రాష్ట్రీయం
ఒక రాజధానే ఉండాలి కానీ...
S ,7 à 8 RSCA (si SASPAS) et 6 cialis pharmacie cialis rapports de stage.
అమలాపురం, ఫిబ్రవరి 6: రాష్ట్రానికి మూడు రాజధానుల కంటే ఒక రాజధాని ఉండటమే మంచిదని, అయితే అది విపక్ష నేత చంద్రబాబు ఊహాత్మక అమరావతిలా కాకుండా వేరేవిధంగా ఉండాలని బీజేపీ ఎమ్మెల్సీ మాధవ్ వ్యాఖ్యానించారు. అభివృద్ధి వికేంద్రీకరణ మంచి పరిణామమేనని కర్నూలుకు, వైజాగ్‌కు కొన్ని హెచ్‌వోడీ కార్యాలయాలు తరలింపును బీజేపీ సమర్ధిస్తుంది కానీ పాలన రాజధానిగా అమరావతే ఉండాలన్నారు. తూర్పు గోదావరి జిల్లా అమలాపురంలో గురువారం ఆయన విలేఖర్లతో మాట్లాడారు. తెలుగు మాధ్యమంపై తీవ్ర అభ్యంతరం తెలపడం, మూడు రాజధానులను వ్యతిరేకించడం పట్ల రాష్ట్ర ప్రభుత్వం ఏకపక్ష ధోరణితో శాసనమండలిని రద్దుచేయడం దారుణమన్నారు. ఇప్పటికే మండలిలో ఆగిపోయిన బిల్లులను ముందుకు తీసుకెళ్లే ప్రయత్నం రాష్ట్ర ప్రభుత్వం చేయాలే తప్ప ఇలా మండలి రద్దు చేయడం మంచి పరిణామం కాదన్నారు.
శాసనమండలి రద్దు నిర్ణయం ఏకపక్ష చర్య అని, ఈవిషయంలో ముఖ్యమంత్రి జగన్మోహన్రెడ్డి పునరాలోచించాలని మాధవ్ అభిప్రాయపడ్డారు. రాజధాని బిల్లులు సెలక్ట్ కమిటీకి వెళ్లినా అవి ఆమోదం పొందుతాయని, ఈ విషయంలో శాసనమండలి రద్దు తగదన్నారు.కేంద్ర బడ్జెట్‌లో ఆంధ్రప్రదేశ్‌కు అన్యాయం చేసిందనే తప్పుడు అభిప్రాయాన్ని ప్రజల్లో కలిగించే ప్రయత్నాన్ని ముఖ్యమంత్రి వైఎస్ జగన్మోహన్రెడ్డి మానుకోకపోతే చంద్రబాబునాయుడుకు పట్టిన గతే పడుతుందని హెచ్చరించారు. కేంద్ర బడ్జెట్ అనేది దేశవ్యాప్తంగా అన్ని రాష్ట్రాలకు మేలుచేసేదిగా ఉంటుందని, ప్రాంతాల వారీగా బడ్జెట్‌లో నిర్ణయం చేయకూడదనేది బీజేపీ నిర్ణయమన్నారు. దేశంలో ఏ రాష్ట్రానికి ఇవ్వలేని విధంగా ఆంధ్రప్రదేశ్‌కు గత ఏడాది 60 వేల కోట్లు కేంద్ర నిధులు ఇచ్చారన్నారు. ప్రస్తుత రాష్ట్ర ప్రభుత్వం చొరవ చూపితే ఈ ఏడాది కూడా అంతకంటే ఎక్కువ నిధులు రాబట్టవచ్చునన్నారు. కోనసీమలో కోటిపల్లి-నరసాపురం రైల్వే లైను కోసం బీజేపీ జాతీయ నేత వారణాసి రామ్‌మాధవ్ ప్రత్యేక చొరవతో రూ.1200 కోట్లు కేంద్ర ప్రభుత్వం మంజూరు చేసిందన్నారు.
ఈ నిధులతో కోనసీమలో మూడు రైల్వే వంతెనల నిర్మాణంతోపాటు ట్రాక్ పనులు జరుగుతున్నాయన్నారు. ప్రతీ 100 కిలోమీటర్లకు గ్యాస్ టెర్మినల్ ఏర్పాటు చేయడంతోపాటు పైపులైన్లకు పక్కనే సెన్సార్లు ఏర్పాటుచేసి వాటికి జియో ట్యాగింగ్ చేయడం ద్వారా గ్యాస్ లీకేజీలను సమర్ధవంతంగా అరికట్టవచ్చునని మాధవ్ పేర్కొన్నారు. విలేఖర్ల సమావేశంలో ఆల్డా చైర్మన్ యాళ్ల దొరబాబు, మాజీ ఎమ్మెల్యే మానేపల్లి అయ్యాజీ వేమా, బీజేపీ రాష్ట్ర కార్యవర్గ సభ్యుడు మోకా వెంకట సుబ్బారావు తదితరులు పాల్గొన్నారు.
*చిత్రం...విలేఖర్లతో మాట్లాడుతున్న ఎమ్మెల్సీ మాధవ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.