రాష్ట్రీయం
హైకోర్టు తరలింపునకు సన్నాహాలు!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: తెలంగాణ హైకోర్టును బుద్వేలుకు తరలించి ప్రస్తుతం ఉన్న ప్రాంగణాన్ని మ్యూజియంగా మారిస్తే ఎలా ఉంటుందనే ఆలోచనలో ప్రభుత్వం ఉన్నట్టు తెలిసింది. కక్షిదారులు, న్యాయవాదులు, న్యాయాధికారులు, న్యాయమూర్తులతో పాటు సిబ్బంది , సహాయకులతో సందర్శకులతోనూ, అధికారులతోనూ హైకోర్టు కిక్కిరిసిపోతుండడంతో అందరికీ అసౌకర్యంగా ఉంటోంది. ట్రాఫిక్ సమస్య, పార్కింగ్ సమస్యలు కూడా తలెత్తడంతో పాటు ఛాంబర్లు చాలా ఇరుకుగా మారాయి. విశాలంగా ఉండాల్సిన కోర్టు హాళ్లు కూడా ఎలాంటి ఆధునిక సౌకర్యాలకు నోచుకోకుండా ఉండడంతో అత్యాధునిక భవంతిని హైకోర్టుకు నిర్మించాలని ప్రభుత్వం తలపెట్టింది. బుద్వేలుకు తరలించి అక్కడ హైకోర్టు సహా అనుబంధ కోర్టు ప్రాంగణాలను కూడా అక్కడే నిర్మించాలని ప్రభుత్వం భావిస్తుండగా, న్యాయవాదులు మాత్రం దానిని వ్యతిరేకిస్తున్నారు. పాతబస్తీలో చార్మినార్‌కు సమీపంలో ఉండడంతో అందరికీ సౌకర్యవంతంగా ఉంటోందని, ఇపుడు దానిని ఊరు చివరకు మారిస్తే అందరికీ అసౌకర్యంగా ఉంటుందని వారు చెబుతున్నారు. ఒక దశలో సేవ్ హైకోర్టు పేరుతో ఉద్యమ కమిటీ ఏర్పాటై హైకోర్టును పాతబస్తీలోనే కొనసాగించాలని న్యాయవాదులు డిమాండ్ చేస్తూ నిరసనలు, ర్యాలీలు నిర్వహించారు. హైకోర్టును తరలించే యోచన ప్రభుత్వానికి లేదని న్యాయ శాఖ మంత్రి అల్లోల ఇంద్రకరణ్‌రెడ్డి ఇటీవల శాసనసభలో చాలా స్పష్టమైన హామీ ఇచ్చారు. అయినా ప్రభుత్వం పావులు కదుపుతున్నట్టు కొంతమంది న్యాయవాదులు ఆరోపిస్తున్నారు. జ్యుడీషియల్ మ్యూజియం నిర్మాణం కోసం సీఆర్‌పీ ఓల్ట్ రికార్ట్సు హాలును తక్షణం ఖాళీ చేయాలని ఆదేశాలు అందిందే మొదలు వాటిని అమలు చేశారని తెలిసింది. బర్కత్‌పురా నల్సార్ భవనానికి సీఆర్‌పీ డిపాజిట్ రికార్డులను మార్చినట్టు సమాచారం. అయితే రికార్డులు మార్చినా అందుకు అనుగుణమైన భద్రతా చర్యలు చేపట్టలేదనే ఆరోపణలు వస్తున్నాయి. వాస్తవానికి హైకోర్టు తరలింపుపై ఏ ఒక్కరూ నిర్ణయం తీసుకోకపోగా, అంతా దాదాపు వెనకడుగు వేస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.