రాష్ట్రీయం
విశే్వశ్వర్‌రెడ్డి గుడ్‌బై
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: తెలంగాణ రాష్ట్ర సమితికి చేవెళ్ల ఎంపీ కొండా విశే్వశ్వర్‌రెడ్డి మంగళవారం రాజీనామా చేశారు. ఎంపీ పదవికి కూడా రాజీనామా చేయనున్నట్టు ఆయన ప్రకటించారు. ఈ మేరకు పార్టీ అధినేత, సీఎం కే చంద్రశేఖరరావుకు కొండా మూడు పేజీల లేఖను ఆయన పార్టీ కార్యాలయానికి పంపించారు. ఎన్నికల సమయంలో కొండా విశే్వశ్వర్‌రెడ్డి రాజీనామా టీఆర్‌ఎస్‌తో పాటు రాజకీయ వర్గాల్లో సంచలనం రేపింది. వారం రోజుల కిందటే టీఆర్‌ఎస్‌కు ఇద్దరు ఎంపీలు రాజీనామా చేయనున్నారని కాంగ్రెస్ వర్కింగ్ ప్రెసిడెంట్ రేవంత్‌రెడ్డి సంకేతాలు ఇచ్చారు. అయితే తాను పార్టీ మారుతున్నట్టు దుష్ప్రచారం జరుగుతుందని, టీఆర్‌ఎస్‌లోనే కొనసాగనున్నట్టు కొండా స్పష్టం చేసిన విషయం తెలిసిందే. విశే్వశ్వర్‌రెడ్డి రాజీనామా చేయడమే కాకుండా టీఆర్‌ఎస్ పార్టీ ప్రజలకు దూరమవుతోందని, తెలంగాణ ఉద్యమకారులకు పార్టీలో స్థానం లేదని తన లేఖలో ఘాటుగా విమర్శించారు. తెలంగాణ వ్యతిరేకులకు మంత్రివర్గంలో స్థానం కల్పించారని కూడా ఆయన తీవ్ర ఆరోపణ చేశారు. తన రాజీనామాపై మీడియా సమావేశంలో వెల్లడిస్తానని కూడా కొండా ప్రకటించారు. టీఆర్‌ఎస్‌కు రాజీనామా చేయడమే కాకుండా ఈ నెల 23న మేడ్చల్‌లో జరిగే
బహిరంగ సభలో సోనియాగాంధీ సమక్షంలో కాంగ్రెస్‌లో చేరనున్నారని విశే్వశ్వర్‌రెడ్డి సన్నిహిత వర్గాల సమాచారం. ఇలా ఉండగా తన రాజీనామాకు ఐదు కారణాలున్నట్టు లేఖలో కొండా పేర్కొన్నారు. తెలంగాణ రాష్ట్రం కోసం విద్యార్థులు, ఉద్యోగులు, యువకులు ఉద్యమంలో చురుకుగా పాల్గొనడంతో ఆదే ఆకాంక్షతో తాను కూడా ఉద్యమనేత కేసీఆర్ నాయకత్వంలోని టీఆర్‌ఎస్‌లో చేరానన్నారు. 2014 ఎన్నికలకు ముందు చేవెళ్ల నుంచి ఎంపీగా పోటీ చేయాలని కేసీఆర్ స్వయంగా తనను కోరారన్నారు. అయితే అప్పుడది టీఆర్‌ఎస్ ఓడిపోయే సీటుగా భావించారన్నారు. అయినప్పటికీ కేసీఆర్ ఆదేశం మేరకు ఎన్నికల బరిలో నిలిచి సర్వశక్తులు ఒడ్డి ప్రజల ఆశీర్వాదంతో విజయం సాధించినట్టు పేర్కొన్నారు. తొలిసారి ఎంపీగా గెలిచిన తెలంగాణ రాష్ట్ర సమస్యలపై పార్లమెంట్‌లో తన వాణిని వినిపించానన్నారు. అయితే గడిచిన రెండు సంవత్సరాలుగా పార్టీ వైఖరిని గమనిస్తే ప్రజలకు పార్టీకి మధ్య అంతరం పెరిగిందని, ప్రజలు దూరం అవుతున్నట్టు గ్రహించానన్నారు. తెలంగాణ ఉద్యమకారులకు, కార్యకర్తలకు పార్టీలో స్థానం లేదని అర్థమైందన్నారు. తెలంగాణ వ్యతిరేకులకు మాత్రం పార్టీలో అందలం ఎక్కించి ఏకంగా మంత్రివర్గంలో కూడా స్థానం కల్పించారని ఆవేదన వ్యక్తం చేశారు. తెలంగాణ ప్రజల ఆకాంక్షలకు విరుద్దంగా టీఆర్‌ఎస్ పాలన కొనసాగుతోందని ఆయన విమర్శించారు. వ్యక్తిగతంగానే కాకుండా తెలంగాణ ఉద్యమకారులకు, కార్యకర్తలకు, నియోజకవర్గానికి, రాష్ట్రానికి, పార్టీ కార్యకర్తలకు అన్యాయం జరగడం వంటి ఐదు కారణాలతో పార్టీని, ఎంపీ పదవిని వీడుతున్నట్టు విశే్వశ్వర్‌రెడ్డి లేఖలో స్పష్టం చేశారు. ఇంతకాలంగా తన వెంట నడిచిన, తన పట్ల అభిమానం చూపిన శ్రేణులు మున్ముందు తాను వేయబోయే అడుగులో కూడా వెన్నంటి ఉంటారన్న ఆశాభావాన్ని కొండా వ్యక్తం చేశారు.
చిత్రం..కొండా విశే్వశ్వర్‌రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.