రాష్ట్రీయం
2న ‘ప్రగతి నివేదన’
S ,7 à 8 RSCA (si SASPAS) et 6 cialis pharmacie cialis rapports de stage.
* ముందస్తు ఎన్నికలపై కూడా చర్చ
* గడువు ప్రకారమే వెళ్లాలని మంత్రుల సూచన
హైదరాబాద్, ఆగస్టు 22: తెలంగాణ రాష్ట్ర సమితి నాలుగేళ్ల పాలనపై నిర్వహించబోయే ప్రగతి నివేదన సభ ముందుగా నిర్ణయించిన విధంగానే సెప్టెంబర్ 2న యథాతథంగా జరుగుతుందని పార్టీ అధినేత, ముఖ్యమంత్రి కల్వకుంట్ల చంద్రశేఖర్‌రావు ప్రకటించారు. రాష్ట్రంలో కురుస్తోన్న వర్షాల కారణంగా సభ వాయిదా పడే అవకాశం ఉందని జరుగుతున్న ప్రచారానికి సీఎం కేసీఆర్ తెరదించారు. సెప్టెంబర్ 2న ప్రగతి నివేదన సభ నిర్వహించాలని టీఆర్‌ఎస్ రాష్ట్ర కమిటీలో ఖరారు చేసిన విషయం తెలిసిందే. రాష్ట్ర కమిటీ సమావేశానికి మంత్రులకు ఆహ్వానం లేకపోవడంతో ప్రగతి భవన్‌లో బుధవారం వారితో ప్రత్యేకంగా కేసీఆర్ సమావేశమయ్యారు. రాష్ట్ర కమిటీ తీసుకున్న నిర్ణయాలను మంత్రులకు ఆయన వివరించారు. బహిరంగ సభకు రెండు, మూడుచోట్ల స్థలాలను పరిశీలించినప్పటికీ తుదిగా రంగారెడ్డి జిల్లాలో 1600 ఎకరాల్లో ఉన్న కొంగర కలాన్‌ను ఎంపిక చేసినట్టు కేసీఆర్ వెల్లడించారు. నాలుగేళ్ల టీఆర్‌ఎస్ పాలనపై ప్రజలకు వివరించడానికి ఏర్పాటు చేసిన ప్రగతి నివేదికకు 25 లక్షల మంది జనాన్ని సమీకరించాలని కూడా సీఎం కేసీఆర్ నిర్ణయించారు. జన సమీకరణకు గురువారం నుంచే సన్నాహాలు చేయాలని మంత్రులకు సీఎం సూచించారు. ప్రగతి నివేదన సభ ఏర్పాట్లు, జనసమీకరణ తదితర అంశాలపై చర్చించడానికి శుక్రవారం తెలంగాణ భవన్‌లో పార్టీ శాసనసభా పక్షం, పార్లమెంటరీ పార్టీ, రాష్ట్ర కమిటీ సమావేశాన్ని నిర్వహించనున్నట్టు అధినేత కేసీఆర్ మంత్రులకు వెల్లడించారు. ఇలా ఉండగా, సమావేశంలో ముందస్తు ఎన్నికలపై కూడా చర్చ జరిగినట్టు సమాచారం. షెడ్యూల్ ప్రకారం జరిగే ఎన్నికలకు, ముందస్తు జరిగే ఎన్నికలకు మధ్య వ్యవధిలో పెద్దగా తేడా లేకపోవడంతో గడువు ప్రకారమే వెళ్లడమే ఉత్తమమని మెజారిటీ మంత్రులు అభిప్రాయపడినట్టు సమాచారం. ఎన్నికలు ఎప్పుడు జరిగినా అధికారంలోకి రావడం వందకు వంద శాతం ఖాయమని, అలాంటప్పుడు ముందస్తు ఎన్నికలకు వెళ్లడం వల్ల అనవసరమని వారు అభిప్రాయపడినట్టు తెలిసింది. మంత్రుల ఆలోచనలతో అధినేత కేసీఆర్ కూడా ఏకీభవించినట్టు తెలిసింది. అయితే ఎన్నికలు ఎప్పుడు జరిగినా సిద్ధంగా ఉండాలని, పార్టీ శ్రేణులను కూడా ఆ దిశగా సమాయత్తం చేయాలని కేసీఆర్ సూచించినట్టు తెలిసింది. ప్రగతి నివేదన సభను భారీగా నిర్వహించాలని, టీఆర్‌ఎస్సే తిరిగి అధికారంలోకి రాబోతుంన్న సంకేతాన్ని ఇచ్చేలా సభను ప్రతిష్టాకరంగా తీసుకోవాలని మంత్రులకు కేసీఆర్ సూచించినట్టు తెలిసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.