రాష్ట్రీయం
ప్రజా సమస్యలన్నీ పరిష్కరిస్తా
S ,7 à 8 RSCA (si SASPAS) et 6 cialis pharmacie cialis rapports de stage.
రౌతులపూడి, ఆగస్టు 8: రానున్న రోజుల్లో ప్రజాసమస్యలన్నీ పూర్తిగా పరిష్కరిస్తామని వైఎస్సార్ కాంగ్రెస్ పార్టీ అధినేత వైఎస్ జగన్మోహన్‌రెడ్డి ప్రజలకు భరోసా ఇచ్చారు. తూర్పుగోదావరి జిల్లాలో ప్రజాసంకల్ప యాత్ర సాగిస్తున్న జగన్ బుధవారం రౌతులపూడి మండలంలో పాదయాత్ర కొనసాగించారు. వర్షం కారణంగా మధ్యాహ్నం 1.30 గంటలకు పాదయాత్ర ప్రారంభించారు. ఈ సందర్భంగా రైతులు జగన్‌ను కలిసి కుడుంపాత్రుడుచెరువు మినీ ప్రాజెక్టు గా ఏర్పాటు చేసినట్టయితే సుమారు పది గ్రామాల ప్రజలు తాగు, సాగునీటికి ఇబ్బంది లేకుండా ఉంటుందని విన్నవించారు. అనంతరం గిడజాం గ్రామంలో జగన్‌కు భారీ స్వాగతం లభించింది. గ్రామంలో సమస్యలపై డ్వాక్రా మహిళలు వినతిపత్రాలు అందజేశారు. చంద్రబాబు నాయుడు కల్లబొల్లి హామీలతో డ్వాక్రా మహిళలను మోసం చేశారని, అదేవిధంగా రుణమాఫీ పేరుతో రైతులను అప్పులపాల్జేశారని, తమ సమస్యలను పూర్తిగా పరిష్కరించాలని జగన్‌ను కోరారు. తమ ప్రభుత్వం ఏర్పడగానే అన్ని సమస్యలకు పరిష్కారం లభిస్తుందని మహిళలకు భరోసా ఇచ్చారు. గిడజాం గ్రామంలో అభిమానులు భారీ ఎత్తున తరలిరావడంతో సుమారు గంటన్నరపాటు ప్రజాసంకల్పయాత్ర సాగింది. అనంతరం ఎస్ అగ్రహారం గ్రామంలో యాత్రను ప్రారంభించారు. అశేష జనవాహిని మధ్య ప్రజాసంకల్పయాత్ర సాగింది. గ్రామంలో పలు సమస్యలపై వినతిపత్రాలను అందజేశారు. సాయంత్రం విరామ సమయానికి డీజే పురం, పారుపాక జంక్షన్‌లో యాత్రను ముగించారు. ఈ కార్యక్రమంలో జగన్ వెంట ప్రత్తిపాడు వైసీపీ కన్వీనర్ పర్వత పూర్ణచంద్రప్రసాద్, దాడిశెట్టి రాజా, కురసాల కన్నబాబు, పాముల రాజేశ్వరీదేవి, వాసిరెడ్డి జమీలు, మురళీరాజు, శ్రీను తదితరులు పాల్గొన్నారు. ఎస్ అగ్రహారం, గిడజాం గ్రామాల్లో మహిళలు నేలపై చీరలు పరిచి జగన్‌ను నడిపించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.