రాష్ట్రీయం
కేసీఆర్‌ది ముందుచూపే!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ముఖ్యమంత్రి కల్వకుంట్ల చంద్రశేఖరావు ముందస్తు ఎన్నికలకు సిద్ధమవుతున్నారా? తాజా పరిణామాలు ఈ అంశాన్ని ధ్రువీకరిస్తున్నాయా? ఈ ప్రశ్నలకు స్పష్టమైన సమాధానాలు లేకపోయినా, జరుగుతున్న పరిణామాలు మాత్రం ఈ సంకేతాలనే ఇస్తున్నాయ. గురువారం హైదరాబాద్‌లో గవర్నర్‌తో సీఎం భేటీ కావడం, ఢిల్లీలో ప్రధాన సలహాదారు రాజీవ్ శర్మ దేశ రాజధాని ఢిల్లీలో కేంద్ర ఎన్నికల కమిషనర్ అశోక్ లావాసాతో సమావేశం కావడం ముందస్తు ఊహాగానాలకు బలాన్నిస్తున్నాయి. శాసనసభకు ముందస్తు ఎన్నికలు జరిపించేందుకు గల సాధ్యాసాధ్యాల గురించి అశోక్ లావాసాతో రాజీవ్ శర్మ చర్చించినట్టు తెలిసింది. ఆయనతోపాటు ఢిల్లీలో తెలంగాణ ప్రభుత్వం ప్రత్యేక ప్రతినిధి కేఎం సహానీ కూడా ఈ సమావేశానికి హాజరయ్యారు. శాసనసభ ఎన్నికలకు సిద్ధం కావాలని కేసీఆర్ బుధవారం ప్రగతిభవన్‌లో మంత్రులు, పార్టీ సీనియర్ నాయకులకు పిలుపిచ్చిన మరుసటిరోజే ఇద్దరు సీనియర్ అధికారులు ఢిల్లీకి వచ్చి కేంద్ర ఎన్నికల కమిషనర్‌తో సమావేశం కావడం ప్రాధాన్యతను సంతరించుకున్నది. ఈ సంవత్సరం డిసెంబర్‌లో మధ్యప్రదేశ్, రాజస్థాన్, చత్తీస్‌గఢ్, మిజోరాం శాసనసభలకు జరిగే ఎన్నికలతోపాటు తెలంగాణ శాసనసభకు కూడా ఎన్నికలు జరిపించేందుకు వీలుంటుందా లేదా? జరిపించాలనుకుంటే రాష్ట్ర శాసనసభను ఎప్పుడు రద్దు చేయాలి? ఇతరత్రా పాటించవలసిన నియమాలేమిటి అనే అంశాలపై రాజీవ్ శర్మ, సహానీ ఎన్నికల కమిషనర్‌తో చర్చించారని అంటున్నారు. అనంతరం వారిద్దరూ కేంద్ర అటార్నీ జనరల్ కేకే వేణుగోపాల్‌ను కూడా కలుసుకున్నట్లు సమాచారం. సుప్రీం కోర్టులోని వేణుగోపాల్ చాంబర్‌లో ఈ సమావేశం జరిగిందని అంటున్నారు. ముఖ్యమంత్రి కేసీఆర్ శాసన సభ, లోక్‌సభ ఎన్నికలు ఒకేసారి జరపడం ఇష్టం లేదని అంటున్నారు. రెంటికీ ఒకేసారి ఎన్నికలు జరిగితే తమకు రాజకీయంగా నష్టం జరుగుతుందనే అభిప్రాయంతోనే కేసీఆర్ శాసనసభ ఎన్నికలను ఐదు నెలల ముందు జరిపించుకోవాలనే పట్టుదలతో ఉన్నారని విశ్వసనీయ వర్గాల ద్వారా తెలుస్తున్నది. అయితే, లోక్‌సభతోపాటు జరపవలసిన తెలంగాణ శాసనసభ ఎన్నికలను ముందుకు జరిపేందుకు ప్రధాన మంత్రి నరేంద్ర మోదీ, బీజేపీ అధ్యక్షుడు అమిత్ షా ఆమోదిస్తారా అనేది ప్రశ్న. లోక్‌సభ, శాసనసభ ఎన్నికలను వీలున్నంతవరకు కలిపి జరిపించటం ద్వారా ఎన్నికల ఖర్చు తగ్గించుకోవటంతోపాటు అభివృద్ధి పథకాల అమలుపై దృష్టి కేంద్రీకరించవచ్చునని వాదిస్తున్న నరేంద్ర మోదీ తెలంగాణ శాసనసభ ఎన్నికలను గడువుకంటే ఐదు నెలల ముందుకు జరిపేందుకు అంగీకరిస్తారా? అనేది వేచిచూడాల్సిందే. తెంలగాణ రాష్ట్ర ఓటర్ల తుది జాబితా 2019 జనవరి నాటికి గానీ పూర్తికాదు. తెలంగాణ శాసనసభ ఎన్నికలను డిసెంబర్‌లో జరిపించుకోవాలంటే రాష్ట్ర ఎన్నికల సంఘం ఓటర్ల తుది జాబితాను నవంబర్ నాటికి పూర్తి చేసుకోవలసి ఉంటుంది. రాజీవ్ శర్మ గురువారం లవాసాను కలిసినప్పుడు ఓటర్ల జాబితా గురించి కూడా చర్చించారనే మాట వినిపిస్తోంది. మొత్తానికి ఈ భేటీ అత్యంత ప్రాధాన్యతను సంతరించుకుంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.