రాష్ట్రీయం
మోదీ ఏం చేస్తున్నారో..
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ఫిబ్రవరి 10: దేశ ప్రధాని నరేంద్రమోదీ ఏమీ చేస్తున్నారో భగవంతుడికీ అర్ధం కావడం లేదని రాజ్యసభ సభ్యుడు డాక్టర్ టి.సుబ్బరామిరెడ్డి అన్నారు. స్వగృహంలో ఆదివారం నిర్వహించిన విలేఖరుల సమావేశంలో ఆయన మాట్లాడుతూ అన్ని రాజకీయపార్టీలు కోరిన మీదటే ఆంధ్ర రాష్ట్రాన్ని అప్పటి కాంగ్రెస్ ప్రభుత్వం విభజించిందన్నారు. రాష్ట్ర విభజనకు బీజేపీ తన పూర్తిమద్దతు ఇచ్చిందన్నారు.
అటువంటిది కాంగ్రెస్ పార్టీ అపవాదును ఎదుర్కొంటుందన్నారు. ఏపీని విభజించిన తదుపరి విభజన చట్టంలో పేర్కొన్న విధంగా హామీలు నెరవేర్చాల్సి ఉందన్నారు. అటువంటిది ఏపీకి ప్రత్యేక హోదాను ఎందుకు ఇవ్వ డం లేదో అర్ధం కావడం లేదని ఆయన ఆశ్చర్యం వ్యక్తం చేశారు. తిరుపతి ఎన్నికల సభలో మోదీ ఇచ్చిన హామీలు ఏమయ్యాయని ప్రశ్నించారు. అదే కాంగ్రెస్ అధికారంలోకి వస్తే రాజధాని నిర్మా ణం అద్భుతంగా ఉండేదని, అభివృద్ధి బాగుండేదన్నారు. ఎన్నికల్లో సైతం ఈ విషయాన్ని కాంగ్రెస్ చెప్పిందని, రాజధాని నిర్మాణానికి అన్ని సదుపాయాలు కల్పించడం, పోలవరం ప్రాజెక్టును పూర్తి గా భరించడం, లోట్ బడ్జెట్‌ను సైతం కేంద్రం భరించే విధంగా చర్యలు తీసుకుంటామని హామీ ఇచ్చిందని, రాయలసీమకు రాయితీలు కల్పిస్తామంటూ కాంగ్రెస్ చెప్పిందన్నారు. ఉత్తరాఖండ్, బీహా ర్, జార్ఘండ్, మధ్యప్రదేశ్‌లో రాష్ట్ర విభజన జరిగినప్పుడు కల్పించిన సదుపాయాలు ఇక్కడ లేకుండా పోయాయన్నారు. కేంద్రంలో కాంగ్రెస్ పార్టీ అధికారంలోకి లేకపోవడం వలనే కష్టాలు ఎదుర్కోవాల్సి వస్తోందన్నారు. ఏపీకి జరుగుతున్న అన్యాయంపై ఢిల్లీలో ముఖ్యమంత్రి చంద్రబాబు పాల్గొనే ధర్మపోరాట దీక్షకు మద్దతు ఇస్తున్నట్టు చెప్పారు. ప్రతి తెలుగు పౌరుడు దీనిని బలపరుస్తారన్నారు. బీజేపీ ప్రభుత్వం ఏపీని అన్నివిధాలా ఆదుకోవాలన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.