రాష్ట్రీయం
ఖమ్మం ఎమ్మెల్యేలే టార్గెట్
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, డిసెంబర్ 17: అసెంబ్లీ ఎన్నికల్లో రాష్ట్ర వ్యాప్తంగా కాంగ్రెస్ పార్టీ 19 స్థానాల్లో విజయం సాధించగా అందులో 6 స్థానాలు ఉమ్మడి ఖమ్మం జిల్లాలో గెలిచినవే. 12 మంది కాంగ్రెస్ శాసనసభ్యులు తమ పార్టీలో చేరేందుకు ఆసక్తి చూపుతున్నారని చేసిన రాష్ట్ర ముఖ్యమంత్రి చంద్రశేఖర్‌రావు చేసిన ప్రకటనతో ఖమ్మం జిల్లాలో గెలిచిన శాసన సభ్యులపై అందరి దృష్టి పడింది. రాష్ట్రంలోని అన్ని జిల్లాలకు భిన్నంగా ఉమ్మడి ఖమ్మం జిల్లాలో 6 స్థానాల్లో కాంగ్రెస్, 2 స్థానాల్లో తెలుగుదేశం పార్టీలు విజయం సాధించాయి. ఇంకో స్థానంలో స్వతంత్ర అభ్యర్థి విజయం సాధించి తాజాగా టీఆర్‌ఎస్‌లో చేరగా మరో స్థానం టీఆర్‌ఎస్ ఖాతాలో పడింది.
వైరా నియోజకవర్గంలో గెలిచిన స్వతంత్ర అభ్యర్థి రాములునాయక్ వెంటనే టీఆర్‌ఎస్‌లో చేరడంతో కూటమి తరఫున గెలిచిన 8 మంది అభ్యర్థులపై అందరి దృష్టి పడింది. ముఖ్యమంత్రి కేసీఆర్ ఏకంగా 12 మంది తమ పార్టీలో చేరేందుకు ఆసక్తి చూపుతున్నారని ప్రకటించిన నేపథ్యంలో జిల్లాలో కాంగ్రెస్ పార్టీ అభ్యర్థులుగా గెలిచిన ఆరుగురి వైఖరిపై ఆంద్పుళన కూడా వ్యక్తమవుతోంది. ఈ క్రమంలో పాలేరులో గెలిచిన కందాల ఉపేందర్‌రెడ్డి, కొత్తగూడెంలో గెలిచిన వనమా వెంకటేశ్వరరావు, భద్రాచలంలో గెలిచిన పొడెం వీరయ్య తాము ఏ పార్టీలో చేరేది లేదని, కాంగ్రెస్ పార్టీలోనే కొనసాగుతామని, సామాజిక మాధ్యమాల్లో తమపై వస్తున్న ఆరోపణలను తీవ్రంగా ఖండిస్తున్నామని ప్రకటనలు చేశారు. కానీ పినపాకలో గెలిచిన రేగా కాంతారావు, ఇల్లెందులో గెలిచిన బాణోత్ హరిప్రియ ఎటువంటి ప్రకటన చేయలేదు.
మధిరలో గెలిచిన మల్లు భట్టివిక్రమార్క ఆ పార్టీ ప్రచార కమిటీ చైర్మన్‌గా పనిచేయడమే కాకుండా రాష్ట్ర పార్టీ వర్కింగ్ ప్రెసిడెంట్‌గా కొనసాగుతున్నారు. కేసీఆర్ ప్రకటన ద్వారా టీఆర్‌ఎస్ నేతలు మైండ్ గేమ్ ఆడుతున్నారని కాంగ్రెస్ నేతలు చెప్పుకొస్తున్నప్పటికీ టీఆర్‌ఎస్ నేతలతో కొందరు ఎమ్మెల్యేలు టచ్‌లోనే ఉన్నారని ప్రచారం జరుగుతోంది. టీఆర్‌ఎస్ నేతలతో పాటు కొందరు కాంగ్రెస్ పెద్దలు కూడా కాంగ్రెస్‌లో ఉండి ఏమీ చేయలేమని, ప్రజలు టీఆర్‌ఎస్‌కు అత్యధిక స్థానాలు ఇవ్వడంతో ఒకరిద్దరు కాంగ్రెస్‌లో ఉండి చేసేదేమి లేదని వ్యాఖ్యానిస్తుండటం కేసీఆర్ మాటలకు ఊతమిస్తోంది. శాసనసభ్యుల ప్రమాణ స్వీకారం లోపే వీరంతా టీఆర్‌ఎస్‌లో చేరతారని వస్తున్న ప్రచారాన్ని పెద్దగా ఖండిస్తున్న నేతలు కూడా లేరు. ఈ క్రమంలో ఈ నెల 19వ తేదీన ఖమ్మం జిల్లాలో గెలిచిన కాంగ్రెస్ శాసనసభ్యులతో హైదరాబాద్‌లో సమావేశం కూడా ఏర్పాటు చేశారు. ఆ తరువాత రాష్ట్ర వ్యాప్తంగా కాంగ్రెస్ పార్టీ తరఫున విజయం సాధించిన వారిలో మూడో వంతు ఒకేసారి కేసీఆర్ వద్దకు చేరతారని ప్రచారం జరుగుతున్న నేపథ్యంలో తమ సభ్యులను కాపాడుకునే బాధ్యతను జిల్లాకే చెందిన పార్టీ వర్కింగ్ ప్రెసిడెంట్ మల్లు భట్టివిక్రమార్కకు అప్పగించినట్లు తెలుస్తోంది. అంతేకాకుండా తమ శాసనసభ్యుల వ్యవహార శైలిపై నిఘా పెట్టినట్లు సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.