రాష్ట్రీయం
పోలవరం గడువు పెంపు?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 2: ఆంధ్రప్రదేశ్‌లో చేపట్టిన పోలవరం ప్రాజెక్టు నిర్మాణం గడువు పొడిగించేందుకు కేంద్రం సుముఖంగా ఉంది. దీన్ని జాతీయ ప్రాజెక్టుగా కేంద్రం ఇప్పటికే గుర్తించి కొంతమేరకు నిధులు కేటాయిస్తోంది. ఈ ప్రాజెక్టు నిర్మాణ పనుల తీరును సమీక్షించేందుకు ఎపి ముఖ్యమంత్రి చంద్రబాబు నాయుడిని ఇక్కడికి ఆహ్వానిస్తున్నట్లు కేంద్ర జల వనరుల శాఖ మంత్రి ఉమా భారతి శనివారం విలేఖరులకు తెలిపారు. ఆయనతో సమీక్ష జరిపిన అనంతరం పోలవరం ప్రాజెక్టు నిర్మాణ గడువును పెంచే ప్రతిపాదనకు తుదిరూపం ఇస్తామని ఆమె చెప్పారు. నిర్ణీత గడువులోగా దీన్ని పూర్తి చేయాలంటే కొన్ని ఇబ్బందులు ఎదురవుతున్నాయని, ఇప్పటికే ప్రాజెక్టు నిర్మాణానికి కేంద్రం 500 కోట్ల రూపాయలు ఇచ్చిందని, మరో 1,600 కోట్లు కేటాయించాలని కోరుతూ ‘నీతి ఆయోగ్’కు లేఖ రాసినట్లు ఉమాభారతి వివరించారు. ఈ ప్రాజెక్టుకు నిధుల కేటాయింపు తీరు అసంతృప్తికరంగానే ఉందని ఆమె అంగీకరించారు. ఇకపై నిధుల కొరత లేకుండా ఎప్పటికప్పుడు చర్యలు తీసుకుంటామన్నారు. పనుల తీరు చూస్తుంటే ప్రాజెక్టు నిర్మాణం గడువును పెంచకతప్పదని ఆమె అభిప్రాయపడ్డారు. ఇలా గడువు పెంచడం వ్యక్తిగతంగా తనకు ఇష్టం లేకున్నా, అనివార్య కారణాల వల్ల ‘డెడ్‌లైన్’ను కొంతమేరకైనా పెంచక తప్పదన్నారు.
‘పోలవరం ప్రాజెక్టు అథారిటీ’ని కేంద్ర ప్రభుత్వం ఏర్పాటు చేసినా పనుల బాధ్యతను ఎపి ప్రభుత్వం చూస్తోంది గనుక ముఖ్యమంత్రి చంద్రబాబు ఇక్కడికి వచ్చినపుడు అన్ని విషయాలను స్వయంగా తెలుసుకుంటానని ఆమె చెప్పారు. ఇది ఎపికే కాదు, దేశానికి సంబంధించిన బృహత్తర సాగునీటి ప్రాజెక్టు అని ఆమె అభివర్ణించారు. ఎపి ప్రభుత్వానికి అవసరమైన సహాయ సహకారాలు అందిస్తూ ప్రాజెక్టును పూర్తిచేసేందుకు కేంద్రం సిద్ధంగా ఉందన్నారు. ‘సాగునీటి ప్రాజెక్టులు సకాలంలో పూర్తిచేస్తే ప్రోత్సాహకాలు ఇవ్వనున్నట్లు కేంద్రం ప్రకటించిందని, నదుల అనుసంధానంతో పట్టిసీమ ప్రాజెక్టును పూర్తిచేసిన ఎపి ప్రభుత్వానికి ఎలాంటి ప్రోత్సాహకాలు ఇస్తారు?’ అని విలేఖరులు ప్రశ్నించగా- ఆ ప్రాజెక్టు ప్రోత్సాహకాల పరిధిలోకి రాదని ఉమాభారతి బదులిచ్చారు. ‘ఆక్సిలరేటెడ్ ఇరిగేషన్ బెనిఫిట్ ప్రోగ్రాం’కు సంబంధించిన సాగునీటి పథకాలను సకాలంలో పూర్తిచేస్తేనే ప్రోత్సాహకాలు ఇస్తామన్నారు. కాగా, పోలవరం ప్రాజెక్టు 2018లోగా పూర్తి కావల్సి ఉందని, అయితే ఎంతమేరకు గడువు ఇస్తామన్న విషయాన్ని ఇప్పుడే ఖచ్చితంగా చెప్పలేనని ఉమాభారతి అన్నారు.
చిత్రం ఢిల్లీలో విలేఖరులతో మాట్లాడుతున్న ఉమాభారతి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.