రాష్ట్రీయం
తెరాసకు చుక్కెదురు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 4: కాంగ్రెస్ ఎమ్మెల్యేలు కోమటిరెడ్డి వెంకటరెడ్డి, ఎస్‌ఎ సంపత్‌కుమార్‌ల శాసనసభ సభ్యత్వం రద్దును నిలిపివేస్తూ సింగిల్ జడ్జి ఇచ్చిన తీర్పును తాత్కాలిక ప్రధాన న్యాయమూర్తి జస్టిస్ రమేష్ రంగనాథ్, జస్టిస్ కె విజయలక్ష్మిలతో కూడిన డివిజన్ బెంచ్ సమర్థించింది. శాసనసభ్యత్వం రద్దును సింగిల్ జడ్జి బెంచ్ నిలిపివేయడాన్ని సవాల్ చేస్తూ 12మంది తెరాస ఎమ్మెల్యేలు డివిజన్ బెంచ్‌లో అప్పీలు చేశారు. అయితే వారి విజ్ఞాపనను హైకోర్టు తోసిపుచ్చింది. సింగిల్ బెంచ్ ఇచ్చిన తీర్పును సమర్ధించింది. కోమటిరెడ్డి వెంకటరెడ్డి, సంపత్‌కుమార్‌లపై రాజకీయ దురుద్ధేశ్యంతో అనర్హత వేటు వేశారని, వాళ్ల తరఫున న్యాయవాది హైకోర్టుకు తెలిపారు.
కాగా అసెంబ్లీ సమావేశాల సమయంలో హెడ్‌ఫోన్స్ విసిరి దాడి చేశారంటూ కోమటిరెడ్డి, సంపత్‌ల సభ్యత్వాన్ని స్పీకర్ రద్దుచేసిన విషయం పాఠకులకు విధితమే. తాజాగా హైకోర్టు ఇచ్చిన తీర్పుతో కోమటిరెడ్డి, సంపత్‌లు ఎమ్మెల్యేలుగా కొనసాగనున్నారు. కోమటిరెడ్డి, సంపత్‌ల అనర్హతకు సంబంధించి అప్పీలు చేయాలంటే శాసనసభ తరఫున చేయాలే తప్ప వ్యక్తిగతంగా ఎమ్మెల్యేలు చేయడానికి లేదని తాత్కాలిక ప్రధాన న్యాయమూర్తి వ్యాఖ్యానించారు. ఆర్టికల్ 194(3) కింద శాసనసభ్యుడిని సభ నుండి తొలగించే అధికారం సభకు మాత్రమే ఉంటుందని న్యాయమూర్తి పేర్కొన్నారు. 2018 ఏప్రిల్ 17న ఏక సభ్య బెంచ్ ఇచ్చిన తీర్పును తెరాస ఎమ్మెల్యే వేముల ప్రశాంత్‌రెడ్డి సహా 11మంది సవాలు చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.