రాష్ట్రీయం
పథకాలు కేంద్రానివి ప్రచారం బాబుది
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జూలై 22: పథకాలన్నీ కేంద్ర ప్రభుత్వానివి, ప్రచారం మాత్రం చంద్రబాబుదని, ఇదంతా సొమ్మొకరిది, సోకొకరిది అన్నట్లుగా ఉందని బీజేపీ రాష్ట్ర అధ్యక్షుడు కన్నా లక్ష్మీనారాయణ విమర్శించారు. రాష్ట్రంపై ఉన్న అభిమానంతో ఎంత ఖర్చయినా వెనుకాడకుండా పోలవరం ప్రాజెక్టు నిర్మాణానికి కేంద్రం నిధులిస్తుంటే అందులోనూ చంద్రబాబు అవినీతికి పాల్పడుతున్నారని ఆరోపించారు.
చంద్రబాబు అవినీతి, అక్రమాలు, తప్పులను కప్పిపుచ్చుకోడానికే కేంద్రంపై అవిశ్వాసం పెట్టారని ధ్వజమెత్తారు. భారతీయ జనతా పార్టీ మైనార్టీ మోర్చా రాష్ట్ర శాఖ ఆధ్వర్యంలో మోర్చా జాతీయ కార్యదర్శిగా ఎన్నికైన రాష్ట్ర అధ్యక్షుడు షేక్ బాజీని ఆదివారం నగరంలో సన్మానించారు. ఈసందర్భంగా జరిగిన సభలో ముఖ్యఅతిథిగా కన్నా లక్ష్మీనారాయణ మాట్లాడుతూ అవినీతి రహిత పాలన, సంపూర్ణ అభివృద్ధి భారతీయ జనతా పార్టీ లక్ష్యమని చెప్పారు. బీమా పథకానికి పూర్తిగా కేంద్రం నిధులిస్తుండగా చంద్రన్న బీమా పథకంగా ప్రచారం చేసుకుంటున్నారని విమర్శించారు. మహిళల ఆత్మగౌరవం పరిరక్షించేందుకు ఒక్కో యూనిట్ రూ. 13వేలతో మరుగుదొడ్లు కేంద్రం నిర్మిస్తుంటే అందులోనూ అవినీతికి పాల్పడుతున్నారని ఆరోపించారు. గృహ నిర్మాణానికి ఇచ్చిన నిధులను దుర్వినియోగపరిచారన్నారు. సామాన్య కుటుంబానికి చెందిన ప్రధాని మోదీ అంచలంచెలుగా ఎదుగుతూ ఉన్నత స్థాయికి చేరారని, ఆయనను ఎదుర్కోలేకనే ప్రతిపక్షాలన్నీ ఏకమవుతున్నాయన్నారు. అయినా ఎవరూ ఏమీ చేయలేరన్నారు. టీడీపీ ప్రవేశపెట్టిన అవిశ్వాస తీర్మానాన్ని కాంగ్రెస్ ఎందుకు, ఎలా సమర్థించిందో అర్థంకావటం లేదన్నారు. బాబు ఓవైపు కేంద్రం ఇచ్చే నిధులను తీసుకుంటూనే తప్పుడు ప్రచారం చేస్తున్నారన్నారు.
పచ్చి అబద్ధాలాడుతున్న బాబు సీఎంగా కొనసాగే అర్హత కోల్పోయాడని విమర్శించారు. రాష్ట్రంలో జన్మభూమి పేరిట బ్రోకర్ల పాలన సాగుతోందని కన్నా లక్ష్మీనారాయణ ధ్వజమెత్తారు. కార్యక్రమానికి మైనార్టీ మోర్చా రాష్ట్ర ప్రధాన కార్యదర్శి మెహబూబ్ అధ్యక్షత వహించారు. బీజేపీ కృష్ణా జిల్లా అధ్యక్షుడు కుమరస్వామి, ఎస్సీ మోర్చా రాష్ట్ర అధ్యక్షుడు దారా సాంబయ్య, ఎస్టీ మోర్చా రాష్ట్ర అధ్యక్షుడు సత్యనారాయణరెడ్డి, దాసం ఉమామహేశ్వరరాజు పాల్గొన్నారు.
చిత్రం..సభలో మాట్లాడుతున్న కన్నా లక్ష్మీనారాయణ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.