రాష్ట్రీయం
నల్లమలలో ఫ్లయింగ్ స్నేక్
S ,7 à 8 RSCA (si SASPAS) et 6 cialis pharmacie cialis rapports de stage.
శ్రీశైలం టౌన్, జూలై 18: నల్లమల ప్రాంతంలో అరుదైన శ్రీలంకన్ ఫ్లయింగ్ స్నేక్‌ను అటవీశాఖ అధికారులు పట్టుకున్నారు. శ్రీశైలంలోని శ్రీ షిరిడీ సాయిబాబా దేవాలయం సమీపంలో ఓ ఇంట్లో ఈ పాము కనిపించింది. ఇంటిపరసరాల్లో తిరుగుతున్న పామును గమనించిన స్థానికులు అటవీశాఖ అధికారులకు సమాచారం ఇవ్వడంతో వారు అక్కడికి చేరుకుని దాన్ని పట్టుకున్నారు. ఈ సందర్భంగా రేంజ్ అధికారి మురళీకృష్ణ, ప్రేమ మాట్లాడుతూ 2015లో ఇలాంటి పాము శేషాచలం అడవుల్లో లభ్యమైందన్నారు. ఆ తరువాత హైదరాబాదులో మరోసారి లభ్యమైందని తెలిపారు. ఇంతవరకు నల్లమల అడవుల్లో ఇలాంటి పాము కనిపించలేదన్నారు. 1943లో శ్రీలంక అడవుల్లో ఫ్లయింగ్ స్నేక్‌ను గుర్తించారన్నారు. రెండు అడుగులు పొడవు ఉండే ఈ పాము చిన్నపాటి క్రిమికీటకాలు, జీవరాసులను ఆహారంగా తీసుకుంటుందని తెలిపారు. మొదటిసారిగా ఫ్లయింగ్ స్నేక్ నల్లమలలో లభించడం అరుదైన రికార్డు అని తెలిపారు. ఈ కార్యక్రమంలో ఎఫ్‌బీఓ ఠాగూర్, ల్యాబ్ సిబ్బంది ఉన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.