రాష్ట్రీయం
అవినీతికి చట్టబద్ధతా?
S ,7 à 8 RSCA (si SASPAS) et 6 cialis pharmacie cialis rapports de stage.
చీపురుపల్లి, జూన్ 2: నలభై ఏళ్ల సుదీర్ఘ రాజకీయ అనుభవంతో అవినీతికి చట్టబద్ధత కల్పించడం ముఖ్యమంత్రి చంద్రబాబు నాయుడికే సాధ్యమైందని జనసేన నేత పవన్ కళ్యాణ్ ఆరోపించారు. ప్రజా పోరాట యాత్రలో భాగంగా విజయనగరం జిల్లా చీపురుపల్లిలోని మూడురోడ్ల జంక్షన్ వద్ద శనివారం నిర్వహించిన బహిరంగ సభలో ఆయన మాట్లాడారు. వైద్యం, ఉపాధి, విద్య వంటి రంగాలు గ్రామీణ స్థాయికి చేరకపోవడం పాలకుల నిర్లక్ష్యానికి అద్దపడుతున్నాయని విమర్శించారు. తోటపల్లి ప్రాజెక్టు పనులు చేపట్టి 15 ఏళ్లు అయ్యింది. కాంగ్రెస్, టీడీపీ ప్రభుత్వాలు విమర్శలకు ప్రాధాన్యతను ఇస్తున్నాయేతప్ప గ్రామీణ ప్రాంతాలకు సాగు నీరందించే విధంగా చర్యలు చేపట్టకపోగా వరద నీరునే తోటపల్లి నీరుగా చిత్రీకరిస్తూ పబ్బం గడుపుకుంటున్నాయన్నారు. రాష్ట్రంలో ఎక్కడా అవినీతికి తావులేకుండా చేస్తామంటే నమ్మి టీడీపీకి ఓటేయాలంటూ ప్రచారం నిర్వహించామని, తీరాచూస్తే వైసీపీ కంటే మించిన అవినీతికి టీడీపీ పాల్పడుతోందన్నారు. గత ఎన్నికల్లో వైసీపీ అధికారంలోకి వస్తే కనబడిన చోటల్లా జెండాలు పాతేసి భూ కబ్జాలు, అక్రమ గనుల తవ్వకాలకు పాల్పడి ప్రజల ఆస్తులను దోచుకుంటారన్న భయంతో టీడీపీకి మద్దతు ఇచ్చానని, అయితే అంతకుమించిన
అవినీతి జరుగుతోందన్నారు. రాష్ట్రంలో ఉచితంగా లభించాల్సిన ఇసుకకు ధర నిర్ణయించి ఇసుక మాఫియా ద్వారా కోట్ల రూపాయిలు దోచేస్తున్నారని ఆరోపించారు. ఇందుకు మాజీ ఎమ్మెల్యే భార్య పేరున నడుస్తున్న ఇసుక మాఫియానే నిదర్శనమని విమర్శించారు. రైతులు పండించే పొలాల్లో వచ్చే ఇసుకపొరలను కూడా ఇసుక మాఫియా వదిలిపెట్టడంలేదని, దీంతో రైతులు బోరుమంటున్న విషయం ప్రభుత్వానికి తెలియదా అని ప్రశ్నించారు. ఇసుక మాఫియాతో ఉత్తరాంధ్ర జిల్లాల్లో ఉన్న 19 జీవనదుల ఉనికికే ప్రమాదం వాటిల్లే పరిస్థితి నెలకొందని ఆవేదన వ్యక్తం చేశారు. అనంతపురం, శ్రీకాకుళం, విజయనగరం జిల్లాలు అభివృద్ధిలో వెనుకబడి ఉన్నాయని అవసరమైన నిధుల కేటాయింపు ఈ జిల్లాలకు జరగకపోతే అభివృద్ధి ఎలా సాధ్యమవుతుందని ప్రశ్నించారు. ఉద్యోగావకాశాలు కల్పిస్తామన్న ముఖ్యమంత్రి ఇచ్చిన హామీతో కుమారుడు లోకేష్‌కు మంత్రి వర్గంలో స్థానం కల్పించి ఉద్యోగం ఇవ్వడం కాదని ఎద్దేవాచేశారు. కార్మికుల సంక్షేమాన్ని ప్రభుత్వం విస్మరించిందని ఆవేదన వ్యక్తం చేశారు. జిల్లాలోని జ్యూట్ పరిశ్రమలను కొత్తగా తీసుకురాకపోగా ఉన్న పరిశ్రమలు మూసేస్తున్నారని, దీంతో కార్మికులు పొట్టచేత పట్టుకొని వలసలు పోతున్నారన్నారు. ఉత్తరాంధ్ర జిల్లాల ప్రజలను రెచ్చగొడుతున్నానని ముఖ్యమంత్రి అంటున్నారని ప్రజా సమస్యలు పరిష్కరిస్తే ఎవరినీ రెచ్చగొట్టాల్సిన పనిలేదని, తాను రెచ్చగొట్టే మనిషిని కాదని, సమస్యల పట్ల ప్రశ్నించే స్వభావం కలిగిన వ్యక్తినన్న విషయం గుర్తుంచుకోవాలన్నారు. విజన్ 2020 పేరుతో రాష్ట్రాన్ని విడగొట్టారు ఇప్పుడు విజన్ 2050తో రాష్ట్రాన్ని దోచుకుంటున్నారన్నారు.
చిత్రం..చీపురుపల్లిలో నిర్వహించిన బహిరంగ సభలో మాట్లాడుతున్న పవన్‌కళ్యాణ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.