రాష్ట్రీయం
టెక్నాలజీతో ముందుకు..
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 28: ఆధునిక సాంకేతిక పరిజ్ఞానంతో ముందుకు సాగాల్సిన అవసరం ఎంతైనా ఉందని, కాంగ్రెస్ పార్టీ సీనియర్ నాయకుడు, కేంద్ర మాజీ మంత్రి పి.చిదంబరం అన్నారు. పార్టీ బలోపేతానికి సాంకేతికతను సమర్థంగా వినియోగించుకోవాలని నేతలకు ఆయన సూచించారు. శనివారం గాంధీభవన్‌లో శక్తి యాప్‌పై సమీక్ష నిర్వహించారు. ఈ సందర్భంగా చిదంబరం మాట్లాడుతూ దేశవ్యాప్తంగా ప్రతి ఏడాది సుమారు ఏడు కోట్ల మంది నూతన ఓటర్లుగా నమోదు అవుతున్నారని అన్నారు. ఆధునిక సాంకేతిక పరిజ్ఞానాన్ని సమర్ధంగా వినియోగించుకోవడంలో ప్రత్యర్థి వర్గం ముందంజలో ఉండగా మనం వెనుకబడి ఉండడం సరికాదని అన్నారు. నూతనంగా ఓటర్లుగా నమోదు అవుతున్న వారికి సాంకేతికతతోనే చేరువ కాగలమని ఆయన అభిప్రాయపడ్డారు. తెలంగాణలో దాదాపు 2.2 కోట్ల మంది ఓటర్లు ఉన్నారని, వారిలో కనీ సం పది శాతం మంది అంటే సుమారు 22 లక్షల మందిని శక్తిఆప్‌లో సభ్యులుగా చేర్చించాలని ఆయన సూచించారు. ప్రతి పోలింగ్ బూత్‌లో 25మందిని శక్తి ఆప్‌లో సభ్యులుగా చేర్చితే వారి ద్వారా నియోజకవర్గంలోని ప్రజలకు పార్టీ విధానాలను వివరించే అవకాశం ఏర్పడుతుందన్నారు. తెలంగాణలో వచ్చే మార్చి, ఏప్రిల్ నెలల్లో ఎన్నికలు జరిగే అవకాశాలు ఉన్నందున అందుకు సిద్ధంగా ఉండాలని నేతలకు సూచించారు. ఇందుకోసం ప్ర తి నెల లక్ష నుంచి 2లక్షల మంది సభ్యులుగా చేర్చాలని లక్ష్యాన్ని నిర్ధేశించారు. దేశవ్యాప్తంగా ఎన్నో ఒత్తిళ్లు ఎదురైనా కాంగ్రెస్ పార్టీ తెలంగాణ ఇచ్చిందని, వచ్చే ఎన్నికల్లో కాంగ్రెస్‌ను అధికారంలోకి తెచ్చేందుకు శక్తివంచన లేకుండా పనిచేయాలన్నారు.
శక్తి యాప్ చాలా కీలకం: ఉత్తమ్
కాంగ్రెస్ పార్టీ గెలుపునకు శక్తి యాప్ చాలా కీలకమని, రాహుల్ గాంధీ చాలా ఆసక్తిగా ఈ ప్రాజెక్టును చేపట్టారని, నాయకులు, కా ర్యకర్తలు శ్రద్ధతో పని చేయాలని సూచించా రు. కేంద్ర, రాష్ట్ర ప్రభుత్వాల వైఫల్యాలు, పా ర్టీ ప్రచార కార్యక్రమాలు ప్రజల చెంతకు చేర్చేందుకు ఆప్ ఎంతగానో ఉపయోగపడనుందన్నారు. ఇప్పటికే ఆప్‌లో లక్ష మంది నమోదు చేసుకున్నారని, పార్టీ అధిష్టానం సూచించిన విధంగా ప్రతి నెల రెండు లక్షల మందిని ఇందులో నమోదు చేస్తామని పేర్కొన్నారు. టీ.పీసీసీ చీఫ్ ఉత్తమ్‌కుమార్ రెడ్డి అధ్యక్షతన జరిగిన సమావేశంలో ఏఐసీసీ ఇ న్‌చార్జి ప్రవీణ్ చక్రవర్తి, సీఎల్‌పీ నేత కె.జానారెడ్డి, శాసనమండలిలోప్రతిపక్ష నేత షబ్బీర్ అలీ, మాజీ ఎంపీ హనుమంత రావు, పీసీసీ మాజీ అధ్యక్షుడు పొన్నాల లక్ష్మయ్య, శక్తి ఆప్ తెలంగాణ ఇన్‌చార్జి రామ్మోహన్ రెడ్డి, మాజీ ఎంపీలు అంజన్ కుమార్ యాదవ్, మల్లు రవి, ఎమ్మెల్యే పద్మావతి రెడ్డి, ఎమ్మెల్సీ పొంగులేటి సుధాకర్‌రెడ్డి, మాజీ మంత్రి మ ర్రి శశిధర్ రెడ్డి, సునీతా లక్ష్మారెడ్డి, పార్టీ రాష్ట్ర కోశాధికారి గూడురు నారాయణ రెడ్డి, డీసీసీ అధ్యక్షులు పాల్గొన్నారు.
చిత్రం..గాంధీ భవన్‌లో జరిగిన శక్తి ప్రాజెక్టు సమావేశంలో పాల్గొన్న చిదంబరం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.