రాష్ట్రీయం
శాట్ అధికారే సూత్రధారి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 6: తెలంగాణ రాష్ట్ర క్రీడా ప్రాధికార సంస్థ (ఎస్‌ఏటి-శాట్)లో నకిలీ క్రీడా సర్ట్ఫికెట్లను జారీ చేయడం ద్వారా మెడికల్ సీట్ల భర్తీలో అక్రమాలు జరిగినట్లు అందిన ఫిర్యాదు మేరకు అవినీతి నిరోధక శాఖ (ఏసీబీ) పలువురు అధికారులు, కమిటీ సభ్యుల నివాసాల్లో సోదా నిర్వహించారు. గత ఏడాది జరిగిన ఈ కుంభకోణంలో అనర్హులకు స్పోర్ట్స్ కోటాలో సీట్లు పొందేందుకు వీలుగా నకిలీ సర్ట్ఫికెట్లు జారీ చేసినట్లు గుర్తించిన అర్హులైన విద్యార్థులు ఆందోళనకు గురవడంతో వారి తల్లిదండ్రులు ప్రభుత్వం దృష్టికి తెచ్చారు. దీంతో ఈ అంశంపై స్వయంగా సీఎం కేసీఆర్ దృష్టిసారించి విచారణ చేపట్టాలని ఏసీబీని ఆదేశించారు. ఏసీబీ డీఎస్పీ సత్యనారాయణ నేతృత్వంలోని పలు బృందాలు బుధవారం మూకుమ్మడి సోదా నిర్వహించాయి. ఈ విచారణలో నకిలీ స్పోర్ట్స్ సర్ట్ఫికెట్లు జారీ చేయడంలో శాట్ డిప్యూటీ డైరక్టర్ వెంకటరమణను కీలక సూత్ర ధారిగా గుర్తించారు. లక్షల్లో లంచాలు తీసుకుని ఈ సర్ట్ఫికెట్లు జారీ చేసినట్లు ఏసీబీ తనిఖీలో నిర్ధారణ కావడంతో బుధవారం రాత్రి వెంకటరమణను అరెస్టు చేసి రిమాండ్‌కు తరలించారు. ఏసీబీ అధికార వర్గాల సమాచారం ప్రకారం 12 మెడికల్ సీట్లను నకిలీ సర్ట్ఫికెట్ల జారీతో అమ్ముకున్నట్లు నిర్ధారించారు. అర్హులైన తమకు స్పోర్ట్స్ కోటాలో సీట్లు రాలేదని బాధితులు భరత్‌చంద్రారెడ్డి, హర్షితారాజ్‌ల ఫిర్యాదుతో కేసు నమోదు చేశారు. దీంతో ఏసీబీ డిఎస్పీ సత్యనారాయణ బృందం స్పోర్ట్స్ కమిటీలోని సభ్యులు శోభ, చంద్రారెడ్డి, విమలాకర్, మరికొందరి నివాసాల్లో సోదాలు నిర్వహించి కీలక డాక్యుమెంట్లు, మొబైల్ ఫోన్లను స్వాధీనం చేసుకున్నారు. శాట్ కార్యాలయంలోని డిప్యూటీ డైరెక్టర్ రమణ చాంబర్‌లోనూ తనిఖీల నిర్వహించారు. 2017లో జారీ చేసిన స్పోర్ట్స్ సర్ట్ఫికెట్లకు సంబంధించిన డాక్యుమెంట్లను స్వాధీనం చేసుకున్నారు. ఉదయం నుంచి సాయంత్రం వరకు ఈ సోదాలు జరిగాయి. ఎల్‌బి నగర్‌లోని సైక్లింగ్ కోచ్ గుర్రం చంద్రారెడ్డి, బాగ్‌లింగంపల్లిలోని విమలాకర్ నివాసంలోనూ, మరోసభ్యురాలు శోభకు చెందిన రామాంతపూర్‌లోని నివాసంలో ఏసీబీ అధికారులు సోదా నిర్వహించి సాయంత్రానికి పూర్తి చేశారు. ఈ కేసులో ఎంత మొత్తం వసూలు చేశారు, ఇంకా బాధితులు ఎవరైనా ఉన్నారా..?, ఎవరెవరికి లంచాలు ఇచ్చారనే కోణంలో ఇంకా దర్యాప్తు కొనసాగుతోందని ఎసిబి డిజి పూర్ణచంద్రరావు వెల్లడించారు. కాగా ఈ కుంభకోణంలో మరికొందరిని కూడా అరెస్టు చేసే అవకాశం ఉంది. ప్రధాన నిందితుడు వెంకటరమణ ఇచ్చే వాంగ్మూలం ఆధారంగా, దొరికిన డాక్యుమెంట్లను పరిశీలించి మిగిలిన వారిన అరెస్టు చేసే అవకాశం ఉంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.