రాష్ట్రీయం
బాగుపడింది ఆ నలుగురే!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 2: తెలంగాణ రాష్ట్ర సమితి అధికారం చేపట్టిన నాలుగేళ్లలో ముఖ్యమంత్రి కే. చంద్రశేఖర్‌రావు కుటుంబ సభ్యులు మాత్రమే బాగుపడ్డారని టీపీసీసీ అధ్యక్షుడు ఎన్. ఉత్తమ్‌కుమార్ రెడ్డి విమర్శించారు. తెలంగాణ రాష్ట్ర ఆవిర్భావం సందర్భంగా శనివారం గాంధీ భవన్‌లో ఉత్తమ్‌కుమార్ రెడ్డి జాతీయ పతాకాన్ని ఆవిష్కరించారు. అనంతరం టీపీసీసీ ప్రధాన కార్యదర్శి దాసోజు శ్రవణ్ రూపొందించిన తెలంగాణ కరపత్రాన్ని విడుదల చేశారు. కార్యక్రమంలో సీఎల్పీ నేత కె. జానారెడ్డి, పీసీసీ మాజీ అధ్యక్షుడు పొన్నాల లక్ష్మయ్య, ఉపాధ్యక్షుడు మల్లు రవి, ప్రధాన కార్యదర్శులు దాసోజు శ్రవణ్, వినోద్ రెడ్డి, బండ కార్తీకరెడ్డి, కోశాధికారి గూడురు నారాయణ రెడ్డి తదితరులు పాల్గొన్నారు. ఉత్తమ్‌కుమార్ రెడ్డి మాట్లాడుతూ త్యాగాల పునాదులపై ఏర్పాటైన తెలంగాణలో సీఎం కేసీఆర్ కుటుంబం బోగభాగ్యాలు అనుభవిస్తూ అన్ని వర్గాలను దగా చేసిందని విమర్శించారు. యువకులు, విద్యార్థులు, సబ్బండ వర్గాల పోరాటాలకు, చలించిన ఏఐసీసీ మాజీ అధ్యక్షురాలు సోనియాగాంధీ రాజకీయంగా త్యాగాలు చేసి తెలంగాణ ఇచ్చారని, తెలంగాణ ఉన్నంత కాలం సోనియా పేరు చిరస్థాయిగా సువర్ణక్షారాలతో ఉంటుందని
అన్నారు. కానీ, తెలంగాణ వచ్చిన తర్వాత అనేక మాయమాటలు చెప్పి, సాధ్యం కానీ హామీలతో ప్రజలను మభ్యపెట్టి అధికారంలోకి వచ్చారని ఆయన విమర్శించారు. కేసీఆర్ అధికారంలోకి వచ్చిన తర్వాత ప్రజలు ఆశించిన తెలంగాణ రాలేదని, త్యాగాలు చేసి సాధించుకున్న తెలంగాణలో అమరవీరులు, విద్యార్థులు, రైతులు, నిరుద్యోగులు, దళితులు, గిరిజనులు, మహిళలు ఇలా అన్ని వర్గాల ప్రజలు తీవ్రమైన అవమానాలు, కష్టాలు, నష్టాలు పడుతున్నారని ఆయన ఆందోళన వ్యక్తం చేశారు.
అమరవీరుల కుటుంబాలను తీవ్రంగా అవమానించారని, వారి త్యాగాల ఫలితంగా వచ్చిన తెలంగాణలో వారు గౌరవంగా బతికే పరిస్థితి లేదని ఉత్తమ్ విమర్శించారు. 1200 మంది ఆత్మత్యాగాలు చేసుకుంటే వారి కుటుంబాలను కడుపులో పెట్టుకుని కాపాడుకోవాల్సిన కేసీఆర్ కొంత మందికి పరిహారం ఇచ్చి మిగతా వారి వివరాలు దొరకడం లేదని చెప్పడం వారిని అవమానించినట్లేనని అన్నారు. అమరవీరులను ఆదుకోవడం కంటే కేసీఆర్‌కు గొప్ప పనేమి ఉందని ఆయన ప్రశ్నించారు. వ్యవసాయం పండుగ చేద్దామని తెలంగాణ ఏర్పాటు చేసుకుంటే అన్నదాతల పరిస్థితి అగమ్యగోచరంగా మారిందని, దేశంలోనే ఎక్కడా లేని విధంగా నాలుగు వేల మంది రైతులు ఆత్మహత్య చేసుకున్నారని ఇంత కంటే ఘోరం ఎక్కడ ఉంటుందని ఆయన ప్రశ్నించారు. ఇంటికో ఉద్యోగం ఇస్తామని ఉపాధి పనులు చేస్తామని చెప్పిన కేసీఆర్ ముఖ్యమంత్రి అయిన తర్వాత ఆ విషయానే్న పక్కన పెట్టారని ఆయన విమర్శించారు. రాబోయే ఎన్నికల్లో కాంగ్రెస్ ఘన విజయం సాధిస్తుందని ఆయన ధీమాగా చెప్పారు.
చిత్రం..రాష్ట్రావతరణ దినోత్సవం సందర్భంగా గాంధీభవన్‌లో
జాతీయ జెండాను ఎగురవేస్తున్న టీపీసీసీ చీఫ్ ఉత్తమ్‌కుమార్ రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.