రాష్ట్రీయం
సెల్‌ఫోన్ లోడ్ లారీ మాయం
S ,7 à 8 RSCA (si SASPAS) et 6 cialis pharmacie cialis rapports de stage.
మేదరమెట్ల, జూలై 19: ఏడున్నర కోట్ల రూపాయలకు పైగా విలువ కలిగిన సెల్‌ఫోన్లు, సెల్‌ఫోన్ పరికరాలతో ఉన్న లారీ మాయమైన సంఘటన ప్రకాశం జిల్లా మేదరమెట్ల సమీపంలో గురువారం తెల్లవారుజామున జరిగింది. చెన్నై రాష్ట్రం వెల్లూరు జిల్లాకు చెందిన కే.రంగనాథ్ తన సొంత లారీని నడుపుకుంటూ జీవనం సాగిస్తున్నాడు. రంగనాధ్ 18వ తేదీన చిత్తూరు జిల్లాలోని శ్రీసిటీ నుంచి ఏడున్నర కోట్ల రూపాయలకుపైగా విలువ చేసే రెడ్‌మీ ఫోన్ కంపెనీ పరికరాలు కలకత్తాకు చేరవేసేందుకు బాడుగకు మాట్లాడుకుని బయలుదేరారు. బుధవారం రాత్రి పదిగంటల సమయంలో మేదరమెట్ల జాతీయ రహదారి పక్కన ఉన్న బీహార్ హోటల్ వద్ద లారీని పార్కింగ్ చేసుకుని మేదరమెట్ల గ్రామంలోకి వెళ్లాడు. గంటకుపైగా గ్రామంలో గడిపిన రంగనాథ్ హోటల్ వద్దకు వచ్చి చూడగా సెల్‌ఫోన్ లోడుతో ఉన్న లారీ మాయమైనట్లు గమనించాడు. కొంతసేపు పరిసర ప్రాంతాల్లో లారీ కోసం వెతికిన రంగనాధ్ గురువారం తెల్లవారు జామున మేదరమెట్ల పోలీసులను ఆశ్రయించాడు. రంగనాథ్ ఫిర్యాదు మేరకు మేదరమెట్ల ఎస్సై వై.పాండురంగారావు కేసు నమోదు చేసుకుని ఉన్నతాధికారులకు సమాచారం అందించారు. సినీ ఫక్కీలో సరుకుతో సహా లారీ మాయం కావడం మేదరమెట్ల గ్రామంలోనే కాకుండా పరిసర గ్రామాల్లో కూడా సంచలనాన్ని రేకెత్తించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.