‘ప్రాజెక్టు అనంత’ కోసం కాంగ్రెస్ బైక్ ర్యాలీ

అనంతపురం: జిల్లాలో వ్యవసాయ రంగానికి ఆశాకిరణమైన ‘ప్రాజెక్టు అనంత’ను చేపట్టేలా ప్రభుత్వం చర్యలు తీసుకోవాలని కోరుతూ కాంగ్రెస్ పార్టీ ఆధ్వర్యంలో శుక్రవారం భారీ ఎత్తున బైక్ ర్యాలీ ప్రారంభించారు. మడకశిరలో ఎపి పిసిసి అధ్యక్షుడు రఘువీరారెడ్డి బైక్ ర్యాలీని ప్రారంభించారు. ప్రాజెక్టు అనంతను పూర్తి చేసేలా జిల్లాలోని ప్రజాప్రతినిధులంతా దీక్ష వహించాలని ఆయన పిలుపునిచ్చారు. అన్ని మండలాల నుంచి బైక్ ర్యాలీ అనంతపురానికి చేరుకుంటుందని ఆయన తెలిపారు.