రాష్ట్రీయం
సింహ వాహనంపై ఊరేగిన నరసింహుడు
S ,7 à 8 RSCA (si SASPAS) et 6 cialis pharmacie cialis rapports de stage.
యాదగిరిగుట్ట, ఫిబ్రవరి 6: యాదాద్రి పాతగుట్ట శ్రీ లక్ష్మీనరసింహస్వామి వార్షిక బ్రహ్మోత్సవాల మూడవ రోజు గురువారం సింహముఖుడైన శ్రీ లక్ష్మీనరసింహుడు సింహవాహన అలంకార సేవలో, అశ్వవాహన అలంకార సేవల్లో భక్తులకు దర్శనమిచ్చారు. ఉదయం ఆలయంలో నిత్యారాధనల అంతరం ప్రబంధ పారాయణాలు, యాజ్ఞీకులతో నిత్య హవనములు మూలమంత్ర జపములు పాంచరాత్రిగమరీత్యా నిర్వహించారు. అనంతరం శ్రీ స్వామిఅమ్మవారిని సింహహవాన సేవలో అలంకరించి తిరువీధుల్లో ఊరేగింపు నిర్వహించారు. హిరణ్యకశ్యపుడిని వధించి జగద్రక్షణ చేసేందుకు స్వామివారు సింహముఖుడిగా నరసింహవతారం దాల్చారని, సింహ శబ్దం అంటే శతృభీతి, పాపనాశన, ఆశ్రీత రక్షణ తత్పరత ఒటే చోట గూర్చిన నరసింహ అవతారమని పురాణాల ప్రశస్తి. ప్రాతః స్మరణీయ శ్రీ నృసింహ రూపమని వేద పురాణాలు చెబుతున్నాయి. బ్రహ్మోత్సవాల్లో భాగంగా సాయంత్రం శ్రీ లక్ష్మీనరసింహుల ఎదుర్కోలు వేడుకను పండిత బృందం శాస్తయ్రుక్తంగా నిర్వహించింది. అశ్వవాహన అలంకారసేవలో జగద్రక్షుడైన లక్ష్మీనరసింహుడిని మేళతాళాల మధ్య ఊరేగింపు నిర్వహించి ఆస్థాన కల్యాణ మండపం వద్దకు తోడ్కొని వచ్చారు. క్షీరరాజ తనయ, జగద్రక్షిణి శ్రీ లక్ష్మీ అమ్మవారిని ముత్యాల పల్లకిలో కల్యాణ మండపం వద్దకు మేళతాళాలతో తోడ్కొని రాగా స్వామిఅమ్మవార్ల ఇరువురి పెద్దలు, పండితులు వధూవరులై శ్రీ లక్ష్మీనరసింహుల గుణగణాలను, వైభవాన్ని, గొప్పతన విశేషాలను, అమ్మవారి దయాగుణాన్ని ప్రస్తుతిస్తూ ఎదుర్కోలు వేడుకను రక్తిదాయకంగా నిర్వహించారు. పెళ్లి పెద్దలు లక్ష్మీనరసింహులకు లగ్నపత్రికను రాసుకుని నేడు శుక్రవారం రాత్రి 8గంటలకు తిరుకల్యాణత్సవం నిర్వహించ సుమూహుర్తం నిర్ణయించారు. ఆయా అలంకార సేవలు, ఎదుర్కోలు ఘట్టం ప్రధానార్చకుల నంధీగల్ లక్ష్మీనరసింహాచార్యులు, యాజ్ఞీకులు భాష్యకార్ స్వామి పర్యవేక్షణలో ఆద్యంతరం శాస్తయ్రుక్తంగా నిర్వహించారు. ఈ కార్యక్రమాల్లో ఈవో గీత, ధర్మకర్త బి.నరసింహమూర్తి, ఆలయ అధికారులు, సిబ్బంది పాల్గొన్నారు.
*చిత్రం..సింహ వాహనంపై ఊరేగిన నరసింహుడు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.