రాష్ట్రీయం
సిగ్నల్ లేథు...సరుకులురావు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: మొబైల్ కనక్షన్, జీపీఎస్ సిగ్నల్, ఆధార్ అనుసంధానం వంటి సాంకేతిక పరిజ్ఞానంపై వారికి ఏ మాత్రం అవగహన లేదు... సమస్య ఏదైనా వీరికి తెలిసిందల్లా ఒక్కటే... అదే నెలనెలా ప్రభుత్వం సబ్సిడీపై ఇచ్చే రేషన్ బియ్యం. సకాలంలో రేషన్ బియ్యం అందకపోతే పస్తులు ఉండాల్సిన పరిస్థితి కూడా కొంతమంది నిరుపేదలకు లేకపోలేదు. నిన్న మొన్నటి వరకు రేషన్ డీలర్ల సమ్మెతో ఇబ్బందిపడిన పేద ప్రజలు, ప్రస్తుతం ప్రజా పంపిణీ వ్యవస్థకు సాంకేతిక సమస్య తలెత్తడంతో నాలుగైదు రోజులుగా రేషన్ సరుకుల పంపిణీ స్తంభించింది. దీనితో రేషన్ షాపుల్లో కంటికి ఎదురుగా బియ్యం బస్తాలు కనిపిస్తోన్న వీటి పంపిణీ నిలిచిపోవడంతో పస్తులు ఉండాల్సిన పరిస్థితి తలెత్తిందని వాపోతున్నారు. ప్రజా పంపిణీ వ్యవస్థను ఈ-పాస్‌కు (ఎలక్ట్రానిక్ పాయింట్ ఆఫ్ సేల్) అనుసంధానం చేయడంతో వీటికి సంబంధించిన సర్వర్లు పని చేయకపోవడంతో రాష్టవ్య్రాప్తంగా సరుకుల పంపిణీ నిలిచిపోయింది తప్ప ఇందులో తమ ప్రమేయం ఏమి లేదని డీలర్లు చేతులు ఎత్తేసారు. దీంతో ప్రభుత్వం ఇచ్చే సబ్సిడీ బియ్యంపై ఆధారపడిన లక్షలాది మంది పేదలు వాటిని ఎప్పుడిస్తారని కళ్లు కాయలు కాసేలా ఎదురు చూస్తున్నారు. రేషన్ బియ్యం ఎప్పుడు ఇస్తారో చెబితే అప్పుడే వస్తామని, ఏది చెప్పకపోవడం వల్ల నాలుగు రోజులుగా రేషన్ షాపుల చుట్టూ ప్రదక్షిణలు చేస్తూ పడిగాపులు కాస్తున్నామని సబ్సిడీ బియ్యం లబ్ధిదారులు వాపోతున్నారు. ఈ-పాస్‌కు సిగ్నల్ సమస్య, సర్వర్ల డౌన్ వంటి సాంకేతిక సమస్యలు తలెత్తడం వల్ల సరుకుల పంపిణీ నిలిచిపోవడానికి కారణమని, ఈ విషయంలో తామేమి చేయలేమంటూ డీలర్లు చేతులు ఎత్తేయడంతో సబ్సిడీ బియ్యం కోసం నిరుపేదలు గత నాలుగు రోజులుగా పడిగాపులు కాస్తున్నారు. రాష్టవ్య్రాప్తంగా దారిద్య్ర రేఖకు దిగువన ఉన్న 85 లక్షల కుటుంబాలు రేషన్ కార్డులు కలిగి ఉన్నారు. వీరికి నెలనెలా సరుకుల పంపిణీ కోసం 17,400 రేషన్ షాపులు రాష్ట్రం మొత్తంగా ఉన్నాయి. ప్రభుత్వం ప్రతీ నెలా రేషన్‌కార్డు కలిగిన కుటుంబాలకు లక్ష 75 వేల మెట్రిక్ టన్నుల బియ్యం పంపిణీ చేస్తోంది. కార్డుదారుల కుటుంబ సభ్యులు ఒకొక్కరికి నెలకు ఆరు కిలోల చొప్పున బియ్యం అందజేస్తుంది. సాధారణంగా ప్రతి నెల మొదటి వారంలోనే సబ్సిడీ బియ్యం పూర్తి అయ్యేది. కానీ ప్రజా పంపిణీని అనుసంధానం చేసిన ఈ-పాస్‌కు సాంకేతిక సమస్య తలెత్తడంతో ఈ నెలలో సబ్సిడీ బియ్యం అందక పేదలు అల్లాడిపోతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.