Others
వలపుల వలలో పడ్డ గజదొంగ! (వార్తావాఖ్య )
S ,7 à 8 RSCA (si SASPAS) et 6 cialis pharmacie cialis rapports de stage.
సినిమా స్టార్ల మోజు దొంగలకి కూడా వుంటుంది. బిహార్‌లో పాట్నాకి నూట యాభై కిలోమీటర్ల దూరంలోని దర్భంగాకి చెందిన గ్యాంగ్‌మాస్టర్‌గా వాసికెక్కిన దొంగ మహమ్మద్ హస్సేన్ అంటే చాలామందికి హడల్- అతగాడు ఘనత వహించిన భాజపా ఎంఎల్‌ఏ శ్రీమాన్ సంజయ్ కుమార్ మహతోగారి చాలా ఖరీదైన స్మార్ట్‌మొబైల్‌ని ఇంకా స్మార్ట్‌గా కొట్టేసి ఇంచక్కా వాడుకోవడం మొదలెట్టేడు. కాని దర్భంగా పోలీసు ఠానాలో మరీ అందమైన పేరు కూడా వున్న ఓ పోలీసు అసిస్టెంట్ సబ్ ఇన్స్‌పెక్టర్ మధుబాలాదేవి ముందుకొచ్చింది. సాహసివి మహిళా! మహమ్మద్‌ని శ్రీ మహతోగారి మొబైల్‌తో సహా పట్టుకోవాలి అన్నారు. ఆ ఫోన్ డేటాని ట్రేస్ చేసింది మధుబాల. ‘‘నేను నీకు అభిమానిని, నువ్వు నా హీరో (్ఫన్లో)’’ అంటూ మాట కలిపింది.. సందేశ మధురిమలు చిలకరించింది. జగాన ఆడదాని కొంగు తాకితే బోల్తాకొట్టని వాడెవడు? అతనికి అలా గాళ్‌ఫ్రెండ్ అయింది. పేరా? అని అడిగితే.. పోల్చలేదా? ప్రీతం! .. నేనే నయనతారను- అంటూ కువకువలు పోయింది. వాడు ఈ దక్షిణాది సూపర్ లేడీ స్టార్ అంటేనే చెవి కోసుకుంటాడు. ఇపుడు ముక్కు కోసుకోవడానికి రెడీ అయ్యాడు. ‘్ఫటో పెట్టవా? నాకు నమ్మకం వచ్చుద్ది’ - నయనతార బొమ్మని అప్‌లోడ్ చేసింది మధుబాల. ఎక్కడ కలుద్దాము డియర్ అంటూ మెస్సేజ్ కొట్టింది. వాడు బోల్తాకొట్టాడు. సెంటు కొట్టుకుని మరీ రంగంలో దిగాడు- మధుబాల మేలిముసుగు ధరించింది. మహమ్మద్ హుస్సేన్ దరహాస వికసిత వదనంతో ముందుకొచ్చాడు- వెనకనుంచి మఫ్టీలో పోలీసులు - డ్యూయెట్ సాంగ్‌లో ‘వంతగాళ్ళలాగా’ వచ్చారు. అమ్మడు హుష్‌కాకీ అయింది. అయ్య వలపుల సంకెళ్ళకి బదులు ఇనుప బేడీలు వేయించుకున్నాడు. వాడు చూసింది నయనతారబొమ్మ కనుక మధుబాలకి భవిష్యత్తులో ప్రమాదం రాదు- పైగా ప్రమోషన్ ఖాయం- ఈ దొంగ ‘మోస్ట్ వాంటెడ్’ అన్నారు విజ్ఞులు.
Related Articles
నేటి పరిస్థితుల్లో మాస్కులను తప్పనిసరి చేసింది ప్రభుత్వం. ప్రతిరోజూ మాస్కులను మార్చాలంటే ఇబ్బందే.. ఎందుకంటే మార్కెట్లో మాస్కులు దొరకడం లేదు. అందుకని కాటన్ క్లాత్‌తో ఇంట్లోనే మాస్కులను తయారుచేసుకుని వాడుకోవచ్చు. మాస్కులను తయారుచేసుకోవడం సులభమే.. కానీ వాటిని శుభ్రంగా ఉంచుకోవడమే కష్టం..
ప్రస్తుతం మన దేశంలో భారీకాయులు ఎక్కువవుతున్నారని వైద్య నిపుణుల చెబుతున్నారు. గణాంకాల ప్రకారం కోటి నలభై లక్షలమందికి బాల్యంలోనే భారీకాయం వుందని అంచనా. ఈ చిన్నారులు కొద్ది సంవత్సరాల్లో యువతగా రూపాంతరం చెందుతారు. అపుడు ఎక్కువమంది యువకులు భారీకాయులై ఉంటారనడంలో ఆశ్చర్యం లేదు.
అందాలనిచ్చే మొక్కలను పెంచుకోవాలన్న ఆలోచన, అభిరుచి వుంటే సరిపోదు- మొక్కలు పెంచుకోవాలంటే ఉత్సాహంగా వాటిపై ప్రత్యేక శ్రద్ధ పెట్టాలి.
చక్కని గాలి వెలుతురు వుండేలా చూస్తూ, ప్రతిరోజూ వాటికి నీళ్లు పోయాలి. రెండు రోజులు ఊరెళ్లాలన్నా వాటికి నీళ్లెలా అని సతమతవౌతుంటాం.
విద్యార్థులు తమ ఆరోగ్యాన్ని జాగ్రత్తగా చూసుకోవాలి. తినే సమయంలో కూడా పరీక్షల గురించి ఆలోచించరాదు. సరిగా తినకపోవడంవల్ల కలిగే నీరసం కారణంగా చదవాలనిపించదు. అలా అని ఎక్కువగా ఉన్నా కూడా ప్రమాదమే. మితహారం చాలా మంచిది. పప్పుదినుసులు, పాలు, గుడ్లు, ఆకుకూరలు వంటి తేలికపాటి ఆహారాన్ని తీసుకోవాలి.
పండుగరోజుల్లో రవ్వంత బంగారం అయినా కొనుక్కోవాలనుకుంటారు మహిళలు. బంగారం కొనేటప్పుడు సరైన జాగ్రత్తలు తీసుకోకపోతే మాత్రం డబ్బు నష్టపోవడం ఖాయం అంటూ కొన్ని సలహాలను ఇస్తున్నారు నిపుణులు.