రాష్ట్రీయం
11 భాషల్లో ‘నీట్’ ప్రశ్నాపత్రం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 21: దేశవ్యాప్తంగా మెడికల్, డెంటల్ కాలేజీల్లో చేరడానికి నిర్వహించే నీట్ - యూజీ పరీక్షకు హాజరయ్యే అభ్యర్ధులకు 11 భాషల్లో ప్రశ్నాపత్రాన్ని ఇవ్వనున్నారు. ఇంగ్లీషు, హిందీ, అస్సామీ, బెంగాలి, గుజరాతి, కన్నడ, మరాఠీ, ఒడియా, తమిళం, తెలుగు, ఉర్దూ భాషల్లో ప్రశ్నాపత్రాన్ని తయారుచేస్తున్నారు. గతంలో ఆంగ్లభాషలో మాత్రమే ప్రశ్నాపత్రాన్ని ఇచ్చేవారు, జాతీయ పరీక్ష కావడం జాతీయ స్థాయిలో గట్టి పోటీ ఉండటంతో, ప్రాంతీయ భాషల్లో చదువుకుంటున్న విద్యార్ధులకు తీవ్ర విఘాతం కలుగుతోందని భావించిన సుప్రీంకోర్టు ప్రాంతీయ భాషల్లోనూ ప్రశ్నాపత్రాలను అందించాలని ఆదేశించింది. ఆ ఆదేశాల మేరకు ప్రాంతీయ భాషను ఎంచుకున్న వారికి అదే భాషలో ప్రశ్నాపత్రం ఇచ్చారు. కానీ గత ఏడాది తమిళం, తెలుగు, గుజరాతి భాషల్లో ప్రశ్నాపత్రం అనువాదం చేసినపుడు 180 ప్రశ్నల్లో 49 తప్పులు దొర్లాయని, వారికి వెయిటేజీ ఇవ్వాలని పరీక్షకు హాజరైన వారు డిమాండ్ చేశారు. న్యాయస్థానాలు సైతం వారి అభిప్రాయాన్ని సమర్ధించడంతో పెద్ద వివాదమే చెలరేగింది. ఈ పరిస్థితిని అధిగమించేందుకు ఈసారి ప్రాంతీయ భాషలను ఎంచుకున్న వారికి ఆయా భాషలతో పాటు ఆంగ్లంలోనూ ప్రశ్నాపత్రాన్ని అందుబాటులో ఉంచుతారు. ప్రాంతీయ భాషలో ఏదైనా ప్రశ్నలో స్పష్టత లేకపోతే దానిని ఆంగ్లంలో చదువుకుని సమాధానం రాయాల్సి ఉంటుంది. గతంలో సీబీఎస్‌ఈ ఈ పరీక్షను నిర్వహించగా, ఈ ఏడాది నుండి నేషనల్ టెస్టింగ్ ఏజన్సీ నిర్వహించబోతోంది. గత ఏడాది నీట్‌కు 13 లక్షల మంది అభ్యర్థులు రిజిస్టర్ చేసుకున్నారు. దాంతో ఒక్క మార్కు తేడాతో రెండు మూడు వేల ర్యాంకు మారిపోయే ప్రమాదం ఏర్పడింది. ప్రతి మార్కు చాలా కీలకం కావడంతో అభ్యర్ధులు ఎలాంటి ఇక్కట్లు పడరాదనే భావనతో నేషనల్ టెస్టింగ్ ఏజన్సీ ప్రాంతీయ భాషల్లో పరీక్ష రాసే వారికి సైతం ఆంగ్లంలో ప్రశ్నాపత్రాన్ని అందించాలని నిర్ణయించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.