రాష్ట్రీయం
న్యాయం ప్రజలకు చేరువ కావాలి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: న్యాయం ప్రజలకు చేరువ చేయాలని న్యాయవాదులు కోర్టులకు సహకరించాలని తద్వారా కేసులను సత్వరం పరిష్కరించేందుకు దోహదపడాలని సుప్రీంకోర్టు న్యాయమూర్తి జస్టిస్ ఆర్. సుభాష్‌రెడ్డి పేర్కొన్నారు. హైదరాబాద్ హైకోర్టు నుండి పదోన్నతి పొంది సుప్రీంకోర్టు న్యాయమూర్తిగా నియమితులైన న్యాయమూర్తి సుభాష్‌రెడ్డిని ఫెడరేషన్ ఆఫ్ బార్ అసోసియేషన్స్ కార్యనిర్వాహక కమిటీ ఘనంగా సత్కరించింది. ఈ కార్యక్రమానికి ఫెడరేషన్ అధ్యక్షుడు అనంతరెడ్డి అధ్యక్షత వహించారు. కార్యక్రమంలో జస్టిస్ బీపీ జీవన్‌రెడ్డి, జస్టిస్ బీ. సుభాషణ్ రెడ్డి, ఏపీ బార్ కౌన్సిల్ చైర్మన్ ఏ. నర్సింహారెడ్డి తదితరులు పాల్గొన్నారు. న్యాయవాదుల్లో నిబద్ధత, కార్యదక్షత ఉండాలని పేర్కొన్నారు. న్యాయవాదులు కేవలం పిటిషన్లకే పరిమితం కాకుండా వారు కూడా న్యాయాధికారులుగా భాగస్వామ్యులు కావాలని, అందుకు అవసరమైన పోటీ పరీక్షలకు హాజరుకావాలని సూచించారు. రాజ్యాంగాన్ని, న్యాయవ్యవస్థను గౌరవప్రదంగా నడిపించడంలో న్యాయవాదులు కీలక పాత్ర పోషించాలని చెప్పారు. అన్ని రాష్ట్రాల్లో లా అకాడమిలు ఏర్పాటు చేయాలని, తద్వారా న్యాయవాదులకు, న్యాయమూర్తులకు అంతర్గత శిక్షణ అందించేందుకు ప్రభుత్వాలు దోహదం చేయాలని అన్నారు. కొత్తగా వృత్తిలోకి యువత వచ్చేందుకు ప్రోత్సాహాన్ని అందించాలని చెప్పారు. ప్రభుత్వాలు మిగతా వారికి అందిస్తున్న సంక్షేమ పథకాలను న్యాయవాదులకూ వర్తింపచేయాలని సూచించారు. తన గురించి చెబుతూ చిన్నప్పటి నుండి ఎంతో అభిరుచితో, మక్కువతోనే తాను న్యాయవాద వృత్తిలోకి వచ్చానని, వివిధ అంచెల్లో పదోన్నతులు పొంది నేడు సుప్రీంకోర్టు న్యాయమూర్తిగా నియమితులయ్యానని, తాను ఈ స్థాయికి వస్తానని ఎన్నడూ అనుకోలేదని చెప్పారు. సీనియర్ జస్టీస్ బి సుభాషణ్ రెడ్డి గారి దగ్గర తాను ఎంతో నేర్చుకున్నానని, న్యాయవాదులు బార్ - బెంచ్ సత్సంబంధాలను కొనసాగించాలని చెప్పారు. న్యాయవాదుల సమస్యల పరిష్కారానికి రాజకీయాలకు అతీతంగా పొరాడుతున్నామని కమిటీ అధ్యక్షుడు అనంతరెడ్డి చెప్పారు.
చిత్రం.. ఫెడరేషన్ ఆఫ్ బార్ అసోసియేషన్స్ కార్యనిర్వాహక కమిటీ హైదరాబాద్‌లో ఏర్పాటు చేసిన కార్యక్రమంలో ప్రసంగిస్తున్న సుప్రీంకోర్టు న్యాయమూర్తి జస్టిస్ సుభాష్ రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.