రాష్ట్రీయం
రాజ్‌భవన్‌లో గిరిజన నృత్యహేల
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: హైదరాబాద్‌లోని రాజ్‌భవన్‌లో మంగళవారం గిరిజన సాంస్కృతిక బృందాల నృత్యహేల కన్నుల పండువగా జరిగింది. న్యూఢిల్లీలో గత నెల 26 న భారత గణతంత్ర వేడుకల్లో తెలంగాణ రాష్ట్రం నుండి పాల్గొన్న గిరిజన సాంస్కృతిక బృందాలు గవర్నర్ తమిళిసైని కలిశాయి. 26 మంది కోయ, గోండు, బంజారా, తోటి, ప్రధాన్, డోలి తదితరులు గవర్నర్‌ను కలిసిన వారిలో ఉన్నారు. రాజ్‌భవన్‌లో గవర్నర్ ఎదుట ఈ బృందాలు తమ గిరిజన సాంప్రదాయ నృత్య ప్రదర్శనను ఇచ్చాయి.
రేలా రే రేలా రాగంలో గుస్సాడి, కొమ్ము కోయ నృత్యాలను తమ సంప్రదాయ దుస్తులు, వాయిద్య సహకారంతో చక్కగా అభినయించారు. కళాకారులు ప్రదర్శనను చూసి ముచ్చటపడ్డ గవర్నర్ తమిళిసై సౌందరరాజన్ కూడా వారితో కలిసి కొద్దిసేపు నృత్యం చేశారు. ఈ సందర్భంగా గవర్నర్ మాట్లాడుతూ, గిరిజనుల సమగ్ర అభివృద్ధికి తనవంతు కృషి చేస్తానన హామీ ఇచ్చారు. తెలంగాణ కుంభమేళాగా పేరు వచ్చిన సమ్మక్క-సారాలమ్మ ఉత్సవాలకు ఫిబ్రవరి 7 న తాను హాజరవుతానని గవర్నర్ ప్రకటించారు. గిరిజన కళాకారులందరికీ శాలువాలు కప్పి, జ్ఞాపికలను గవర్నర్ అందించారు. ఢిల్లీ పెరేడ్ గ్రౌండ్స్‌లో నిర్వహించిన జనవరి 26 న రిపబ్లిక్ డే ఉత్సవాల్లో తెలంగాణకు చెందిన గిరిజనులు చేసిన నృత్య ప్రదర్శనలకు నాలుగో బహుమతి లభించిందని కోయ, గిరిజన అధ్యయన సంస్థ అధ్యక్షులు ప్రొఫెసర్ జయధీర్ తిరుమల రావు ఈ సందర్భంగా తెలిపారు. దేశం మొత్తం నుండి 23 గిరిజన బృందాలు గణతంత్ర దినోత్సవ వేడుకల్లో పాల్గొన్నాయని గుర్తు చేశారు.
ఈ కార్యక్రమంలో గిరిజన అధ్యయన సంస్థ తరఫున ప్రొఫెసర్ జి. మనోజ, సోయం సుగుణాబాయి, పద్దం అనసూయ, జల్లి దామయ్య తదితరులు పాల్గొన్నారు.
*చిత్రం...రాజ్‌భవన్‌లో జరిగిన గిరిజన సాంప్రదాయ నృత్య ప్రదర్శనలో పాల్గొన్న గవర్నర్ తమిళిసై సౌందర రాజన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.