రాష్ట్రీయం
నీట్ యూజీలో పెరగనున్న సీట్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 23: దేశ వ్యాప్తంగా మెడికల్, డెంటల్ కాలేజీల్లో ప్రవేశానికి సంబంధించి ప్రవేశపరీక్ష నిర్వహణపై నేషనల్ టెస్టింగ్ ఏజన్సీ స్పష్టత ఇవ్వడంతో మెడికల్ కౌన్సిల్ ఆఫ్ ఇండియా సన్నాహాలు ప్రారంభించింది. ముందు పరీక్ష నిర్వహణ వరకూ నేషనల్ టెస్టింగ్ ఏజన్సీ బాధ్యతలు తీసుకోగా, మెడికల్ కాలేజీల కౌనె్సలింగ్ బోర్డు అడ్మిషన్ల బాధ్యతను నెరవేర్చనుంది. 2019 నీట్ అడ్మిషన్లు జరిగే సమయానికి ఎంబీబీఎస్, బీడీఎస్ కలిపి లక్ష సీట్లకు చేరుకుంటాయని అంచనా వేస్తున్నారు. ఈసారి అమ్మాయిలకు సీట్లు బాగా పెరుగుతాయి. పరీక్ష రాసే అభ్యర్థుల సంఖ్య కూడా బాగా పెరుగుతుందని భావిస్తున్నారు. తెలుగు రాష్ట్రాల్లో దాదాపు 1500 అదనపు సీట్లు పెరగనున్నాయి. తెలంగాణలో 600 సీట్లు, ఆంధ్రాలో 900 సీట్లుపెరిగే అవకాశం ఉందని చెబుతున్నారు. 2018 నీట్‌లో 13,26,725 మంది రిజిస్టర్ చేసుకోగా, అందులో అబ్బాయిలు 5,80,648, అమ్మాయిలు 7,46,076 మంది ఉన్నారు. ఇందులో 12,69,922 మంది పరీక్ష రాయగా వారిలో 7,14,562 మంది అర్హత సాధించారు. దేశవ్యాప్తంగా 778 కాలేజీల్లో 65,170 ఎంబీబీఎస్, 25,730 బీడీఎస్ సీట్లున్నాయి. అయితే ఆఖరి నిమిషంలో జరిగిన చేర్పులు, మార్పులతో దేశవ్యాప్తంగా 426 మెడికల్ కాలేజీల్లో 53,455 యూజీ సీట్లు, డెంటల్ కాలేజీల్లో 25,900 యూజీ సీట్లు , మొత్తం 79,355 సీట్లకు అడ్మిషన్లు జరిగాయి. 2017 నీట్‌లో 11.5 మంది అభ్యర్ధులు రిజిస్టర్ చేసుకోగా, 2016లో జరిగిన నీట్‌లో 7.5 లక్షల మంది మాత్రమే రిజిస్టర్ చేసుకున్నారు. తొలిసారి నీట్‌ను 2013లో నిర్వహించారు. 2014లో నీట్‌ను రద్దు చేశారు. తిరిగి జాతీయ స్థాయిలో ఉమ్మడిగా ఒకే ప్రవేశపరీక్ష నిర్వహించేందుకు వీలుగా నీట్‌ను అమలులోకి తెచ్చారు. తొలుత 2019 నీట్‌ను ఏటా రెండు మార్లు, ఆన్‌లైన్‌లో నిర్వహించాలని భావించినా, ఇటీవల జరిగిన బోర్డు సమావేశంలో 2019లో నీట్ పరీక్షను ఒకే మారు నిర్వహించాలని నిర్ణయించారు. అదీ ఆఫ్ లైన్‌లోనే పెన్ను పేపర్ పద్ధతిలోనే నిర్వహించాలని నిర్ణయించారు. దేశవ్యాప్తంగా 136 పట్టణాల్లో 11 భాషల్లో నీట్‌ను నిర్వహించనున్నారు. ఆంగ్లభాష ఆధారంగా నీట్ పేపర్‌ను వివిధ ప్రాంతీయ భాషల్లోకి తర్జుమా చేయనున్నారు. కనుక తర్జుమాలో ఎలాంటి పొరపాట్లు జరిగినా దానికి నేషనల్ టెస్టింగ్ ఎలాంటి బాధ్యత వహించబోదని కూడా చెబుతున్నారు. ఆంగ్ల మూలం చూసుకుని ప్రశ్నకు ప్రాంతీయ భాషలో సమాధానం రాయడం ఉత్తమమని నిపుణులు చెబుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.