రాష్ట్రీయం
శ్రీశైలానికి తగ్గిన వరద
S ,7 à 8 RSCA (si SASPAS) et 6 cialis pharmacie cialis rapports de stage.
కర్నూలు, ఆగస్టు 24: శ్రీశైలం జలాశయానికి వరద ప్రవాహం తగ్గింది. ఎగువ తుంగభద్ర నుంచి పూర్తిస్థాయిలో వరద తగ్గగా కృష్ణానది నుంచి గణనీయంగా తగ్గిపోయింది. జలాశయానికి నీటి చేరిక పడిపోవడంతో ప్రాజెక్టు నుంచి దిగువ నాగార్జున సాగర్‌కు నీటి విడుదలను తగ్గించారు. గురువారం తెరిచిన ఎనిమిది గేట్లలో శుక్రవారం ఉదయం నాలుగు గేట్లు మూసివేశారు. జలాశయం నీటిమట్టం 883.10 అడుగులుగాను, నీటినిల్వ 205.25 టీఎంసీలుగా నమోదైంది. తుంగభద్ర నుంచి 33,088 క్యూసెక్కులు, కృష్ణా నుంచి 1,32,578 క్యూసెక్కులు కలిపి మొత్తం 1,65,666 క్యూసెక్కుల నీరు శ్రీశైలం జలాశయానికి చేరుతోంది. కుడి విద్యుత్ కేంద్రం నుంచి 31,391 క్యూసెక్కులు, ఎడమ విద్యుత్ కేంద్రం నుంచి 42,378 క్యూసెక్కులు, నాలుగు క్రష్ట్‌గేట్లు ఒక్కోటి 10 అడుగుల మేర ఎత్తి 1,08,912 క్యూసెక్కులు కలిపి మొత్తం 1,82,812 క్యూసెక్కుల నీరు సాగర్‌కు విడుదల చేస్తున్నారు. బ్యాక్‌వాటర్ నుంచి కల్వకుర్తి ఎత్తిపోతల పథకానికి 2,400 క్యూసెక్కులు, హంద్రీ-నీవా ద్వారా 2,363 క్యూసెక్కులు, పోతిరెడ్డిపాడు హెడ్‌రెగ్యులేటర్ నుంచి 24 వేల క్యూసెక్కుల నీరు తరలిస్తున్నారు. జలాశయం నుంచి మొత్తం 2,11,344 క్యూసెక్కుల నీరు బయటకు వెళ్తోంది. కాగా శనివారం మరో రెండు గేట్లు మూసి వేసి జలాశయంలో నీటిమట్టం 884 అడుగుల మేర నిర్వహించనున్నట్లు అధికారులు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.