రాష్ట్రీయం
ఉస్మానియా వర్శిటీలో ఆన్‌లైన్ మూల్యాంకనం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 18: ఉస్మానియా విశ్వవిద్యాలయం పరిధిలో యూజీ, పీజీ విద్యార్ధుల జవాబుపత్రాలను ఆన్‌లైన్‌లో మూల్యాంకనం చేసే ప్రక్రియను ప్రారంభించింది. ఇప్పటికే ఈ ప్రక్రియను జేఎన్‌టీయూ చేపట్టగా, తెలంగాణలోని సంప్రదాయ వర్శిటీల్లో ఆన్‌లైన్ మూల్యాంకనం చేపట్టిన తొలి యూనివర్శిటీగా ఉస్మానియా యూనివర్శిటీ ఖ్యాతి గడించింది. గత కొద్ది సంవత్సరాలుగా అన్ని సేవలనూ ఆన్‌లైన్‌లో అందిస్తు న్న ఉస్మానియా రానున్న రోజుల్లో 16 లక్షలకు పైగా ఉండే జవాబుపత్రాలను ఆన్‌లైన్‌లోనే మూ ల్యాంకనం చేసేందుకు సన్నద్ధమవుతోంది. ఈ క్రమంలో తొలి దశలో 80వేల ఎంబీఏ జవాబుపత్రాలను ఆన్‌లైన్‌లో మూల్యాంకనం చేసేందుకు ఏర్పాట్లు చేసింది. ప్రతి జవాబు పత్రం కనీసం 32 పేజీలు ఉంటుంది. అలాంటి జవాబు పత్రాలను గతంలో కోడింగ్ చేసి మూల్యాంకనానికి పంపించడం, తర్వాత వాటిని మరోమారు డీ కోడింగ్ చేసి మార్కులను ఆన్‌లైన్‌లో ఎంటర్ చేయడం జరిగేది. కానీ, నేడు జవాబుపత్రాలను కంప్యూటర్ ద్వారా కోడింగ్ చేసి స్కానింగ్ చేసి సెంట్రల్ సెర్వర్‌లోకి అప్‌లోడ్ చేస్తారు. అవి మూల్యాంకనం చేసేందుకు ఎంపిక చేసిన అధ్యాపకులకు అందుబాటులో ఉంటాయి. వారికి ప్రత్యేకించి ఒక ఐడీ, పాస్‌వర్టు ఇస్తారు. అలాగే వారి పాస్‌వర్టుకు వెరిఫికేషన్‌గా ఓటీపీ వెళ్తుంది. ఆ ఓటీపీ ఆధారంగా ఆయా అధ్యాపకులను నిర్ధారించి, వారికి స్కాన్డ్ జవాబుపత్రాలు ఆన్‌లైన్‌లో అందుబాటులో ఉంటాయి. వాటిని వారు డౌన్‌లోడ్ చేసుకుని తామున్న చోటనే మూల్యాంకనం చేయవచ్చు. ఒకొక్కరికీ రోజుకు కనీసం 30 నుండి 60 వరకూ జవాబు పత్రాలు ఇస్తారు. దీనివల్ల సమయం కలిసొస్తుంది. వారు ఉస్మానియా యూనివర్శిటీ మూల్యాంకనం కేంద్రాలకు రావల్సిన అవసరం ఉండదు. ఆయా అధ్యాపకులు తమకు నచ్చిన సమయంలోనే వీటిని మూల్యాంకనం చేసే అవకాశం కూడా ఉంటుంది. ఫలితంగా అందరికీ అనువుగా ఉంటుందని వర్శిటీ అధికారులు చెబుతున్నారు. మరో పక్క మార్కులు నమోదు చేయగానే వెంటనే కంప్యూటర్ తనంతట తానే గణించే విధంగా సాఫ్ట్‌వేర్ రూపొందించామని వర్శిటీ అధికారులు పేర్కొన్నారు. త్వరలో ఈ ప్రక్రియను యూజీ, పీజీ కోర్సులకు కూడా వర్తింపచేస్తామని అన్నారు. దీనివల్ల ఫలితాలను కూడా చాలా తక్కువ వ్యవధిలోనే వెల్లడించేందుకు వీలవుతుందని కంట్రోలర్ ప్రొఫెసర్ ఎం కుమార్ వివరించారు. అలాగే ఏదైనా సమాచారం కావానుకున్నా దానిని తిరిగి వినియోగించుకునే వీలుంటుందని సంప్రదాయ పద్ధతిలో ఒక జవాబుపత్రం వెదకాలంటే చాలా సమయం పట్టేదని అన్నారు. నిపుణుల సేవలు , సమయం, వేగం అన్నీ ఇందులో ఇమిడి ఉంటాయని, దీనివల్ల వర్శిటీ పనితీరు ఎంతో మెరుగుపడుతుందని ఆయన చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.