రాష్ట్రీయం
విద్యుదుత్పత్తి పెను సవాలే!?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 20: రానున్న ఎన్నికల ఏడాదిలో విద్యుత్ వ్యవహారం ప్రభుత్వానికి సవాల్‌గా మారనుంది. సరఫరాపై సర్కారు లెక్కలకు, ట్రాన్స్‌కో వివరాలకు పొంతన కుదరకపోవడమే ఈ అనుమానాలకు తావిస్తోంది. ఏదేమైనా వచ్చే జనవరికి విద్యుత్‌పై స్పష్టమైన విధానాన్ని ప్రభుత్వం ప్రజల ముందు ఉంచాల్సిన అవసరం ఉందని పరిశీలకులు అంటున్నారు. భారీ పరిశ్రమలను ప్రోత్సహిస్తున్న ప్రభుత్వం, అందుకు తగ్గట్టుగా సబ్సిడీ విద్యుత్‌ను అందివ్వాల్సి ఉంది. ప్రస్తుతం సాగునీటి ప్రాజెక్టులు, ఎత్తిపోతలకు గరిష్టంగా 3,234 మెగావాట్ల విద్యుత్ అవసరమని మంత్రి హరీశ్‌రావు స్పష్టం చేస్తున్నారు. అయితే ఈ విషయంలో ట్రాన్స్‌కో లెక్కలు మరోలా ఉన్నాయి. రానున్న రెండేళ్లలో 3480 మెగావాట్లు, ఆ పై రెండేళ్లలో 4వేల మెగావాట్ల విద్యుదుత్పత్తి అందుబాటులోకి వస్తుందని ట్రాన్స్ చెబుతోంది. ఈ ప్రకటనల మధ్య వ్యత్యాసం అయోమయానికి గురి చేస్తోంది. మంత్రి హరీశ్‌రావు వివరాల ప్రకారం గరిష్టంగా 3,234 మెగావాట్ల విద్యుత్ అవసరమని చెబుతున్నవాటికీ, అంత విద్యుదుత్పత్తి ట్రాన్స్‌కో అందించగలదా? అన్న సందేహాలు ఉత్పన్నమవుతున్నాయి. ముందస్తు ప్రణాళికలు రూపొందిస్నున్నప్పటికీ, విద్యుత్ అవసరాలు గణనీయంగా పెరుగుతున్నందున వచ్చే రోజుల్లో డిమాండ్‌కు తగ్గ సరఫరా అంత సులువుకాదన్న వాదన వినిపిస్తోంది. వివిధ రంగాలతోపాటు వ్యవసాయం, ఎత్తిపోతల పథకాలకు అవసరమైన విద్యుత్‌ను పంపిణీ చేస్తే తప్ప ప్రభుత్వానికి ప్రతిష్ట పెరగదు. భారీ ఎత్తిపోతల ప్రాజెక్టలకు అవసరమైన విద్యుత్‌ను ఈ వర్షాకాలంలోనే పంపణీ చేయాలని భారీ నీటిపారుదల మంత్రి హరీశ్‌రావు అధికారులకు ఆదేశాలు జారీ చేశారు. దీంతో జెన్‌కో, ట్రాన్స్‌కో అధికారులు పరుగులు
పెడుతున్నారు. వచ్చే ఖరీఫ్ కోసం ఎత్తిపోతల పథకాల నుంచి సాగునీటిని అందించడానికి మంత్రి ఇప్పటికే దిశా నిర్దేశాన్ని చేశారు. ప్రస్తుతం చేపట్టిన విద్యుదుత్పత్తి ప్లాంట్ల నిర్మాణాలు పూర్తిదశకు వచ్చాయని, వచ్చే జూన్‌లో మరింత విద్యుత్ అందుబాటులోకి వస్తుందని ట్రాన్స్‌కో అధికారులు చెబుతున్నారు. కాళేశ్వరంతోపాటు ఈ ఏడాది ప్రారంభంకానున్న ఇతర ఎత్తిపోతల పథకాలకు 2206 మెగావాట్ల విద్యుత్ అవసరంగా కనిపిస్తోంది. ప్రస్తుతం అందుబాటులోకి రానున్న ఎత్తిపోతల ప్రాజెక్టుల వివరాలు ఇలా ఉన్నాయి. ఉదయసముద్రం, జోగాపూర్, దేవాదుల, చెనాక-కొరాట, ఎస్సారెస్పీ, కల్వకుర్తి, భీమా, నెట్టంపాడు, కోయల్‌సాగర్, ఎఎమ్‌ఆర్, ఎల్లంపల్లి, కడెం, మంథని, ఎన్టీపిసి, రాజనర్సింహ (సింగూరు) భక్తరామదాసు, కొడిమల, అలీసాగర్, గుత్ప, ముక్తేశ్వర్ తదితర ఎత్తిపోతల ప్రాజెక్టులకు విద్యుత్ సరఫరా అవసరం. ఎత్తిపోతలకు సంబంధించి పంపుహౌజ్‌ల్లో ఎప్పటి నుంచి నీటి పంపింగ్ ప్రారంభమవుతుంది, ఎన్ని రోజులపాటు పంపింగ్ చేసే అవకాశం ఉంది, ఏ నెలలో ఎంత విద్యుత్ అవసరం అన్న మంత్రి ప్రశ్నలకు ట్రాన్స్‌కో అధికారులు బిత్తరపోతున్నారు. ఎన్టీపీసీ, యాదాద్రి, భద్రాద్రి, కేటీపీఎస్, రామగుండం, సోలార్, హైడల్, టీజీఎస్‌ల ప్లాంట్ల నుంచి విద్యుదుత్పత్తి అందుబాటులోకి వస్తుందని ట్రాన్స్‌కో చెబుతోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.