రాష్ట్రీయం
ఆంధ్రాలోనే అవినీతి ఎక్కువ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: దేశంలోనే అత్యంత అవినీతి ఆంధ్రాలో జరుగుతోందని తెలంగాణ పశుసంవర్థక మంత్రి తలసాని శ్రీనివాస్ యాదవ్ ఆరోపించారు. శనివారం ఆయన పాత్రికేయులతో మాట్లాడుతూ ఐటీ గ్రిడ్ సంస్థ తనదేనని చంద్రబాబు నాయుడు చెబుతున్నారని, మా ఆఫీసుకు మీ పోలీసులు ఎలా వస్తారని ప్రశ్నిస్తున్నారని ఎద్దేవా చేశారు. ఢిల్లీలో ఒక రాజకీయ పార్టీ ఈసీకి ఫిర్యాదు చేస్తే అక్కడి నుండే కుట్ర వ్యవహారం వెలుగు చూసిందని అన్నారు. డేటా చోరీ కాలేదని ఒక రోజు, ప్రభుత్వ డాటా మాత్రమేనని ఇంకోరోజు, చోరీ అయ్యిందని మరోరోజు చంద్రబాబు చెబుతున్నారని ఆరు కంటైనర్లతో సామగ్రీ ఇటలీ నుండి వస్తే హైదరాబాద్‌లో ఇళ్లు కట్టిన చంద్రబాబు సత్యహరిచంద్రుడిలా మాట్లాడుతున్నారని ఆరోపించారు. చంద్రబాబు అమ్మా, నాన్నలకు హైదరాబాద్ తెలీదని అన్నారు. చంద్రబాబూ, లోకేష్‌లు 420 లా అడ్డంగా దొరికి ఇపుడు మళ్లీ ఆత్మగౌరవం అంటూ మాట్లాడుతున్నారని, తప్పించుకోవడానికి రోజుకో మాట మాట్లాడితే ఎవరూ నమ్మబోరని పేర్కొన్నారు. చంద్రబాబు ఆత్మగౌరవం గంగలో కలిసిందని అన్నారు. ఐదుగురు సభ్యులున్న కుటుంబం ఆస్తి రూ.1600 కోట్లు చూపించారని, మనువడు పుట్టి పుట్టగానే 85 కోట్లు చూపిస్తే దేశానికి ఏ రకమైన మార్గాన్ని చంద్రబాబు చూపిస్తున్నారని నిలదీశారు. ఎస్పీల దగ్గరకి వెళ్లి మంత్రులు కేసులు పెట్టడం ఎక్కడా చూడలేదని, ఐటీ సృష్టించిందీ, మొబైల్ కనిపెట్టిందీ తానే అన్నట్టు మాట్లాడటం చంద్రబాబుకు అలవాటుగా మారిందని పేర్కొన్నారు. హైదరాబాద్‌లో ఐటీ కంపెనీవాళ్ల వ్యవహారంలో అంతగా ఎందుకు చంద్రబాబు మమేకం అవుతున్నారని ప్రశ్నించారు. 18 కేసులపై 20 సంవత్సరాలుగా స్టేల మీద తిరుగుతూ నోటుకు ఓటు కేసులో అడ్డంగా దొరికిపోయి హైదరాబాద్ విడిచి పారిపోయాడని అన్నారు. ఏపీకి సంబంధించిన నాయకుల ఆస్తులు అన్నీ హైదరాబాద్‌లో ఉన్నాయని, టీడీపీలో 23 మంది ఎమ్మెల్యేలు జాయిన్ అయితే అభివృద్ధి అంటున్నాడని, అదే టీడీపీవారు మరో పార్టీలో చేరితే మాత్రం వారిని ఓడించాలని పిలుపు ఇస్తున్నాడని, అసలు చంద్రబాబుకు విలువలు ఎక్కడవని ప్రశ్నించారు. ఏపీలో ఏ ప్రాజెక్టుకు అయినా 10 శాతం కమిషన్ కోసం 3 అకౌంట్లు ఇచ్చారని, ఏపీలో నీతి పాలన సాగుతోందని రుజువు చేస్తే తాను మంత్రిపదవికి రాజీనామా చేస్తానని సవాలు విసిరారు. తెలంగాణ అసెంబ్లీ ఎన్నికల సమయంలో కూకట్‌పల్లి, శేరిలింగంపల్లి ఏరియాల్లో కోట్లకు కోట్లు దొరికాయని ఆరోపించారు. తెలంగాణలో లింగయ్య యాదవ్, బండ ప్రకాష్ వంటి సామాన్య కుటుంబాలకు చెందిన వారిని రాజ్యసభకు పంపించామని పేర్కొన్నారు. చంద్రబాబు నాయుడు చెప్పినట్టు ఆ పార్టీ నేతలు డబ్బులు ఇవ్వడానికి వస్తే చెప్పుతో కొట్టాలని అన్నారు. ప్రభుత్వ ఆధీనంలోని విజయా డైరీ కుంగిపోతుంటే హెరిటేజ్ సంస్థకు మాత్రం లాభాలు ఎలా వచ్చాయని ఆయన నిలదీశారు. తాను ఒక్కడే మొత్తం తెలుగువారి ప్రతినిధిలా చంద్రబాబు మాట్లాడుతున్నారని తనను లీడర్‌ను చేశానని చెబుతున్న చంద్రబాబు ఆనాడు నెంబర్ గేమ్ ఆధారంగా సీఎం అయ్యారని గుర్తుంచుకోవాలని శ్రీనివాస్ యాదవ్ పేర్కొన్నారు. చంద్రబాబు అబద్దాలు చెప్పొద్దని, కాణిపాకంలో ఒట్టు వేయడానికి తాను సిద్ధమని పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.