రాష్ట్రీయం
శ్రీశైలం ఘాట్ రోడ్డుపై పడిన కొండ చరియలు
S ,7 à 8 RSCA (si SASPAS) et 6 cialis pharmacie cialis rapports de stage.
శ్రీశైలం ప్రాజెక్టు, జూన్ 2: ఈగలపెంట భూగర్భ పవర్ హౌస్ సమీపంలోని రోడ్డు మలుపువద్ద శనివారం తెల్లవారుజామున కురిసిన భారీ వర్షానికి కొండ చరియలు విరిగిపడి హైదరాబాద్-శ్రీశైలం రహదారిపై నాలుగు గంటలకుపైగా వాహనాల రాకపోకలకు అంతరాయం ఏర్పడింది. శనివారం అర్ధరాత్రి నుంచి ప్రాజెక్టు పరిసర ప్రాంతాలలో భారీ వర్షం కురిసింది. ఈగలపెంట భూగర్భ పవర్ హౌస్ సమీపంలోని మూల మలుపువద్ద ఉదయం ఐదున్నర గంటల ప్రాంతంలో కొండ చరియలు విరగడం ప్రారంభమైంది. ఆ సమయంలో రోడ్డుపై ఎలాంటి వాహనాల రాకపోకలు లేకపోవడంతో భారీ ప్రమాదం తప్పింది. కొండ చరియలు విరిగిపడిన సంగతి తెలుసుకొని స్థానిక ప్రజలు ముఖ్యంగా యువకులు జెన్‌కో వద్ద విధులను నిర్వహిస్తున్న ఎస్‌పీఎఫ్ సిబ్బంది ఈగలపెంట కానిస్టేబుల్ ప్రేమ్‌కుమార్‌తో పాటు యువకులు సహాయక చర్యలు చేపట్టారు. రోడ్డుపై ఉన్న మట్టి రాళ్లను తొలగించడానికి టూరిజం పనులు చేస్తున్న కాంట్రాక్టర్ నుంచి జేసీబీని తీసుకొచ్చి మట్టిరాళ్లను పూర్తిగా తొలగించారు. నాలుగు గంటలకు పైగా ఆగిన వాహనాలకు ఎలాంటి ఇబ్బంది కలుగకుండా ఈగలపెంట, జెన్‌కో ప్లే గ్రౌండ్, దోమలపెంట బస్టాండ్ పరిసరాల్లో నిలిపారు. ఎనిమిదేళ్ల క్రితం ఉమ్మడి రాష్ట్రంలో రూ.6కోట్లతో పాతాళగంగ నుంచి భూగర్భ పవర్ హౌస్ పై నుంచి ఈగలపెంట వరకు బైపాస్ రోడ్డు నిర్మించినా, అటవీశాఖ అనుమతి లేదని వినియోగంలోకి తీసుకురాలేదు. ఆ రహదారి ప్రారంభమైతే ఈగలపెంట నుంచి పాతాళగంగ వరకు మూడు మూలమలుపులు తగ్గి రెండు కిలోమీటర్ల దూరం తగ్గుతుంది.
చిత్రం.. ఘాట్ రోడ్డుపై విరిగిపడ్డ కొండ చరియలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.