రాష్ట్రీయం
న్యాయం చేయకుంటే ఆత్మహత్యే శరణ్యం
S ,7 à 8 RSCA (si SASPAS) et 6 cialis pharmacie cialis rapports de stage.
మిర్యాలగూడ టౌన్, సెప్టెంబర్ 18: ప్రభుత్వం, పోలీసులు తమ కుటుంబానికి న్యాయం చేయకుంటే ఆత్మహత్య చేసుకుంటామని హత్యకు గురైన దళిత యువకుడు పి.ప్రణయ్‌కుమార్ భార్య అమృతవర్షిణి, తమ్ముడు అజయ్‌కుమార్, తల్లిదండ్రులు హేమలత, బాలస్వామిలు అన్నారు. మంగళవారం రాత్రి ప్రణయ్ ఇంటికి వచ్చిన జిల్లా కలెక్టర్ ఉప్పల్ గౌరవ్ ముందు ప్రణయ్ భార్య అమృత మాట్లాడుతూ తనను తన బాబాయి శ్రవణ్ తీవ్రంగా హింసించాడని, తండ్రి తీవ్రంగా బెదిరించాడన్నారు. వారు అరెస్టు అవడం జరిగిందని, ఫాస్ట్‌ట్రాక్ కోర్టులో వేగంగా విచారణ జరిపాలన్నారు. వాళ్ళు బెయిల్ మీద 15 రోజుల్లో వస్తే తాము సిబిఐని ఆశ్రయిస్తామని అక్కడ కూడ న్యాయం జరగకుంటే తాము ఆత్మహత్య చేసుకుంటామన్నారు. ఆత్మహత్య చేసుకునే ముందు నిందితులను శిక్షించడంలో ప్రభుత్వం, పోలీసులు బాధ్యులుగా వాంగ్మూలం రాసి మరి ఆత్మహత్య చేసుకుంటామని పేర్కొన్నారు.
తొలి విడత ఆర్థిక సాయం అందించిన కలెక్టర్
హత్యకు గురైన పెరుమాళ్ల ప్రణయ్‌కుమార్ కుటుంబానికి రూ.4,12,500 రూపాయల ఆర్ధిక సహాయాన్ని కుటుంబ సభ్యులకు మంగళవారం రాత్రి నల్లగొండ జిల్లా కలెక్టర్ ఉప్పల్‌గౌరవ్ అందించారు. ఈ సందర్భంగా విలేకరులతో మాట్లాడుతూ హత్యకు గురైన దళిత యువకుడు ప్రణయ్‌కుమార్ గురించి సంపూర్ణ విచారణ జరపాలని కుటుంబ సభ్యులు కోరారని అన్నారు. హత్యా నేరం, ఎస్‌సి, ఎస్‌టి అట్రాసిటి చట్టాల కింద పోలీసులు నిందితులపై కేసులు నమోదు చేశారన్నారు. ఎస్‌సి, ఎస్‌టి అట్రాసిటి యాక్టు నమోదైనందున మొదటి విడతగా 4,12,500 రూపాయలు, రెండో విడత అంతే మొత్తాన్ని ఇవ్వనున్నామన్నారు. కార్యక్రమంలో ఆర్డీఓ జగన్నాధరావు తదితరులున్నారు.
చిత్రం..ప్రణయ్ కుటుంబ సభ్యులతో మాట్లాడుతున్న నల్లగొండ కలెక్టర్ గౌరవ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.