రాష్ట్రీయం
హెచ్‌సియు పరిణామాలపై అసెంబ్లీలో కాంగ్రెస్, బిజెపి సంవాదం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 26: హైదరాబాద్ సెంట్రల్ యూనివర్సిటీ సంఘటనలో టిఆర్‌ఎస్ ప్రభుత్వం కేంద్రంలోని బిజెపితో కుమ్మక్కు అయిందని కాంగ్రెస్ ఎమ్మెల్యే సంపత్‌కుమార్ ఆరోపించారు. విద్యార్థుల ఉద్యమం ద్వారానే తెలంగాణ సాకారం అయిందని, అలాంటి దళిత విద్యార్థులకు సెంట్రల్ యూనివర్సిటీలో అన్యాయం జరిగితే ప్రభుత్వం దళితుల పక్షాన నిలబడుతుందని ఆశిస్తే అలా జరగలేదని బిజెపి ప్రభుత్వంతో కుమ్మక్కు అయ్యారని ఆరోపించారు. ఉస్మానియా యూనివర్సిటీ, హైదరాబాద్ సెంట్రల్ యూనివర్సిటీ సంఘటనలపై శనివారం శాసన సభలో హోంమంత్రి ప్రకటన చేసిన తరువాత కాంగ్రెస్ ఎమ్మెల్యే సంపత్‌కుమార్ మాట్లాడారు. ఉస్మానియాలో ఒక వ్యక్తి ఆత్మహత్యతో ఉద్రిక్త వాతావరణం నెలకొందని, ఆత్మహత్య చేసుకున్నది విద్యార్థి అనే అనుమానంతో వేలాది మంది విద్యార్థులు ఆందోళనకు దిగితే తాను పరిస్థితి చక్కదిద్దడానికి ప్రయత్నించినట్టు చెప్పారు. సెంట్రల్ యూనివర్సిటీ సంఘటనపై దేశవ్యాప్తంగా విస్తృత చర్చ జరిగిందని, రాహుల్‌గాంధీ రెండు సార్లు సందర్శించారని, కానీ రాష్ట్ర ప్రభుత్వం మాత్రం సరైన రీతిలో స్పందించలేదని సంపత్ విమర్శించారు. సంపత్‌కుమార్ సెంట్రల్ యూనివర్సిటీ సంఘటనపై టిఆర్‌ఎస్ ప్రభత్వాన్ని, కేంద్రంలోని బిజెపి ప్రభుత్వాన్ని విమర్శించడంతో బిజెపి ఎమ్మెల్యే ప్రభాకర్ దానికి సమాధానంగా కాంగ్రెస్‌పై విమర్శల దాడికి దిగారు. ఈ సందర్భంగా కాంగ్రెస్, బిజెపి, ఎంఐఎం సభ్యుల మధ్య వాగ్వివాదం జరిగింది. 12వందల మంది యువకులు, విద్యార్థులు ఆత్మహత్య చేసుకున్నా స్పందించని కాంగ్రెస్ జాతీయ నాయకులు సెంట్రల్ యూనివర్సిటీకి మాత్రం రెండుసార్లు వచ్చారని విమర్శించడంపై కాంగ్రెస్ సభ్యులు అభ్యంతరం వ్యక్తం చేశారు. సిఎల్‌పి ఉప నాయకుడు జీవన్‌రెడ్డి, వంశీచందర్‌రెడ్డి తదితరులు పోడియం వద్దకు వెళ్లి నినాదాలు చేశారు. దీంతో బిజెపి ఎమ్మెల్యేలు లక్ష్మణ్, చింతల రామచంద్రారెడ్డి లేచి కాంగ్రెస్ సభ్యులతో వాగ్వివాదానికి దిగారు. కాంగ్రెస్ సభ్యులు ఎన్ని విమర్శలు చేసినా తాము విన్నామని తమకు మాట్లాడే అవకాశం వచ్చినప్పుడు మధ్యలో జోక్యం చేసుకోవడం తగదని అభ్యంతరం వ్యక్తం చేశారు. భారత్‌మాతాకు జై అని నినదించే ప్రసక్తే లేదని ఒక ఎంపి అనడాన్ని ప్రభాకర్ ప్రస్తావించగా, ఎంఐఎం సభ్యులు ఒక్కసారిగా లేచి అభ్యంతరం వ్యక్తం చేశారు. ప్రభాకర్ ఎంఐఎం పేరు ఎత్తకుండా ఎన్‌కౌంటర్‌లో మరణించిన వారి అంత్యక్రియల ఊరేగింపులో పాల్గొన్న ప్రజాప్రతినిధులు అంటూ విమర్శలు చేశారు. కాంగ్రెస్, బిజెపి, ఎంఐఎం సభ్యులు పలు సందర్భాల్లో వాగ్వివాదానికి దిగారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.