రాష్ట్రీయం
అరుదైన జాతీయ జెండా!
S ,7 à 8 RSCA (si SASPAS) et 6 cialis pharmacie cialis rapports de stage.
ఆచంట, ఫిబ్రవరి 17: మన ఆంధ్రుడు పింగళి వెంకయ్య రూపొందించిన జాతీయ జెండాతో నాడు భారతమాత ఉప్పొంగిపోయింది. కోట్లాది ప్రజల గుండెల్లోనే చిరస్థాయిగా నిలిచి, దేశ రాజధాని ఢిల్లీ ఎర్రకోటపై రెపరెపలాడే జాతీయ జెండాను కుట్టు, అతుకు లేకుండా పూర్తిగా చేనేత మగ్గంపైనే అరుదైన రీతిలో రూపొందించాడు ఒక చేనేత కార్మికుడు. పట్టుదారాలతో రేయింబవళ్లు శ్రమించి రూపొందించిన ఈ జెండా ప్రధాని చేతుల మీదుగా ఆవిష్కృతమై, ఎర్రజెండాపై ఎగరాలని పశ్చిమ గోదావరి జిల్లా ఆచంట మండలం ఎ.వేమవరం గ్రామానికి చెందిన జెండా రూపశిల్పి రుద్రాక్షల సత్యనారాయణ కోరుకుంటున్నాడు. పుట్టింది పేద కుటుంబంలో అయినా దేశభక్తిని మనస్సు నిండా నింపుకుని జాతీయ జెండాను రూపొందించడం ప్రారంభించాడు. గతంలో చిన్నమగ్గంపై చిన్న జెండాను 4-6 అడుగుల సైజులో పట్టుదారాలతో అతుకులు, కుట్లు లేకుండా అశోక చక్రంలో 24 రేఖలు వచ్చేటట్టుగా జెండాను రూపొందించాడు. నిబంధనల ప్రకారం ఈ జెండా ఢిల్లీలో ఎర్రకోటపై ఎగురవేయడానికి సైజు సరిపోదని తెలియడంతో నిరాశపడ్డాడు. అయినా పట్టువదలని విక్రమార్కుడిలా ఎర్రకోటపై ఎగురవేసే స్థాయిలో 8-12 అడుగుల జాతీయ జెండాను రూపొందించాలని నడుం బిగించాడు. ఈ జెండా రూపకల్పనకు సుమారు రూ.2లక్షలు అవసరం కావడంతో ఆచంట నియోజకవర్గ వైసీపీ సమన్వయకర్త చెరకువాడ శ్రీరంగనాధరాజు ఆర్థిక సాయం అందించారు. దీనితో సుత్యనారాయణ పని కొంత సులువైంది. ఆ సైజు జెండా నేయడానికి ప్రస్తుతం ఉన్న మగ్గాల సైజు సరిపోకపోవడంతో పురాతనకాలంలో నేసే 10 అడుగుల మగ్గం సంపాదించాడు. ముందుగా గ్రాఫ్ గీసుకుని, దానిపై ఈ జెండాను నేయడం ప్రారంభించాడు. మూడు రంగులు, 24 రేకలు ఉండేవిధంగా 2400 పట్టుదారాలతో, చేనేతలోనే అద్భుతమైన జాంధాని, పైసాని వర్క్‌లతో జెండాను తయారుచేశాడు. ఈ జెండా లోపలి ధర్మచక్రం ఎంతోకాంతివంతంగా కనిపించడం విశేషం. సుమారు అయిదు నెలలుగా జెండాను రూపొందిస్తున్న సత్యనారాయణకు భార్య అమరావతి, బావ తమ్మామోహనరావు, గుడిమెట్ల రామలింగం సహకరించారు. ఆదివారం నాటికి పూర్తిస్థాయిలో రూపుదిద్దుకున్న ఈ జెండా సుమారు కిలో బరువు ఉంది.దేశంలో ప్రజలు ఐకమత్యంతో ఉండాలన్న ఉద్దేశ్యంతో అశోకచక్రంతోకూడిన జాతీయ జెండాను రూపొందించానని రుద్రాక్షల ‘ఆంధ్రభూమి’కి తెలిపారు. నేతపనిలో గుండ్రం గా రావడం జరగదని, కానీ గుండ్రంగా అశోకచక్రం ఎటువంటి వంకరలు లేకుండా రావడం ఈజెండా ప్రత్యేకత అని తెలిపారు. ఈ జెండా తయారీ విషయం నర్సాపురం పార్లమెంట్ సభ్యులు గోకరాజు గంగారాజు ద్వారా కేంద ప్రభుత్వం దృష్టికి వెళ్ళిందని, త్వరలోనే ఎర్రకోటపై ఈజెండా ఎగురగలదన్న ఆశాభావాన్ని సత్యనారాయణతోపాటు ఆచంట నియోజకవర్గ ప్రజలు వ్యక్తం చేస్తున్నారు.
చిత్రాలు.. మగ్గంపై పట్టుదారాలతో నేసిన జాతీయ జెండా నేసిన రుద్రాక్షల సత్యనారాయణ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.