రాష్ట్రీయం
అసమానతలను రూపుమాపేలా విద్యావిధానాలు ఉండాలి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 23: విద్యావిధానాలు దేశంలోని జనబాహుళ్యంలో అసమానతలను రూపుమాపేవిగా పేద, ధనిక అనే బేధాలు లేకుండా విద్యార్థులందరికీ సమాన అవకాశాలను కల్పిస్తూ వారిని ప్రోత్సహించేవిగా ఉండాలని నేషనల్ యూనివర్శిటీ ఆఫ్ ఎడ్యుకేషన్ అండ్ ప్లానింగ్ అడ్మినిస్ట్రేషన్ (నీపా) ప్రొఫెసర్ నళినీ జనేజా అన్నారు. సుందరయ్య విజ్ఞాన కేంద్రంలో రెండు రోజుల పాటు జరుగుతున్న మహిళా ఉపాధ్యాయుల జాతీయ సమ్మేళనంలో ‘విద్య- సంస్కృతి’ అనే అంశంపై ఏర్పాటు చేసిన సదస్సులో ఆమె మాట్లాడారు. స్వాతంత్య్రానంతరం అనేక కమిషన్లు వేసిన ప్రభుత్వాలు ఏ కమిషన్ సిఫార్సులనూ పూర్తిగా అమలు చేయలేదని, ప్రభుత్వాలు మారిన ప్రతి సందర్భంలోనూ వారి వారి ప్రాధాన్యతలకు అనుగుణంగా విద్యారంగం విధానాలు సైతం ప్రభావానికి గురవుతున్నాయని అన్నారు. 1996లో అప్పటి ప్రభుత్వం కనీస ఉమ్మడి ప్రణాళికలో భాగంగా జైపాల్‌రెడ్డి, చిదంబరం, సీతారం ఏచూరి ఆధ్వర్యంలో విద్యను ప్రాథమిక హక్కుగా మార్చేందుకు రాజ్యాంగ సవరణకు సిఫార్సు చేయడం ఒక ముందడుగు అని అన్నారు. తదనంతరం రాజ్యాంగ సవరణ జరిగి విద్యా హక్కు చట్టం రూపొందిందని గుర్తుచేశారు. ప్రస్తుతం ప్రతిపాదించిన నూతన విద్యా విధానం-2015 విద్యారంగంపై తీవ్రమైన ప్రభావాన్ని చూపించిందన్నారు. నేడు ప్రభుత్వ విద్యారంగంలో ఆంగ్ల మాధ్యమానికి కూడా ప్రాధాన్యత ఇవ్వాల్సిన అవసరం అనివార్యంగా ముందుకొచ్చిందని, అసమానత్వం నుండి వచ్చిన కొంత మందికే నాణ్యమైన విద్య అనే భావనను సమాన అవకాశాల ద్వారా దూరం చేసే విధంగా విద్యా విధానం రూపొందాలని అన్నారు. ఎస్‌టిఎఫ్‌ఐ జాతీయ కార్యదర్శి సీమా దత్త అధ్యక్షత జరిగిన ఈ సదస్సులో జాతీయ కార్యవర్గ సభ్యురాలు ఎస్.విజయగౌరి జాతీయ విద్యా విధానంపై ప్రతిపాదించిన తీర్మానాన్ని ఏకగ్రీవంగా ఆమోదించారు. అనంతరం ఉస్మానియా యూనివర్శిటీ ప్రొఫెసర్ సి.బీనా మాట్లాడుతూ, ఉపాధ్యాయుల ప్రవర్తన విద్యార్థుల వ్యక్తిత్వంపై ప్రభావం చూపుతుందన్నారు. బోధనాంశాల్లో టీచర్లు పరిపూర్ణత్వం సాధించాలని సూచించారు. సమావేశంలో ఎస్‌టిఎఫ్‌ఐ ఉపాధ్యక్షురాలు ఎం.సంయుక్త, కార్యదర్శులు శ్రీదేవి, చారులత, జాతీయ అధ్యక్ష, కార్యదర్శులు అభిజిత్ ముఖర్జీ, సిఎన్.్భరతి , ఎ.నర్సిరెడ్డి, సిహెచ్.రవి, దుర్గ్భావాని, పి.మాణిక్‌రెడ్డి, కోశాధికారి ఎన్.కృష్ణయ్య, కార్యదర్శులు ఎన్.సరళ, బి.నర్సింహరావు, టి.లక్ష్మారెడ్డి తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.