రాష్ట్రీయం
‘సింహాద్రి’కి బొగ్గు కొరత!
S ,7 à 8 RSCA (si SASPAS) et 6 cialis pharmacie cialis rapports de stage.
గాజువాక, సెప్టెంబర్ 22: బొగ్గు కొరత విశాఖపట్నం జిల్లా పరవాడ వద్ద గల సింహాద్రి సూపర్ థర్మల్ పవర్ ప్రాజెక్ట్ (ఎన్టీపీసీ)కు వేధిస్తోంది. సింహాద్రి పవర్ ప్రాజెక్ట్‌లో పూర్తి స్థాయి విద్యుత్ ఉత్పత్తి చేపట్టేందుకు అవసరమైన బొగ్గు అందుబాటులో లేదు. సింహాద్రిలో గల బొగ్గు నిల్వలు ఇప్పటికే కరిగి పోయాయి. ప్రస్తుతం వారం రోజులకు సరిపడా బొగ్గు మాత్రమే నిల్వ ఉందని కార్మిక వర్గాలు చెబుతున్నాయి.
దీనికి తోడు గత ఐదు రోజుల నుండి బొగ్గు దిగుమతి తగ్గి పోయింది. సింహాద్రి పవర్ ప్రాజెక్ట్‌కు ఒడిశా సమీపంలో గల తాల్చేరులోని శ్రీ నంది కోక్ ఓవెన్స్ నుండి బొగ్గును రైలు మార్గంలో సింహాద్రి దిగుమతి చేసుకుంటోంది. గతంలో విదేశీ బొగ్గును సైతం సింహాద్రి దిగుమతి చేసుకునేది. స్వదేశీ బొగ్గు 70 శాతం, విదేశీ బొగ్గు 30 శాతం కలిపి విద్యుత్ ఉత్పత్తికి వినియోగించే వారు. అయితే కేంద్ర ప్రభుత్వం తీసుకున్న నిర్ణయం కారణంగా విదేశీ బొగ్గును ప్రస్తుతం దిగుమతి చేసుకోవడం లేదు. ప్రస్తుతం పూర్తి స్థాయి స్వదేశీ బొగ్గుతోనే సింహాద్రి పవర్ ప్రాజెక్ట్‌లో విద్యుత్ ఉత్పత్తి చేస్తున్నారు. సింహాద్రిలో నాలుగు ఐదు వందల మెగావాట్ల యూనిట్లు ఉన్నాయి. నాలుగు యూనిట్లూ కలిపి 2వేల మెగావాట్ల విద్యుత్ ఉత్పత్తి చేస్తున్నాయి.
బొగ్గు కొరత కారణంగా సింహాద్రి సూపర్ థర్మల్ పవర్ ప్రాజెక్ట్‌లో గల మొదటి 500 మెగావాట్ల యూనిట్‌ను శనివారం మధ్యాహ్నం అధికారులు షట్‌డౌన్ చేశారు. నాలుగు యూనిట్లలో 2వేల మెగావాట్ల విద్యుత్ ఉత్పత్తి చేసేందుకు అవసరమైన బొగ్గు సింహాద్రిలో లేక పోవడం మొదటి యూనిట్‌ను షట్‌డౌన్ చేసినట్లు అధికార వర్గాల ద్వారా తెలిసింది. గత కొన్ని రోజుల నుండి సింహాద్రిలో నాలుగు యూనిట్లలో లోడ్‌ను తగ్గిస్తూ విద్యుత్ ఉత్పత్తి చేస్తూ వస్తున్న అధికారులు శనివారం మొదటి యూనిట్‌ను పూర్తిగా షట్‌డౌన్ చేశారు. ప్రస్తుతం సింహాద్రిలో 2,3,4 యూనిట్లు మాత్రమే విద్యుత్ ఉత్పత్తి చేస్తున్నాయి. ప్రస్తుతం కురుస్తున్న వర్షాల కారణంగా తాల్చేరు బొగ్గు గనుల్లో పనులు నడవడం లేదని అధికారులు చెబుతున్నారు. దీనికారణంగా బొగ్గు ఉత్పత్తి తగ్గడంతో పాటు రైల్వేలైన్లు కాస్త ఇబ్బంది పెడుతున్నాయని అధికారులు చెబుతున్నారు.
దీని కారణంగా సింహాద్రి పవర్ ప్రాజెక్ట్‌కు అవసరమయ్యే బొగ్గు దిగుమతి కావడం లేదని అధికారులు చెబుతున్నారు. వర్షాలు తగ్గితే బొగ్గు దిగుమతి పెరిగి సింహాద్రి సూపర్ థర్మల్ పవర్ ప్రాజెక్ట్‌లో పూర్తి స్థాయి విద్యుత్ ఉత్పత్తి జరుగుతుందని అధికారులు స్పష్టం చేస్తున్నారు.
చిత్రం..సింహాద్రి సూపర్ థర్మల్ పవర్ ప్రాజెక్ట్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.