రాష్ట్రీయం
అతీగతీ లేని స్వచ్ఛ భారత్ ప్రతిజ్ఞ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: దేశవ్యాప్తంగా ప్రతిష్టాత్మకంగా ప్రారంభించిన స్వచ్ఛ భారత్ కార్యక్రమం అమలును రెండు తెలుగు రాష్ట్రాల్లోని విశ్వవిద్యాలయాలు తేలిగ్గా తీసుకున్నాయి. అన్ని విశ్వవిద్యాలయాల్లో 29వ తేదీలోగా స్వచ్ఛ భారత్ ప్రతిజ్ఞలను నిర్వహించాలని కేంద్ర మానవ వనరుల మంత్రిత్వ శాఖ ఆదేశించినా అధికార గణం పట్టించుకోలేదు. యుజిసి ఆదేశాలను కూడా గాలికి వదిలేశాయి. తెలంగాణలో 19 యూనివర్శిటీలు, ఆంధ్రాలో 26 యూనివర్శిటీలు ఉన్నాయి. యూనివర్శిటీల్లో స్వచ్ఛ భారత్ అంటే కేవలం నలుగురు కూర్చుని ప్రతిజ్ఞ చేసి మమ అనిపించే రకంగా కాకుండా యూనివర్శిటీ క్యాంపస్‌లను సంపూర్ణంగా పరిశుభ్రం చేయడం అంతర్గత లక్ష్యంగా కేంద్రం ఈ పథకాన్ని రూపొందించింది. ఎంతో ప్రతిష్ఠాత్మకమైన ఇలాంటి కార్యక్రమాన్ని అన్ని విశ్వవిద్యాలయాల్లో కొద్దిమందితో నిర్వహించి అయిందనిపించారు. వేలాదిమంది విద్యార్థులు, సిబ్బంది ఉన్న వర్శిటీల్లో కూడా కేవలం రిజిస్ట్రార్ కార్యాలయాలకే ఈ ప్రతిజ్ఞ పరిమితమైంది. ఆంధ్రాలో 10 సంప్రదాయ వర్శిటీలు, స్విమ్స్‌తో కలిపి 11 స్పెషాలిటీ వర్శిటీలు, ఐదు డీమ్డ్ వర్శిటీలు పనిచేస్తున్నాయి. వీటికి తోడు ఈ ఏడాది ఐఐఎం, ఎన్‌ఐటి కూడా ఆంధ్రాలో మొదలయ్యాయి. అలాగే తెలంగాణలో ఐదు సంప్రదాయ వర్శిటీలు, ఏడు స్పెషలైజ్డ్ యూనివర్శిటీలు, మూడు కేంద్రీయ విశ్వవిద్యాలయాలు, రెండు డీమ్డ్ వర్శిటీలు, రెండు జాతీయ విద్యాసంస్థలు పనిచేస్తున్నాయి. ఇన్ని విద్యాసంస్థలకూ అనుబంధంగా వందలాది ప్రైవేటు అన్ ఎయిడెడ్ డిగ్రీ, పిజి , డిఇడి, బిఇడి, ఎంబిఎ, ఎంసిఎ, లా, ఫిజికల్ ఎడ్యుకేషన్ కాలేజీలు పనిచేస్తున్నాయి. సామాజిక పరివర్తనకు అంబాసిడర్‌గా భావిస్తున్న ఉన్నత విద్యాసంస్థలే ఇలా ఉంటే ఇక సమాజం పరిస్థితి ఏమిటని విద్యావేత్తలు ప్రశ్నిస్తున్నారు. స్వాతంత్య్ర దినోత్సవం, రిపబ్లిక్ దినోత్సవం, గాంధీ జయంతి, బాలల దినోత్సవం, అవతరణ దినోత్సవాలను ఏదో గాలివాటంగా నిర్వహిస్తున్న వర్శిటీలు అదే కోవలో స్వచ్ఛ్భారత్‌ను సైతం వదిలేశాయి.
3న మాతృభాషా దినోత్సవం
దేశంలోని అన్ని విశ్వవిద్యాలయాల్లో 3వ తేదీన మాతృభాషా దినోత్సవాన్ని నిర్వహించాలని యుజిసి కార్యదర్శి జస్పాల్ సాంధూ ఆదేశించారు. స్వచ్ఛ భారత్ వంటి జాతీయ కార్యక్రమాన్ని తేలిగ్గా తీసుకున్న వర్శిటీలు ఈ వ్యవహారాన్ని ఎంత సీరియస్‌గా తీసుకుంటాయో చూడాల్సి ఉందని విద్యార్థులు చెబుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.