రాష్ట్రీయం
సుప్రీంకోర్టూ వద్దంటారేమో?
S ,7 à 8 RSCA (si SASPAS) et 6 cialis pharmacie cialis rapports de stage.
కురుపాం: తన అక్రమ ఆస్తులు, అవినీతి మంత్రులను కాపాడుకునేందుకు సీబీఐని వద్దంటున్న చంద్రబాబు సుప్రీంకోర్టుతో రాష్ట్రానికి సంబంధం లేదని అన్నా ఆశ్చర్యపోనక్కర్లేదని ప్రతిపక్ష నేత, వైసీపీ అధినేత జగన్ ఎద్దేవా చేశారు. మంగళవారం ప్రజా సంకల్ప యాత్రలో భాగంగా విజయనగరం జిల్లా కురుపాంలో జరిగిన బహిరంగ సభలో ఆయన మాట్లాడారు. తన అవినీతిని పాలనను కప్పిపుచ్చుకునేందుకు కేంద్ర సంస్థ సీబీఐతో రాష్ట్రానికి సంబంధం లేదని ప్రకటించిన చంద్రబాబు రేపు సుప్రీంకోర్టులో తనకు వ్యతిరేకంగా నిర్ణయం జరిగితే సంబంధం లేదని తప్పించుకున్నా ఆశ్చర్యపోనక్కర్లేదన్నారు. ఇన్‌కంటాక్స్, ఈడీ సోదాలపై సుప్రీంకోర్టుకు వెళతానన్న బాబు ఆపరేషన్ గరుడపై ఎందుకు విచారణ చేయించడం లేదని ప్రశ్నించారు. ఢిల్లీ పెద్దల డైరెక్షన్‌లో తాను నడుస్తున్నానని చెబుతున్న చంద్రబాబు సుప్రీంకోర్టుకు ఎందుకు వెళ్లడం లేదని, స్వతంత్ర సంస్థతో దర్యాప్తు ఎందుకు చేయించడం లేదని ప్రశ్నించారు. దర్యాప్తు నిర్వహిస్తే అసలు దొంగ చంద్రబాబు అని బయట
పడుతుందన్న భయంతో విచారణకు ముందుకు రావడం లేదన్నారు. ప్రత్యేక హోదా పేరుతో మోదీ, కేంద్రం అంటూ రోజుకో డ్రామాలాడుతున్నారని ఆరోపించారు. రాష్ట్ర సమస్యలను గాలికి వదిలి జాతీయస్థాయిలో ఫ్రంట్ అంటూ మోదీని దించేస్తానంటూ రోజుకో నేతను కలవడం కేవలం చంద్రబాబు డ్రామాలన్నారు. రాష్ట్రంలో అన్ని జిల్లాలో మైనస్ వర్షపాతం నమోదై రైతులు కరవు, కాటకాలతో అల్లాడిపోతుంటే కర్ణాటకలో కుమారస్వామితో టీతాగి, తమిళనాడులో స్టాలిన్‌తో సాంబారు ఇడ్లీ తిని, బెంగాల్‌లో మమతాబెనర్జీతో మాట్లాడి నాలుగు ఫొటోలు తీయించుకుని పేపరులో ప్రకటించుకోవడమే తప్ప ఒరిగేదేముందని ప్రశ్నించారు. బీజేపీతో నాలుగేళ్లు సంసారం చేసి ఒక్క మంచిపనైనా సాధించారా? అని ప్రశ్నించారు. అగ్రిగోల్డ్ బాధితులను ఆదుకోవాల్సిన ప్రభుత్వం వాటి ఆస్తులను కొల్లగొడుతోందన్నారు. పోలవరం పునాదులు దాటలేదని, అమరావతి బొమ్మలకే పరిమితమని, కరెంట్, పెట్రోల్, డీజిల్, ఆర్టీసీ చార్జీలను పెంచి ప్రజలపై భారం వేశారన్నారు. తాను అధికారంలోకి వస్తే 25 లక్షల ఇళ్లు కట్టిస్తానని, చేయూతలో భాగంగా మహిళలకు డ్వాక్రారుణాల మాఫీ, 75వేలు వ్యక్తగత రుణం, పిల్లల చదువుకు 15వేలు, ఉన్నత చదువులకు లక్ష రూపాయలు, 60 ఏళ్లు దాటిన వారికి 2వేల రూపాయల పెన్షన్ సౌకర్యం కల్పిస్తామన్నారు. మాజీ మంత్రి బొత్స సత్యనారాయణ, ఎమ్మెల్యేలు పుష్పశ్రీవాణీ, రాజన్నదొర, మాజీ ఎంపీ బొత్స ఝాన్సీ, వైకాపా నాయకులు పరిక్షిత్‌రాజు, మాధవి, కరుణాకరరెడ్డి, జోగారావు, తదితరులు పాల్గొన్నారు.
చిత్రం..విజయనగరం జిల్లా కురుపాం బహిరంగ సభలో మాట్లాడుతున్న వైసీపీ అధినేత జగన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.