రాష్ట్రీయం
పాఠశాలలో బ్యాలెట్ పత్రాలు ప్రత్యక్షం
S ,7 à 8 RSCA (si SASPAS) et 6 cialis pharmacie cialis rapports de stage.
మోతె: మండల పరిధిలోని హుస్సేనాబాద్ ప్రాథమిక ఉన్నత పాఠశాల్లో నిన్న జరిగిన పంచాయతీ ఎన్నికల బ్యాలెట్ పత్రాలు బయట పడిన సంఘటన కలకలం రేపింది. పోలీసులు, అధికారులు తెలిపిన వివరాల ప్రకారం మొదటి విడత గ్రామ పంచాయతీ ఎన్నికల్లో భాగంగా సోమవారం నిర్వహించిన పోలింగ్ ప్రశాంతంగా ముగిసింది. ఇంతలోనే మంగళవారం ఉదయం బ్యాలెట్ పత్రాలు పాఠశాల ఆవరణలో కనబడటంతో స్థానికంగా కలకలం రేపింది. పాఠశాల సమయానికి వచ్చిన ఉపాధ్యాయులు స్వీపర్‌తో గదులను శుభ్రం చేయించి వారి పనిలో నిమగ్నమయ్యారు. అదే గ్రామానికి చెందిన ఓ వ్యక్తి పాఠశాల పక్కనే ఉన్న వ్యవసాయ కూలీలను పిలవడానికి వచ్చి వెళ్తుండగా పాఠశాల బయటి ఆవరణలో బ్యాలెట్ పత్రాలు చూసి ఒక్కసారిగా ఆశ్చర్యపోయి వాటిని తీసుకుని టీఆర్‌ఎస్ బలపరిచిన అభ్యర్థి ఇంటికి వెళ్లి ఇచ్చారు. దీంతో వారు వాటిని పార్టీ నాయకుల సాయంతో ఎన్నికల లెక్కింపులో తమకు అన్యాయం జరిగిందని భావించి స్థానిక ఎమ్మెల్యే బొల్లం మల్లయ్యయాదవ్ వద్దకు తీసుకెళ్తామని చెప్పారు. ఇంతలోనే సోమవారం ముగిసిన ఎన్నికల్లో గెలిచిన అభ్యర్థి ఊరేగింపుగా రావడంతో స్వల్ప ఉద్రిక్తత నెలకొంది. దీంతో స్థానిక ఎస్‌ఐ సంతోష్‌కుమార్ బందోబస్తులో వెళ్లి పరిస్థితిని చక్కదిద్దారు. ఈ విషయంలో అధికారులకు తెలపడంతో హుటాహుటిన సూర్యాపేట ఆర్డీవో మోహన్‌రావు తన సిబ్బందితో పాఠశాలకు చేరుకున్నారు. పాఠశాల ఆవరణను పరిశీలించి స్వీపర్, ఉపాధ్యాయులను సీఐ శివశంకర్ ఆధ్వర్యంలో విచారించి వారిని అడిగి తెలుసుకున్నారు. బ్యాలెట్ పత్రాల కోసం సీఐ పోలీసుల సాయంతో ఆ వ్యక్తిని తీసుకురాగానే అతని దగ్గర ఉన్న బ్యాలెట్ పత్రాలను తీసుకుని విచారించారు. ఈసందర్భంగా 73 సర్పంచ్ బ్యాలెట్ పత్రాలు తీసుకుని స్టేజీ-2 అధికారి సమక్షంలో విచారించగా అవి 22 పోలింగ్ స్టేషన్‌కు సంబంధించినవే నని తేలడంతో వాటిని గుర్తుల వారీగా లెక్కించారు. వీటిలో నోటాకు 21, బ్యాట్ గుర్తుకు 42, కత్తెరకు 5, విమానం గుర్తుకు 2, కప్పు సాసర్ గుర్తుకు 3గా విభజించి వాటిని భద్రపరిచారు. ఈ సందర్భంగా ఆర్డీవో మాట్లాడుతూ పోలింగ్ సిబ్బంది నిర్లక్ష్యంతోనే అవి లెక్కించిన బ్యాలెట్ పత్రాలే అక్కడ పడిపోవడంతో ఈ సంఘటన జరిగిందన్నారు.
దీనికి బాధ్యులైన స్టేజీ-2 అధికారిపై క్రమశిక్షణ చర్యలు తీసుకుంటామన్నారు. అలాగే బ్యాలెట్ పత్రాలు బయటకు తీసుకెళ్లిన వ్యక్తులపై కూడా చట్టపరమైన చర్యలు తీసుకుంటామన్నారు. ఈ నివేదికను కలెక్టర్ అందజేస్తామని వారు తెలిపారు. ఈ విచారణలో తహశీల్దార్ సరస్వతి, ఎంపీడీవో శివశంకర్, డీఆర్వో రాజారావు, ఎస్‌ఐ సంతోష్‌కుమార్, సూపరింటెండెంట్ వెంకటాచారి, రెవెన్యూ, పోలీసు సిబ్బంది, ఉపాధ్యాయులతోపాటు టీఆర్‌ఎస్ బలపరిచిన అభ్యర్థి కట్కూరి ఉష తదితరులు పాల్గొన్నారు.
చిత్రాలు.. హుస్సేనాబాద్‌లో విచారణ జరపుతున్న సూర్యాపేట ఆర్డీవో మోహన్‌రావు...
*లభ్యమైన బ్యాలెట్ పత్రాలను లెక్కిస్తున్న అధికారులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.