Others
క‘బలి’ చేసేశారు!
S ,7 à 8 RSCA (si SASPAS) et 6 cialis pharmacie cialis rapports de stage.
-కబాలి కొట్టుకుపోవడానికి సవాలక్ష కారణాల్లో మీడియా ఒకటి అనిపిస్తుంది. వోవరాక్షన్ చేసి కబాలి చిత్రాన్ని ఆకాశానికి ఎత్తింది విజువల్ మీడియా. పట్టుతప్పి నింగినుండి నేలకుపడి కబాలి ముక్కలైతే, భూమిలోకి తొక్కేసిందీ విజువల్ మీడియానే అనిపిస్తుంది. ‘కబాలి’ చిత్ర నిర్మిత సమయం నుంచీ విడుదల వరకూ అత్యుత్సాహం చూపించింది. స్వచ్ఛ్భారత్, బాలకార్మిక వ్యవస్థ, క్యాన్సర్ కారకాలు, సెల్‌ఫోన్ దుర్వ్యసనాలు, ‘నిర్భయను భయపెడుతున్న ఘోరాలు, నిరుద్యోగ సమస్య, కుళ్లు రాజకీయాలు, ప్రపంచ క్రీడల్లో మనమెక్కడ? లాంటి ఎనె్నన్నో సమస్యలపై దృష్టి పెట్టాల్సిన మీడియా -కబాలి సినిమాయే దేశానికి అత్యంత ప్రాధాన్యమన్నంత ఫోకస్ చేసింది. మీడియా అతిగా ఫోకస్ చేయడం వల్ల ప్రేక్షకుల్లో లేనిపోని అంచనాలు పెరిగిపోయాయి. ఉచితంగా వస్తున్న పాపులార్టీ కదా అని భావించి, దాన్ని నియంత్రించడంలో కబాలి టీం కూడా ఉదాశీనంగా వ్యవహరించడం చివరకు కొంప మునిగింది. విడుదల రోజున కంపెనీలు ఉద్యోగులకు సెలవు ప్రకటించాయని, వృద్ధులకు చిత్ర టికెట్లు ఉచితంగా అందించారని, విమాన ప్రయాణయోగం కల్పించడం, నాణేలు ముద్రించడం, ఇన్ని దేశాల్లో ఇన్ని భాషల్లో ఇన్ని థియేటర్లలో విడుదలంటూ లెక్కలు చెప్పడం.. -నిజానికి సినిమా ప్రమోషన్స్‌లో హైప్‌కు మీడియా కాస్త మసాలా అంటించింది. ఫస్ట్‌లుక్స్, టీజర్లు, ఫేస్‌బుక్స్, యూట్యూబ్స్, వాట్సాప్స్, వ్యూస్, స్పెషల్ ఇంటర్వ్యూలు, ట్రయల్స్ రిలీజ్‌లాంటి ‘పిచ్చి’ ఎలాగూ అన్ని వుడ్‌లలో ముదిరిపోయింది. ఆ వింతలు, విడ్డూరాలను అతిగా సామాన్యులకు తెలియచేయాల్సిన అవసరం ఉందా? అంతగా వాటికి మీడియా ప్రాధాన్యత ఇవ్వాలా? అన్నదే ఇక్కడ అసలు ప్రశ్న. ‘కబాలి’ని ఎవరెస్ట్ శిఖరంపై కూర్చోబెడితే, ఆ శిఖరాన్ని చూపించి వ్యాపారులు తెలివిగా క్యాష్ చేసుకున్నారు. శిఖరం నుంచి ‘కబాలి’ కిందపడి ఫ్లాపైతే ఒక్కరూ కనిపించడం మానేశారు. కారణాలు విశే్లషించడం మానుకున్నారు. ‘కబాలి’ మాత్రమే మెగా చిత్రమైనట్టు తెగ హంగామా చేశారు. అసలు మన చిత్రాలకు అంత సీన్ అవసరమా? విడుదల ఫంక్షన్లు, ఆడియో ఫంక్షన్లు, విజయోత్సవ ఫంక్షన్లు, ఇతర కళాకారులతో చిత్రం గురించి డబ్బా కొట్టించడాలు అవసరమా? ఎవరెన్ని డబ్బాలు వాయించినా, ప్రేక్షకుల తీర్పునకు కట్టుబడక తప్పదు. చిత్రంలో సత్తావుంటే ప్రేక్షకులే నీరాజనం పలుకుతారు. వసూళ్లవాన కురిపిస్తారు. మీడియా ఊదరగొట్టడం వల్లే ‘కబాలి’ కనుమరుగయ్యాడు. అతికి ఫుల్‌స్టాప్ పెట్టి సినిమాను సినిమాగా విశే్లషిస్తే -ప్రేక్షకులకే కాదు, పరిశ్రమకూ మేలు చేసినట్టే.
