రాష్ట్రీయం
తూ.గో.లో కొనసాగిన జగన్ పాదయాత్ర
S ,7 à 8 RSCA (si SASPAS) et 6 cialis pharmacie cialis rapports de stage.
జగ్గంపేట, జూలై 29: వైఎస్సార్ కాంగ్రెస్ పార్టీ అధినేత జగన్మోహన్ రెడ్డి పాదయాత్ర తూర్పు గోదావరి జిల్లాలో ఆదివారం కొనసాగింది. నియోజకవర్గ కేంద్రం జగ్గంపేట నుండి ఆదివారం ఉదయం ప్రారంభమైన యాత్ర సాయంత్రం కిర్లంపూడి మండలం వీరవరంలో ముగిసింది.
పాదయాత్ర ప్రారంభానికి ముందు ఉపాధి హామీ పథకం క్షేత్రస్ధాయి సహాయకులు జగన్‌ను కలిసి ఎన్నో ఏళ్లుగా పనిచేస్నున్నప్పటికీ తమకు ఉద్యోగ భద్రత లేదని, వేతనాలు కూడా సక్రమంగా చెల్లించడంలేదని విన్నవించుకున్నారు. జగన్ పాదయాత్ర 16వ నెంబరు జాతీయ రహదారి మీదుగా సుమారు నాలుగు కిలోమీటర్లు కొనసాగింది.
అక్కడ నుంచి రామవరం గ్రామం మీదుగా సాగింది. ఈ పాదయాత్రలో మహిళలు పెద్ద ఎత్తున జగన్‌ను చూసేందుకు వచ్చారు. పలువు సంఘాల వారు జగన్‌ను కలిసి, వారి సమస్యలపై వినతిపత్రాలు అందించారు. పంచాయతీ మినిస్టీరియల్ సిబ్బంది, పామాయిల్ రైతులు జగన్‌ను కలిసిన వారిలో ఉన్నారు. అక్కడి నుండి కిర్లంపూడి మండలం రామచంద్రాపురం రోడ్డులో పాదయాత్ర నిర్వహించిన జగన్ గోనేడ సమీపంలో బెల్లం తయారీ పరిశ్రమల వారి వద్దకు వెళ్ళి అక్కడ బెల్లం తయారీ విధానాన్ని పరిశీలించారు. వారి కష్టాలు తెలుసుకున్నారు. మధ్యాహ్నం గోనేడ గ్రామంలో భోజన విరామం తీసుకున్నారు.
తిరిగి సాయంత్రం 4 గంటలకు ప్రారంభమైన యాత్ర రామచంద్రాపురం మీదుగా వీరవరం వరకు కొనసాగింది. ఈ కార్యక్రమంలో జగ్గంపేట నియోజకవర్గ వైసీపీ కో-ఆర్డినేటర్ జ్యోతుల చంటిబాబు, వైసీపీ సేవాదళ్ రాష్ట్ర ప్రధాన కార్యదర్శి డాక్టర్ ఒమ్మి రఘురామ్ తదితరులు పాల్గోన్నారు.
ప్ల కార్డులతో కాపుల నిరసన
కాపు రిజర్వేషన్లపై జగన్ చేసిన వ్యాఖ్యలపై గోనేడ గ్రామంలో కాపు యువత, మహిళలను నిరసన వ్యక్తంచేశారు. జగన్ పాదయాత్ర తమ గ్రామంలో సాగుతున్నపుడు గోనేడ రచ్చబండ యూత్ సభ్యులు, కాపు యూత్ సభ్యులు, మహిళలు కాపులను బీసీల్లో చేర్చాలంటూ ప్ల కార్డులతో నిరసన తెలిపారు. ‘జగన్ సార్ కాపులను మోసగించ వద్దు, రాష్ట్రానికి ప్రత్యేక హోదా, కాపుల రిజర్వేషన్లు కేంద్రం మెడలు వంచి సాధించాలి’ అనే ఫ్లకార్డులతో నిరసన తెలిపారు.
చిత్రం..కాపు రిజర్వేషన్లపై జగన్ చేసిన వ్యాఖ్యలపై గోనేడ
గ్రామంలో ప్లకార్డులతో నిరసన తెలుపుతున్న కాపులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.