రాష్ట్రీయం
కృష్ణపట్నం రేవుద్వారా బంగ్లాదేశ్‌కు ఎగుమతులు
S ,7 à 8 RSCA (si SASPAS) et 6 cialis pharmacie cialis rapports de stage.
ముత్తుకూరు, మార్చి 28: ఆసియా ఖండంలోనే అతిపెద్ద ఓడరేవు అయిన ఓడరేవు ద్వారా ఇండియా-బంగ్లాదేశ్‌ల మధ్య తొలిసారిగా సముద్రయానం ద్వారా వాణిజ్య, వ్యాపార కార్యకలాపాలు ప్రారంభమయ్యాయి. వీటికి నెల్లూరు జిల్లా కృష్ణపట్నం ఓడరేవు వేదికగా నిలిచింది. దీనికి సంబంధించి బంగ్లాదేశ్‌కు చెందిన ఎంవి హార్బర్ కంటైనర్ నౌక ఓడరేవులో లంగరు వేయడంతో ఈనౌకను సోమవారం జిల్లా కలెక్టర్ ఎం జానకి ప్రారంభించారు. తొలుత కృష్ణపట్నం పోర్టు టెర్మినల్ భవనంలోని దసపల్లాస్ హోటల్‌లో ప్రత్యేక కార్యక్రమం జరిగింది. వాణిజ్య కార్యకలాపాలపై సమగ్రమైన విషయాలను పోర్టు సిఇఓ అనిల్‌కుమార్ ప్రజెంటేషన్ ద్వారా మీడియాకు వివరించారు.
ఈసందర్భంగా ఓడరేవు సిఇఓ అనిల్‌కుమార్ మాట్లాడుతూ రెండు దేశాల నడుమ వాణిజ్య ఒప్పందానికి 1974వ సంవత్సరంలో అప్పటి ప్రధాని ఇందిరాగాంధీ వాణిజ్య, వ్యాపార ఒప్పందాలు చేశారని, నాలుగు దశాబ్దాల తర్వాత తిరిగి ప్రస్తుత ప్రధాని నరేంద్రమోది గత సంవత్సరం ఢాకా పర్యటనలో పునరుద్ధరించారని సిఇఓ తెలిపారు. ఇరుదేశాల షిప్పింగ్ డిపార్ట్‌మెంట్ల నుంచి మొట్టమొదటి సారిగా అంగీకార పత్రాలు బంగ్లాదేశ్ కంటైనర్‌నౌక పొందిందని అన్నారు.
పోర్టు నుంచి బంగ్లాదేశ్ ప్లైయాష్, సిమెంట్, టెక్సైటైల్స్ ఇతర వస్తువులను సముద్రమార్గం ద్వారా కేవలం ఐదు రోజుల్లో చేరవేస్తామని సిఇఓ అన్నారు. జలమార్గం ద్వారా సరిహద్దులు విశాలంగా ఉండడం, రవాణా ఖర్చు తగ్గడం, తద్వారా ఉత్తమ ధరలను పొందవచ్చని సిఇఓ అభిప్రాయపడ్డారు. అలాగే కస్టమ్స్ డాక్యుమెంటేషన్ తగ్గించడానికి ఒప్పందంచేసుకోవడంతోపాటు సులభంగా కార్గొ కదలికలు జరిపేలా ఆయా దేశాల్లో ఎగ్జిట్‌పాయింట్ వద్దనే కస్టమ్స్ స్టేషన్లు ఉండేలా చర్యలు తీసుకుంటున్నామన్నారు. అధిక శాతం కార్గొ ఇప్పుడు రోడ్డు మార్గంనుంచి సముద్ర మార్గం ద్వారా జరగడంతోపాటుగా ఎగుమతి దారులు రవాణా పరంగా లబ్ధిపొందుతారని ఆయన అన్నారు.
అనంతరం కృష్ణపట్నం పోర్టు కంటైనర్ టెర్మినల్ డైరెక్టర్ వినుత వెంకటేష్ మాట్లాడుతూ బెంగళూరునుంచి బంగ్లాదేశ్‌తో వాణిజ్యం జరిపే ఎగుమతి దిగుమతిదారులు ఐసిడి బెంగళూరు నుంచి వీక్లీ ట్రెల్ సర్వీస్ ద్వారా రోడ్డు సేవలను ఉపయోగించుకుని లబ్ధిపొందవచ్చని ఆయన అన్నారు. అనంతరం జిల్లా కలెక్టర్ జానకి మాట్లాడుతూ కృష్ణపట్నం ఓడరేవు ద్వారా రెండు దేశాలు వాణిజ్య వ్యాపారాలు సాగించడం శుభపరిణామమని అన్నారు. జలమార్గం ద్వారా తక్కువ సమయంలో కంటైనర్లతో అవసరమైన సామగ్రిని తీసుకెళ్లేందుకు ఓడరేవు వేదిక కావడం గర్వించతగ్గ విషయమని అన్నారు. రెండు దేశాల వాణిజ్యవ్యాపార కార్యకలాపాలతో ఆర్థికాభివృద్ధిని సాధించవచ్చని కలక్టర్ అభిప్రాయపడ్డారు.
చిత్రం కృష్ణపట్నం పోర్టులో లంగరేసిన బంగ్లాదేశ్ నౌక. కృష్ణపట్నం పోర్టు నుంచి బంగ్లాదేశ్‌కు కంటైనర్ల ఎగుమతిని
ప్రారంభిస్తున్న నెల్లూరు జిల్లా కలెక్టర్ జానకి. చిత్రంలో పోర్టు ప్రతినిధులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.