Related Articles
సందీప్ వంగా -డార్లింగ్ ప్రభాస్ కాంబో ప్రాజెక్టు ఫినిషింగ్ టచ్‌లో ఉందన్న మాట వినిపిస్తోంది. సందీప్ డిజైన్ చేసిన ఫైనల్ స్క్రిప్ట్‌ను హీరో ఓకే చేస్తే -ప్రభ 22వ ప్రాజెక్టుకు అఫీషియల్ అనౌన్స్‌మెంట్ రావొచ్చన్న మాట వినిపిస్తోంది. ప్రస్తుతం ప్రభాస్ -ప్రాజెక్టు 20తో బిజీగా ఉన్నాడు.
ఇటీవల భారతీయ చలనచిత్రరంగంలో అత్యుత్తమ నటుడుగా నీరాజనాలందుకుంటున్న కమల్‌హాసన్, తాను నిర్మిస్తున్న భారతీయుడు-2 షూటింగ్ సందర్భంగా ఘోర ప్రమాదం జరిగి ముగ్గురు యూనిట్ సభ్యులు మరణించడం విచారకరం. సినిమారంగం యావత్తు సానుభూతి ప్రకటించింది. మూవీ ఆర్టిస్ట్ అసోసియేషన్ సంతాపం ప్రకటించింది.
పాన్ ఇండియా -టాగ్ లైన్‌తో భారీ వసూళ్లు రాబట్టే వ్యాపార సూత్రానికి మేకర్లు మరింత పదును పెడుతున్నారు. భారీ బడ్జెట్ నిర్మాతలంతా -రెండడుగులు ముందుకేసి ‘పాన్ ఇండియా’ మూవీలకు ప్లాన్ చేస్తుండటం కొద్దికాలంగా కనిపిస్తోన్న సీన్.
చెప్పడానికి తెలుగమ్మాయే గానీ తెలుగులో మాత్రం అవకాశాలు రావడం లేదు. ముంబాయిలో సైటిల్ అయిన భామ మున్నామైఖేల్ సినిమాతో తెరంగేట్రం చేసింది. తొలి సినిమాతోనే డాన్స్ పెర్ఫార్మెన్స్ అద్భుతంగా చేసి, టైగర్ ష్రాఫ్‌తో సమానంగా గుర్తింపు పొందింది. ఈ సినిమాలో నిథి అగర్వాల్‌ను చూసి అందరూ ఆశ్చర్యపోయారు.
దేవదాసు చంద్రముఖని చివరిసారిగా చూసి పార్వతికోసం రైలెక్కి దుర్గాపూర్ రోడ్డులో దిగి బండి ఎక్కి తూలుతూ, మూలుగుతూ రక్తం కక్కుకుంటూ, ఉరుములు, మెరుపులు, వాన ప్రారంభం కాగానే ఒక చోట బండి బురదలో దిగబడిపోతే, బండి దిగి బండివానికి సహాయం చేసి, దుర్గాపూర్ రాగానే కదలలేని స్థితికి చేరుకుంటాడు.