రాష్ట్రీయం
రైతుబంధు పథకం భేష్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 19: తెలంగాణ ప్రభుత్వం రైతాంగం కోసం చేపట్టిన రైతుబంధు పథకం రైతుకు భరోసా ఇచ్చే విధంగా ఉందని ప్రముఖ గాంధేయవాది, సామాజిక ఉద్యమకారుడు అన్నాహజారే ప్రశంసల వర్షం కురిపించారు. శనివారం హైదరాబాద్ హెచ్‌ఐసీసీలో తెలంగాణ జాగృతి ఆధ్వర్యంలో ఏర్పాటు చేసిన అంతర్జాతీయ యువజన నాయకత్వ సదస్సులో ఆయన పాల్గొన్నారు. తెలంగాణ ప్రభుత్వం రైతుబంధు పథకాన్ని ప్రతిష్టాత్మకంగా చేపట్టడం పట్ల ఆయన అభినందించారు. రైతుబంధు పథకం రైతుల పాలిట ఆశాదీపం అని కొనియాడారు. రైతులకు ఇలాంటి పథకాలు అవసరమని, దేశంలో ప్రతి రాష్ట్రంలో ఇలాంటి పథకాలు రావాలని ఆకాంక్షించారు. కేంద్రం కూడా దీనిపై ఆలోచన చేయాలని హజారే సూచించారు. సమర్థ నాయకత్వం ఉన్నప్పుడే రైతులకు మేలు జరుగుతుందని ఆయన అన్నారు. కేంద్రానికి వ్యాపారులపై ఉన్న శ్రద్ధ రైతులపై లేదని ఆయన విమర్శించారు. రైతులు ఆత్మహత్యలకు పాల్పడుతుంటే కేంద్రం పట్టించుకోవడం లేదని ధ్వజమెత్తారు. స్వామినాథన్ కమిషన్ సిఫార్సులే అమలు చేస్తున్నామని కేంద్రం అబద్ధాలు చెబుతోందని ఆయన విరుచుకుపడ్డారు. వ్యవసాయ అభివృద్ధి సాగునీటి ప్రణాళిక, పంటల ప్రణాళిక, మార్కెటింగ్ సదుపాయాలు కల్పించాలని అప్పుడే రైతు బాగుపడతాడని ఆయన స్పష్టం చేశారు. కేంద్రంలో ఉన్న బీజేపీ ప్రభుత్వం రైతులను పట్టించేకునే పరిస్థితుల్లో లేదని ఆయన ఆవేదన వ్యక్తం చేశారు.
లోక్‌పాల్, లోకాయుక్తపై మరోసారి ఉద్యమం
లోక్‌పాల్, లోకాయుక్తను చట్టరూపంలోకి తీసుకురావడంలో కేంద్ర ప్రభుత్వం జాప్యం చేస్తోందని ప్రముఖ గాంధేయవాది, సామాజికవేత్త అన్నాహ జారే ఆగ్రహం వ్యక్తం చేశారు. కేంద్ర ప్రభుత్వ తీరుకు నిరసగా ఈనెల 30వ తేదీ నుంచి తన స్వగ్రామం రాలేగావ్ సిద్ధిలో నిరాహార దీక్షలు చేపట్టనున్నట్లు ప్రకటించారు. శనివారం ఇక్కడ విలేఖరులతో మాట్లాడుతూ నిజామాబాద్ పార్లమెంట్ సభ్యురాలు కవిత నేతృత్వంలో జరుగుతున్న సదస్సులో పాల్గొనడానకి హైదనాబాద్ వచ్చానని చెప్పారు. 2013లో లోక్‌పాల్, లోకాయుక్త చట్టాల అంశాలు ప్రతిపాదనకు వచ్చాయన్నారు. ఆనాడు తాను అధికారంలోకి వచ్చిన వెంటనే లోక్‌పాల్, లోకాయుక్తలకు చట్టబద్ధత కల్పిస్తానని బీజేపీ ప్రధాని అభ్యర్థి నరేంద్రమోదీ హామీ ఇచ్చారని హజారే గుర్తుచేశారు. అదే ఏడాది మోదీ ప్రభుత్వం అధికారంలోకి వచ్చిందని, దీంతో లోక్‌పాల్, లోకాయుక్తపై ముందడుగు పడుతుందని ఆశించానని ఆయన అన్నారు. తీరా నాలుగున్నరేళ్లు గడిచినా ఎక్కడ వేసిన గొంగళి అన్నట్టే ఉందని హజారే విమర్శించారు. అందుకే మరోసారి ఉద్యమం తప్పదన్నా రు. తెలంగాణ జాగృతి ఆధ్వర్యంలో హెచ్‌ఐసీసీలో ఏర్పాటు చేసిన అంతర్జాతీయ యువజన నాయకత్వ సదస్సుకు ఆయన హాజరయ్యారు.
చిత్రం..అన్నా హజారే
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.