రాష్ట్రీయం
రాక్షసులు రాజసూయ యాగం చేస్తున్నట్టుంది
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ఏప్రిల్ 30: రాష్ట్రానికి ప్రత్యేక హోదా కావాలని చంద్రబాబు నాయుడు చేస్తున్న పోరాటం చూస్తుంటే, రాక్షసులు రాజసూయ యాగం చేస్తున్నట్టుందని టీటీడీ మాజీ చైర్మన్ భూమన కరుణాకరరెడ్డి విమర్శించారు. అలాగే సీతకోసం వెతుకుతున్న రాముడికి రావణుడు సహకరించినట్టుందని ఆయన విమర్శించారు. విశాఖలో వైసీపీ నిర్వహించిన వంచన వ్యతిరేక దీక్షలో భూమన మాట్లాడుతూ నాలుగేళ్ల నుంచి రాష్ట్రంలో ఎవరైనా హోదా పేరెత్తితే అరెస్ట్ చేస్తామన్న చంద్రబాబుకు ఇప్పుడు హోదా గొప్పతనం గుర్తుకొచ్చిందా? అని ప్రశ్నించారు. నాలుగు సంవత్సరాల కిందట సరిగ్గా ఇదే రోజున తిరుపతిలో చంద్రబాబు మాట్లాడుతూ హోదా 15 సంవత్సరాలు కావాలని కోరారని, నాలుగేళ్లపాటు ఆ విషయాన్ని పూర్తిగా విస్మరించి, ఇప్పుడు హోదా కోసం దొంగ దీక్షలు చేస్తున్నారని ఆయన విమర్శించారు. చంద్రబాబు ఇచ్చిన 600 హామీల్లో ఒక్క హామీనైనా నెరవేర్చారా? అని ఆయన ప్రశ్నించారు. ప్రజలకు జ్ఞాపకశక్తి తక్కువని, వారిని ఎన్నిసార్లయినా మోసం చేయచ్చన్నది చంద్రబాబు భావన అని భూమన అన్నారు. వెంకటేశ్వరుని పాదాల వద్ద పదే పదే మోసాలు చేస్తూ, ఆ దేవుడ్ని కూడా చంద్రబాబు పావులా వాడుకుంటున్నారని ఆయన విమర్శించారు. రాష్ట్ర ప్రజలు చంద్రబాబును ఇక భరించే స్థితిలో లేరని ఆయన అన్నారు. ఎమ్మెల్యే రోజా మాట్లాడుతూ రాష్ట్రంలో దద్దమ్మ ప్రభుత్వం నడుస్తోందని అన్నారు. ప్రధాని మట్టీ, నీరు ఇస్తే జగన్ ఎందుకు మాట్లాడలేదని మంత్రి దేవినేని ఉమ మాట్లాడ్డం హాస్యాస్పదంగా ఉందని అన్నారు. ఆ మట్టి, నీటినే చంద్రబాబు తీసుకున్నప్పుడు అక్కడే ఉన్న దేవినేని ఎందుకు అడ్డుకోలేదని రోజా ప్రశ్నించారు. అదేదో పవిత్ర జలంలా హెలికాప్టర్‌లో రాజధాని ప్రాంతంలో చల్లుతూ ఉంటే, మంత్రులంతా కళ్ళప్పగించుకుని చూస్తూ కూర్చున్నారని ఆయన అన్నారు. 2014 ఏప్రిల్ 30న తిరుపతిలో జరిగిన సభలో రాష్ట్రానికి 15 ఏళ్లపాటు ప్రత్యేక హోదా కావాలని కోరిన చంద్రబాబు నాలుగు సంవత్సరాలపాటు ఆ మాటను మరిచిపోయి, ఇప్పుడు నిద్రలేచి హోదా కోసం పరుగులు తీయడం విడ్డూరంగా ఉందని అన్నారు. చంద్రబాబు మాట్లాడితే కుట్ర రాజకీయాలని అంటున్నారని, చంద్రబాబును వెన్నుపోటు పొడిచినప్పుడు అది కుట్ర అన్న విషయం బాబుకు తెలియదా? అని రోజా ప్రశ్నించారు. రాష్ట్రంలో అసెంబ్లీ సీట్లు పెరిగితే చాలని భావించిన చంద్రబాబు హోదాను పక్కన పెట్టేశారని అన్నారు. జగన్‌ను ఎదుర్కొనే ధైర్యం లేక చంద్రబాబు చీకట్లో చిదంబరం కాళ్లు పట్టుకున్నారని, సోనియాతో మంతనాలు సాగించారని ఆమె అన్నారు. జగన్‌ను పదే పదే నేరగాడని చంద్రబాబు అంటున్నారని, జగన్ తప్పు చేయలేదు కాబట్టే, ప్రతి శుక్రవారం కోర్టుకు హాజరవుతున్నారని, చంద్రబాబు, లోకేష్ తప్పులు చేశారు కాబట్టే, బీజేపీలో లాలూచీపడ్డారని విమర్శించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.