రాష్ట్రీయం
చట్టసభల తీరు బాధాకరం
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం: ప్రస్తుతం చట్టసభలు జరుగుతున్న తీరు చూస్తుంటే ఆవేదన కలుగుతోంది. పార్లమెంట్ కావచ్చు, రాష్ట్రాల అసెంబ్లీ కావచ్చు. అంశాలపై చర్చను పక్కన పెట్టి రాజకీయంగా, వ్యక్తిగతంగా విమర్శలకు ప్రాధాన్యం ఇస్తున్నారు. ఇది ఎంతమాత్రం ఆమోదయోగ్యం కాదని భారత ఉప రాష్ట్రపతి ఎం వెంకయ్యనాయుడు అభిప్రాయపడ్డారు.
విశాఖ గీతం డీమ్డ్ యూనివర్శిటీలో శనివారం జరిగిన ఒక కార్యక్రమంలో పాల్గొన్న ఆయన మాట్లాడుతూ రాజకీయ పార్టీలు ఏవైనప్పటికీ చట్టసభల్లో ఒకప్పటి హుందాతనం దాదాపు కనుమరుగవుతోందని ఆవేదన వ్యక్తం చేశారు. రాజకీయ పార్టీలు ప్రత్యర్థులుగా కాకుండా శత్రువుల మాదిరి ఒకరిపై ఒకరు విమర్శలు చేసుకుంటున్నారన్నారు. ఇక అసెంబ్లీలో కూడా ఇదే సంప్రదాయం కొనసాగుతోందని, ఇటీవల ఏపీ అసెంబ్లీ సమావేశాల్లో రాజకీయ పక్షాలకు చెందిన ప్రతినిధులు మాట్లాడిన భాష కంపరం పుట్టించిందన్నారు. అయితే ఇది కేవలం ఏపీ అసెంబ్లీనే ఉద్దేశించి తాను చేస్తున్న వ్యాఖ్యలు కావన్నారు. చట్టసభల్లో ఒకప్పటి హుందాతనం కనుమరుగైందన్నారు. తిరిగి అటువంటి సహృద్భావ వాతావరణంలో చట్టసభలు జరగాలన్నారు. నేటి రాజకీయాల్లో కేస్ట్, కమ్యూనిటీ, కేష్, క్రిమినాలిటీ అర్హతలుగా మారిపోయాయన్నారు. బుల్లెట్ కంటే బ్యాలెట్ ఎంతో శక్తికలిగిందని, ఒక్క బుల్లెట్‌తో ఒక మనిషిని మాత్రమే చంపగలమని, ప్రధానులు, ముఖ్యమంత్రులను కూడా పదవి నుంచి దించగలిగే శక్తి బ్యాలెట్‌కు మాత్రమే ఉందన్నారు. ఇటీవల కేంద్రం తీసుకువచ్చిన సీఏఏ బిల్లుపై రాజకీయ పార్టీలు అవగాహన పెంచుకోవాలని ఉపరాష్ట్రపతి వెంకయ్య నాయుడు హితవు పలికారు. దేశానికి స్వాతంత్య్రం వచ్చే నాటికి దేశంలో ఉన్న ప్రజల పౌరసత్వం రద్దు చేయాలన్నది సీఏఏ ఉద్దేశం కాదన్నారు. కశ్మీర్ భారత్‌లో అంతర్భాగమేనని, పాక్ ఆక్రమిత కశ్మీర్ కూడా భారత్‌దేనన్నారు. ఇక ఆర్టికల్ 370, ట్రిపుల్ తలాఖ్, తదితర చట్టాల విషయంలో కూడా అవగాహన లేకుండా రాజకీయ పక్షాలు చర్చిస్తున్నాయన్నారు. స్వాతంత్య్రం వచ్చిన తరువాత తాత్కాలిక అంశంగా రాజ్యాంగంలో పొందుపరచిన జమ్ము-కశ్మీర్ స్వయంప్రతిపత్తిని ఇంకా కొనసాగించడంలో అర్ధం లేదన్నారు.
తనకు మాతృభాషంటే ఎనలేని అభిమానమని, విద్యార్థుల మూలాలు మాతృభాషలోనే ఎదగాలని, అయితే పోటీ ప్రపంచంలో నెగ్గుకురావాలంటే ఇతర భాషలు కూడా నేర్చుకోవాల్సిన అవసరం ఉందన్నారు. అలాగే భారతీయ భాషలకు ప్రోత్సాహం అందించాల్సిన బాధ్యత కేంద్ర, రాష్ట్ర ప్రభుత్వాలపై ఉందన్నారు.
*చిత్రం...సమావేశంలో మాట్లాడుతున్న ఉపరాష్ట్రపతి వెంకయ్యనాయుడు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.