ఎఫ్‌ఆర్‌ఎల్ వద్ద తెలంగాణ ప్రభుత్వం సమర్పించిన సాంకేతిక వివరాలు, ముంపు వివరాలు అధ్యయనం చేయాల్సి ఉందని తెలిపారు. ఆ అధ్యయనం తరువాత మేడిగడ్డ వద్ద కంట్రోల్ లెవల్స్‌పై తమ అభిప్రాయాన్ని తెలియజేస్తామని అన్నారు. మేడిగడ్డ బ్యారేజీ ముంపు ప్రాంతాలను పరిశీలించేందుకు బుధవారం హెలికాప్టర్‌లో వెళ్లాలని నిర్ణయించారు. మహారాష్ట్ర అడిగిన వివరాలు రెండు రోజుల్లో అందజేయాలని వ్యాప్‌కోస్ సంస్థను తెలంగాణ ఇరిగేషన్ ముఖ్యకార్యదర్శి ఆదేశించారు. జనవరి 15 తరువాత స్టాండింగ్ కమిటీలో వీటిపై చర్చించి అంగీకారానికి రావాలని నిర్ణయించారు. చనాక కోరాటా ఒప్పందంపై ఈ సమావేశంలో చర్చించారు. నాగ్‌పూర్ సమావేశంలో నిర్ణయించినట్టు తెలంగాణ ప్రభుత్వం ముసాయిదా ఒప్పందాన్ని తయారు చేసి మహారాష్ట్ర ప్రభుత్వానికి అందజేసింది. ఈ ముసాయిదాపై వారం రోజుల్లో తమ అభిప్రాయం చెబుతామని మహారాష్ట్ర తెలిపింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.