రాష్ట్రీయం
9న ఆలయాల మూసివేత
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ఆంధ్రప్రదేశ్, తెలంగాణ రాష్ట్రాల్లోని అన్ని దేవాలయాలను ఈ నెల 8న రాత్రి మూసివేసి, తొమ్మిదో తేదీ మధ్యాహ్నం సంప్రోక్షణ అనంతరం తిరిగి తెరవాలని నిర్ణయించారు. తిరుమల తిరుపతి దేవస్థానాలు (తితిదే)తో పాటు విజయవాడ కనకదుర్గ, యాదగిరిగుట్ట లక్ష్మీనర్సింహస్వామి ఆలయం, భద్రాచలంలోని సీతారామచంద్రస్వామి ఆలయం, సింహాచలం అప్పన్న దేవస్థానం, కాణిపాకం గణేశ్ దేవాలయం, శ్రీశైలం మల్లికార్జునస్వామి ఆలయం, వేములవాడ, బాసర, ద్వారకా తిరుమల, మంగళగిరి తదితర ప్రముఖ దేవాలయాలన్నింటినీ సూర్యగ్రహణ సమయంలో మూసివేస్తున్నట్టు ఆయా ఆలయాల పూజారులు ప్రకటించారు. విజయవాడ కనకదుర్గ ఆలయం అర్చకుడు కృష్ణ మంగళవారం ఆంధ్రభూమి ప్రతినిధితో మాట్లాడుతూ, ఎనిమిదో తేదీ రాత్రి 9 గంటలకు ఆలయాన్ని మూసివేస్తామని, గ్రహణం విడిచిన తర్వాత సంప్రోక్షణ పూర్తయ్యాక తొమ్మిదో తేదీ మధ్యాహ్నం 12 గంటలకు తిరిగి తెరుస్తామని వివరించారు. ఉభయ తెలుగు రాష్ట్రాల్లోని అన్ని దేవాలయాల్లో కూడా దాదాపు ఇదే విధానాన్ని పాటిస్తున్నారు.
వాస్తవంగా సూర్యగ్రహణ సమయం మార్చి 9వ తేదీ తెల్లవారుజామున 4.49 గంటల నుండి ఉదయం 10.05 గంటల వరకు ఉంటుందని ఎర్త్‌సైనె్సస్ శాఖ ప్రకటించింది. రాష్ట్రంలోని పంచాంగాల్లో కూడా ఇదే విషయాన్ని తెలియచేశారు. సూర్యగ్రహణ ప్రారంభం ఇండోనేషియాలో కనిపిస్తుంది. అలాగే చివరగా ఉత్తర పసిఫిక్ సముద్రంతో అంతమవుతుంది. ఇండోనేషియా, మధ్య పసిఫిక్ సముద్ర ప్రాంతంలో సంపూర్ణ సూర్యగ్రహణం కనిపిస్తుంది. ఇండోనేషియాలోని కొన్ని ప్రాంతాలు, మలేషియా, ఫిలిప్పీన్స్ తదితర ప్రాంతాల్లో సగానికన్నా ఎక్కువగా గ్రహణం కనపడుతుంది. కంబోడియా, మయన్మార్, వియత్నాం, థాయిలాండ్ తదితర దేశాల్లో 50 శాతం గ్రహణం కనిపిస్తుంది. ఆస్ట్రేలియా, చైనా, జపాన్ తదితర దేశాల్లో సగానికన్నా తక్కువగా గ్రహణం కనపడుతుంది.
చాలాకాలం తర్వాత సంపూర్ణ సూర్యగ్రహణం వస్తుండటంతో ఈ అంశం చర్చనీయాంశంగా మారింది. సూర్యగ్రహణాన్ని వీక్షించేందుకు ఇప్పటి నుండే ఏర్పాట్లు జరుగుతున్నాయి. రెండు తెలుగు రాష్ట్రాలతో పాటు, భారతదేశంలో పాక్షికంగానే గ్రహణం కనిపిస్తుంది. హైదరాబాద్‌లో సూర్యగ్రహణ సమయం ఉదయం 6.29 గంటల నుండి 6.47 గంటల వరకు ఉంటుంది. తెలంగాణ, ఆంధ్రప్రదేశ్ రాష్ట్రాల్లో స్వల్ప మార్పులతో ఇవే సమయాల్లో గ్రహణం సంభవిస్తుంది.
భారత్‌లో కొన్ని నగరాల్లో సూర్యగ్రహణం సమయాలు ఇలా ఉంటాయి.
హైదరాబాద్ 06.29-06.47
ఢిల్లీ 06.38-06.44
చెన్నయ్ 06.21-06.47
వారణాశి 06.13-06.47
కోల్‌కతా 05.51-06.05
మళ్లీ 2017లో
ప్రస్తుతం వచ్చే సంపూర్ణ సూర్యగ్రహణం తర్వాత 2017 ఆగస్టు 21న మళ్లీ సంపూర్ణ సూర్యగ్రహణం వస్తుందని శాస్తవ్రేత్తలు చెబుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.