రాష్ట్రీయం
అమరావతిలో అవయవ మార్పిడి ఆసుపత్రి
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ: అమరావతిలో అవయవ మార్పిడి (ఆర్గాన్ ట్రాన్స్‌ప్లాంటేషన్) ఆసుపత్రి నిర్మాణానికి ప్రపంచ ప్రఖ్యాత వైద్యులు మహమద్ రేలా ముందుకు వచ్చారు. ప్రపంచంలో మేటి అవయవ మార్పిడి నిపుణుడు, భారత్ యూనివర్సిటీ చాన్స్‌లర్ మహమద్ రేలా శనివారం సాయంత్రం ఉండవల్లిలోని గ్రీవెన్స్ హాల్‌లో ముఖ్యమంత్రి నారా చంద్రబాబునాయుడును కలిశారు. మనిషి ప్రధాన అవయవాల మార్పిడికి సంబంధించిన ఆసుపత్రిని అమరావతిలో నిర్మించాలనుకుంటున్నట్లు ముఖ్యమంత్రికి ప్రతిపాదించారు. ఇన్‌స్టిట్యూట్ ఆఫ్ మెడికల్ సెంటర్ అమరావతిలో నిర్మించతలపెట్టినట్లు ముఖ్యమంత్రికి వివరించారు. మనిషిలోని గుండె, కిడ్నీ, కాలేయం, లంగ్స్, యూట్రెస్ వంటి ప్రధాన అవయవాలను ఒక మనిషి నుంచి వేరొక మనిషికి శస్త్ర చికిత్స ద్వారా మార్పిడి చేయవచ్చని సీఎంకు విన్నవించారు. తాను ఇంతవరకు 4,500 కాలేయ మార్పిడి శస్త్ర చికిత్సలు విజయవంతంగా నిర్వహించి గిన్నిస్ బుక్ ఆఫ్ వరల్డ్ రికార్డ్స్‌లో స్థానం సంపాదించానని వివరించారు. ఒక తల్లి తన కుమార్తెకు పిల్లలు పుట్టకపోతే ఆ తల్లి తన యుట్రెస్‌ను కుమార్తెకు దానం చేయడం వలన కుమార్తెకూ పిల్లలు పుడతారంటూ అవయవాల మార్పిడి ఆవశ్యకతను తెలిపారు. ఇండియాలో ఇటువంటి ఆసుపత్రి ఇప్పటివరకూ లేదని అన్నారు. అంతర్జాతీయ మెడికల్ ఇన్‌స్టిట్యూట్‌తో కలిసి పనిచేయడం జరుగుతుందని చెప్పారు. అమరావతిలో ఆసుపత్రి నిర్మాణానికి 10 ఎకరాల భూమి అవసరం అవుతుందని, అందుకు కావలసిన సహకారం అందించమని ముఖ్యమంత్రిని కోరారు. అమరావతిలో అవయవాల మార్పిడికి సంబంధించిన ఆసుపత్రి నిర్మాణం పట్ల ముఖ్యమంత్రి సానుకూలంగా స్పందించారు. అవయవదానం చేస్తే ప్రాణదానం చేసినట్లేనని ఈ సందర్భంగా ముఖ్యమంత్రి అన్నారు. స్వస్థ్ జీవన్ దాన్ డొనేషన్ ద్వారా ప్రజల్లో అవగాహన పెరిగిందని ఆర్గాన్స్‌ని డొనేట్ చేయడానికి చాలా మంది ముందుకు వస్తున్నారని ముఖ్యమంత్రి అభిప్రాయపడ్డారు. ఇటువంటి ప్రముఖమైన ప్రాధాన్యత కలిగిన ఆసుపత్రులు అమరావతిలో నిర్మించడం వలన రాష్ట్రంలో మెడికల్ టూరిజం డెవలప్ అవుతుందని, ఎంతో మందికి మంచి నాణ్యత కలిగిన వైద్యం అందుతుందని ముఖ్యమంత్రి ఆశాభావం వ్యక్తం చేశారు.
చిత్రం..ముఖ్యమంత్రి చంద్రబాబునాయుడితో భేటీ అయిన
అవయవ మార్పిడి నిపుణుడు డాక్టర్ మహమద్ రేలా
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.