రాష్ట్రీయం
రంగు మారిన ధాన్యం కొనాలి: బొత్స
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు, నవంబర్ 24: రాష్ట్రంలో భారీ వర్షాలతో జరిగిన బీభత్సాన్ని సమర్థవంతంగా ఎదుర్కోవడంలో ప్రభుత్వం విఫలమైందని వైఎస్‌ఆర్ కాంగ్రెస్ పార్టీ సీనియర్ నాయకుడు, గుంటూరు జిల్లా పార్టీ ఇన్‌చార్జ్ బొత్స సత్యనారాయణ విమర్శించారు. మంగళవారం ఇక్కడ విలేఖరులతో మాట్లాడుతూ రైతులు తీవ్రంగా దెబ్బతిన్నందున తక్షణసాయం అందించాలని డిమాండ్‌చేశారు. పంటనష్టాన్ని వెంటనే అంచనావేసి నష్టపరిహారం చెల్లించాలన్నారు. రంగుమారిన ధాన్యాన్ని ప్రత్యేక కేంద్రాల ద్వారా రైతుల నుంచి కొనుగోలు చేయాలన్నారు. అయితే రాష్ట్రప్రభుత్వం రైతులపై అశ్రద్ధ చూపుతోందన్నారు. రైతులను ఆదుకోకుండా తాత్సారం చేస్తుందన్నారు. నెల్లూరు, కడప, కర్నూలు, చిత్తూరు జిల్లాల్లో వర్షాల కారణంగా తీవ్ర విధ్వంసం జరిగితే కేంద్రాన్ని 1000 కోట్లు కోరడం ఆక్షేపణీయమన్నారు. హుధుద్ తుఫాన్ సమయంలో దేశ ప్రధాని, కేంద్రమంత్రి స్వయంగా వెయ్యి కోట్లు ప్రకటించి ఏడాది గడిచినప్పటికీ 150 కోట్లు మాత్రమే మంజూరయ్యాయన్నారు. కాంట్రాక్టు ఉద్యోగులకు 11 వేల రూపాయలు వేతనం చెల్లిస్తుండగా సబ్ కమిటీ పేరుతో 8 వేలు చెల్లించేందుకు ప్రయత్నించడం వారి శ్రమను దోచుకోవడమేనన్నారు. ఇప్పటికైనా రాష్ట్రప్రభుత్వం కాంట్రాక్టు ఉద్యోగుల విషయంలో సబ్ కమిటీని మరలావేసి స్పష్టమైన వైఖరితో సహాయం చేసేందుకు కృషి చేయాలని బొత్స సత్యనారాయణ డిమాండ్ చేశారు. ఈ సమావేశంలో పార్టీ నాయకులు అంబటి రాంబాబు, మేరుగ నాగార్జున, లేళ్ల అప్పిరెడ్డి తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.