రాష్ట్రీయం
జాతీయ ఫ్లీనరీ -- ఫ్రంటే కేంద్ర బిందువుగా సాగిన ప్లీనరీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 27: తెలంగాణ రాష్ట్ర సమితి 17 వసంతాలు పూర్తి చేసుకున్న సందర్భాన్ని పురస్కరించుకుని నిర్వహించిన వార్షిక ప్లీనరీ అసాంతం పూర్తిగా ఫెడరల్ ఫ్రంట్ ఏర్పాటే కేంద్ర బిందువుగా సాగింది. పార్టీ అధినేత, సిఎం కేసీఆర్ తన ప్రసంగంలో సింహభాగాన్ని ఫ్రంట్ ఏర్పాటు అవశ్యకతపైనే కొనసాగింది. ప్లీనరీ జరిగిన తీరు తెన్నులను విశే్లషిస్తే ఇది రాష్ట్ర ప్లీనరీగా కాకుండా జాతీయ ప్లీనరీగా చెప్పవచ్చు. కేంద్రంలో కాంగ్రెస్, బిజేపీ కూటమీల హయాంలోని ప్రభుత్వాలపై కేసీఆర్ తీవ్రస్థాయిలో విరుచుకపడ్డారు. ఇంతకాలం కేంద్రంలోని బిజెపి నేతృత్వంలోని ఎన్డీయే ప్రభుత్వంతో సఖ్యతగా ఉంటూ వచ్చిన టిఆర్‌ఎస్ ఆ పార్టీతో సంబంధాలను పూర్తిగా తెగతెంపులు చేసుకున్న సంకేతాలను ఇచ్చారు. అలాగే జాతీయ రాజకీయాల్లో కాంగ్రెస్, బిజెపి కూటమీలకు ప్రత్యామ్నాయంగా ప్రాంతీయ పార్టీలను ఏకం చేయడానికే ఫెడరల్ ఫ్రంట్ ఏర్పాటు చేస్తున్నట్టు స్పష్టం చేసారు. ఫ్రంట్ ఏర్పాట్లలో తలమునకలై రాష్ట్రాన్ని కేసీఆర్ వదిలేస్తారేమోనన్న పార్టీ శ్రేణులకు కూడా ప్లీనరీ నుంచి స్పష్టత ఇచ్చారు. ఫ్రంట్ ఏర్పాటు చేస్తున్నంత మాత్రాన హైదరాబాద్ విడిచి వెళ్లనని, ఇక్కడి నుంచే జాతీయ రాజకీయాలలో చక్రం తిప్పనున్నట్టు పార్టీ శ్రేణుల అనుమానాలకు తెరదించారు. జాతీయ రాజకీయాల వైపు దృష్టి సారించనుండటంతో రాష్ట్రంలో పార్టీలో, ప్రభుత్వంలో డిస్ట్రబెన్స్ లేకుండా చూసుకోవాలని కేసీఆర్ భావిస్తున్నట్టు అవగతమైంది. అందుకే వచ్చే ఎన్నికల్లో సిట్టింగ్ ఎమ్మెల్యేలు అందరికీ టిక్కెట్లు ఇవ్వనున్నట్టు హామీ ఇచ్చారు. అలాగే ఎన్నికల ముందు మంత్రివర్గంలో మార్పులు, చేర్పులు చేస్తారని జరుగుతున్న ప్రచారానికి కూడా కేసీఆర్ తెరదించారు. వచ్చే ఎన్నికల్లో గెలువలేని ఎమ్మెల్యేలకు నామినేటెడ్ పదవులు ఇవ్వనున్నట్టు ప్లీనరీ సాక్షిగా కేసీఆర్ హామీ ఇవ్వడంతో ఈ సారి టిక్కెట్ రాదేమోనన్న అనుమానంతో పక్క పార్టీల వైపు ఎవరు తొంగి చూడకుండా పరోక్షంగా భరోసా కల్పించారు. అయితే ఈ హామీ వల్ల వచ్చే ఎన్నికల్లో టిక్కెట్లు ఆశిస్తున్న ఆశావాహుల ఆశలపై కేసీఆర్ నీళ్లు చల్లినట్టు అయింది. ఫ్రంట్ ఏర్పాటు కేంద్ర బిందువుగా ప్లీనరీ సాగడంతో వచ్చే ఎన్నికలకు పార్టీ శ్రేణులకు సన్నద్ధం చేసే విషయాన్ని విస్మరించినట్టు అయింది. అయితే అక్టోబర్ చివరలో కానీ, నవంబర్ మొదటి వారంలో కానీ భారీ ఎత్తున హైదరాబాద్ సభ నిర్వహించనున్నట్టు కేసీఆర్ ప్రకటించారు. దీంతో ఆ సభకు ఫ్రంట్‌లో భాగస్వామ్యమయే పార్టీల నేతలను ఆహ్వానించనుండటంతో అది కూడా జాతీయ రాజకీయాల దిశగానే జరుగనుంది. మరీ వచ్చే ఎన్నికలకు పార్టీ శ్రేణులను సమాయత్తం చేయడాన్ని పక్కన పెట్టినట్టే కనిపించిస్తుంది. తాను ఇంత వరకు జరిపించుకున్న సర్వే నివేదికల ఆధారంగా తిరిగి రాష్ట్రంలో టిఆర్‌ఎస్సే అధికారంలోకి వస్తుందన్న పూర్తి ధీమాతో కేసీఆర్ ఉన్నారని పరోక్షంగా ప్లీనరీలో వ్యక్తమైంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.