రాష్ట్రీయం
రైతు ఆత్మహత్యల వివరాలివ్వండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 31: తెలంగాణ, ఆంధ్రప్రదేశ్ రాష్ట్రాల్లో రైతుల ఆత్మహత్యలపై గురువారం హైకోర్టులో విచారణ జరిగింది. హైకోర్టు తాత్కాలిక ప్రధాన న్యాయమూర్తి జస్టిస్ దిలీప్ బి.్భసలే, జస్టిస్ పి.నవీన్‌రావుతో కూడిన డివిజన్ బెంచ్ ఈ కేసుపై విచారణ నిర్వహించింది. పంట నష్టం కారణంగా పంట రుణాలను ప్రభుత్వాలకు తిరిగి చెల్లించలేక ఆత్మహత్యలు చేసుకున్న రైతుల వివరాలను సమర్పించాలని పిటీషనర్లను అడిగింది. వ్యవసాయ జనచైతన్య సమితి, పాకాల శ్రీహరిరావు, ప్రొఫెసర్ కోదండరామ్ తదితరులు విడివిడిగా దాఖలు చేసిన పిటీషన్లపై విచారణ చేపట్టిన హైకోర్టు రైతుల ఆత్మహత్యల వివరాలను అందించాలని కోరింది. అలాగే తెలంగాణ ప్రభుత్వ ప్రత్యేక న్యాయవాది శరత్‌కుమార్‌ను కూడా ప్రభుత్వం అందించే ప్రయోజనాలు అందక రైతులు ఆత్మహత్యలు చేసుకున్న వివరాలను సమర్పించాలని ఆదేశించింది. ఒక పిటీషనర్ తరఫు న్యాయవాది మాట్లాడుతూ రెండు ప్రభుత్వాలు రాష్ట్ర స్థాయి రైతు కమిషన్‌ను ఏర్పాటు చేయడంలో విఫలమయ్యాయని తెలిపారు. బాధిత రైతాంగానికి తగిన న్యాయం చేయడానికి తమ వంతు కృషి చేస్తున్నామని బెంచ్ తెలియజేస్తూ, అలాగే ప్రభుత్వాలు కూడా ఈ సమస్యను పరిష్కరించేందుకు కృషి చేస్తున్నాయని తెలిపింది. కలెక్టర్లు తగిన నివేదికలను తయారు చేస్తున్నందున తమకు కొంత సమయం కావాలని ప్రభుత్వ న్యాయవాది శరత్ కోరడంతో ఈ కేసు విచారణను మరో రెండు వారాలకు వాయిదా వేసింది.
మరో ఇద్దరు
రైతుల ఆత్మహత్య
మల్దకల్, చేగుంట, మార్చి 31: మహబూబ్‌నగర్, మెదక్ జిల్లాల్లో అప్పుల బాధతో మరో ఇద్దరు రైతులు ఆత్మహత్య చేసుకున్నారు. మహబూబ్‌నగర్ జిల్లా మల్దకల్ మండలం మద్దెలబండ గ్రామానికి చెందిన రైతు కుర్వ ఆంజనేయులు (37) ఒంటిపై కిరోసిన్ పోసుకుని ఆత్మహత్య చేసుకొన్నాడు. మెదక్ జిల్లా చేగుంట మండలం వల్లూర్ గ్రామానికి చెందిన పల్లిబాగి బాల్‌రాజ్ (30) అనే రైతు ఉరివేసుకొని ఆత్మహత్య చేసుకొన్నాడు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.